完整藏文原文 · 德格版页 当前仅加载第 37 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་དེ་བཞིན་གཤེགས་པའི་གསུང་གི་དབྱངས་མངོན་པར་བརྗོད་པའི་སྤྲིན་གྱི་ཆར་མངོན་པར་བབ་བོ། །འཇིག་རྟེན་གྱི་ཁམས་ཡོངས་སུ་དག་པ་རྣམ་པ་བརྗོད་དུ་མེད་པའི་སྤྲིན་གྱི་ཆར་མངོན་པར་བབ་བོ། །བྱང་ཆུབ་ཉེ་བར་བརྟེན་པའི་
D44.037.0068a01.01རྣམ་པ་བརྗོད་དུ་མེད་པའི་སྤྲིན་གྱི་ཆར་མངོན་པར་བབ་པོ། །འོད་ཟེར་སྣང་བའི་རྣམ་པ་བརྗོད་དུ་མེད་པའི་སྤྲིན་གྱི་ཆར་མངོན་པར་བབ་བོ། །ཤིན་ཏུ་བསྟན་པའི་བྱིན་གྱི་རླབས་ཀྱི་ཆར་རྣམ་པར་བརྗོད་དུ་མེད་པའང་མངོན་པར་བབ་སྟེ། ཇི་ལྟར་འཇིག་རྟེན་གྱི་ཁམས་
D44.037.0068a02.01འདིའི་གླིང་བཞི་པར་དེ་བཞིན་གཤེགས་པ་བྱང་ཆུབ་ཀྱི་ཤིང་དྲུང་དུ་དེ་བཞིན་གཤེགས་པ་མངོན་པར་འཚང་རྒྱ་བའི་སྙིང་པོ་བྱང་ཆུབ་ལ། བྱང་ཆུབ་སེམས་དཔའ་ཕོ་བྲང་ན་བཞུགས་པར་སྣང་བ་དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་མ་ལུས་པ་རྒྱས་པར་གང་
D44.037.0068a03.01བར་བཞུགས་ཏེ། ཆོས་བསྟན་པ་འདི་ཡང་ཐམས་ཅད་དུ་བྱུང་ངོ་། །སངས་རྒྱས་ཀྱི་མཐུ་དང་ཕྱོགས་བཅུར་དེ་བཞིན་གཤེགས་པ་མངོན་པར་སངས་རྒྱས་པའི་ཆོས་ཉིད་རབ་ཏུ་ཐོབ་པས་སངས་རྒྱས་ཀྱི་ཞིང་བརྗོད་དུ་མེད་པ་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སངས་
D44.037.0068a04.01རྒྱས་ཀྱི་ཞིང་འདས་པའི་ཕ་རོལ་ནས། བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱང་འོངས་པར་གྱུར་ཏེ། ཕྱོགས་བཅུ་བཀང་ནས་དེ་དག་འདི་སྐད་ཟེར་རོ། །ཀྱེ་རྒྱལ་བའི་སྲས། དེ་ལྟར་དེ་བཞིན་གཤེགས་པའི་སྨོན་ལམ་ལུང་བསྟན་
D44.037.0068a05.01པའི་ཆོས་ཉིད་བརྗོད་པ་ལེགས་སོ་ལེགས་སོ། །ཀྱེ་རྒྱལ་བའི་སྲས། བདག་ཅག་ཀྱང་ཐམས་ཅད་ཀུན་ཏུ་བཟང་པོ་ཞེས་བྱ་བར་མིང་མཐུན་པ་ཤ་སྟག་སྟེ། འཇིག་རྟེན་གྱི་ཁམས་ཀུན་ཏུ་དཔལ་ཞེས་བྱ་བ་དག་ནས་དེ་བཞིན་གཤེགས་པའི་མཚན་ཀུན་ཏུ་དཔལ་གྱི་དབང་ཕྱུག་
D44.037.0068a06.01ཅེས་བྱ་བ་ཤ་སྟག་གི་དྲུང་ནས་འདིར་ཕྱིན་ཏེ། ཐམས་ཅད་ནའང་ཆོས་བསྟན་པ་འདི་ཉིད་སངས་རྒྱས་ཀྱི་བྱིན་གྱིས་འཁོར་གྱི་རྣམ་པ་འདི་ལྟ་བུ་དམ་ཚིག་འདི་དག་དང་ཡི་གེ་འདི་དག་དང་། གོ་བར་བྱ་བ་འདི་དག་དང་། བརྗོད་པ་འདི་དག་གིས་ལྷག་ཆད་མེད་པར་བྱང་
D44.037.0068a07.01