完整藏文原文 · 德格版页 当前仅加载第 37 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྐྱེ་བ་འབྱུང་བ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་དག་གཞན་ཡང་འདི་ལྟ་སྟེ་དཔེར་ན། ཆུས་འཇིག་
D44.037.0084a01.01པའི་བསྐལ་པ་ཆེན་པོ་བྱུང་སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གང་ཆེན་མཚོ་གཅིག་ཏུ་གྱུར་པའི་ཚེ། ཆོས་ཉིད་ཐོབ་པས་དེ་བཞིན་གཤེགས་པ་འབྱུང་བའི་ཡོན་ཏན་རིན་པོ་ཆེས་རྣམ་པར་བརྒྱན་པ་ཞེས་བྱ་བའི་པད་མོ་མང་པོ་འབྱུང་སྟེ།
D44.037.0084a02.01དེ་དག་གིས་ནི་ཆུའི་བསྐལ་པ་ཐམས་ཅད་ཀུན་ནས་ཁེབས་སོ། །དེ་དག་ནི་འཇིག་རྟེན་ཐམས་ཅད་འོད་ཀྱིས་རྒྱས་པར་འགེངས་ཏེ། པད་མོ་དེ་དག་བྱུང་བ་དང་ལྷའི་བུ་དབང་ཕྱུག་ཆེན་པོ་དང་། གནས་གཙང་མའི་རིས་ཀྱི་ལྷའི་བུ་གཞན་རྣམས་ཀྱིས་ཀྱང་།
D44.037.0084a03.01བསྐལ་པ་འདི་ལ་ནི་ཡང་དག་པར་རྫོགས་པའི་སངས་རྒྱས་འདི་སྙེད་ཅིག་འབྱུང་བར་འགྱུར་རོ། །ཞེས་བྱ་བ་ཁོང་དུ་ཆུད་དོ། །ཀྱེ་རྒྱལ་བའི་སྲས་དག་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འགྲུབ་པའི་ཚེ། རླུང་གི་དཀྱིལ་འཁོར་དག་
D44.037.0084a04.01ཅིང་འོད་གསལ་བ་ཞེས་བྱ་བ་ལྡང་སྟེ། དེ་ནི་གཟུགས་ལ་སྤྱོད་པའི་ལྷ་རྣམས་ཀྱི་གཞལ་མེད་ཁང་ཡོངས་སུ་གནས་པར་བྱེད་དོ། །རླུང་གི་དཀྱིལ་འཁོར་དག་ཅིང་དང་ལ་འོད་གསལ་བས་རྒྱན་བཟང་པོ་ཞེས་བྱ་བ་ལྡང་སྟེ། དེ་ནི་འདོད་པ་ལ་སྤྱོད་པའི་
D44.037.0084a05.01ལྷའི་བུ་རྣམས་ཀྱི་ལྷའི་གཞལ་མེད་ཁང་ཡོངས་སུ་འགོད་དོ། །རླུང་གི་དཀྱིལ་འཁོར་གཅིག་ཏུ་སྟུག་ཅིང་ཐ་མི་དད་པ་ཞེས་བྱ་བ་ལྡང་སྟེ། དེ་ནི་ཁོར་ཡུག་དང་ཁོར་ཡུག་ཆེན་པོའི་རི་རྣམས་ཡོངས་སུ་གཞོག་པ་བྱེད་དོ། །རླུང་གི་དཀྱིལ་འཁོར་ཁྱད་པར་དུ་འཕགས་
D44.037.0084a06.01པ་ཞེས་བྱ་བ་ལྡང་སྟེ། དེ་ནི་རི་རབ་རིའི་རྒྱལ་པོ་ཡོངས་སུ་གཞོག་པ་བྱེད་དོ། །རླུང་གི་དཀྱིལ་འཁོར་བརྟན་པ་ཞེས་བྱ་བ་ལྡང་སྟེ། དེ་ནི་རིན་པོ་ཆེ་བཅུ་ཡོངས་སུ་གཞོག་པ་བྱེད་དོ། །བཅུ་གང་ཞེ་ན་འདི་ལྟ་སྟེ། སེང་ལྡེང་ཅན་དང་། དྲང་སྲོང་རི་དང་།
D44.037.0084a07.01