完整藏文原文 · 德格版页 当前仅加载第 37 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རྒྱན་བརྒྱ་ཕྲག་སྟོང་དང་ལྡན་པའི་ཆར་འབབ་པ་ཡོད་ཅིང་སྣང་ངོ་། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་། ནམ་ཆོས་ཀྱི་ཆར་ཆེན་པོ་དབབ་པར་དགྱེས་པ་དེའི་ཚེ་བཞེད་ན། ཆོས་གཅིག་
D44.037.0104b01.01རྣམ་པར་དགོད་པའི་རྒྱན་གྱིས་ཀྱང་ཆོས་སྟོན་ཏོ། །བཞེད་ན་ཆོས་བཅུ་རྣམ་པར་དགོད་པའི་རྒྱན་དང་། བཞེད་ན་ཆོས་ཉི་ཤུ་རྣམ་པར་དགོད་པའི་རྒྱན་དང་། བཞེད་ན་ཆོས་བརྒྱ་རྣམ་པར་དགོད་པའི་རྒྱན་དང་། བཞེད་ན་ཆོས་སྟོང་རྣམ་པར་དགོད་པའི་རྒྱན་དང་།
D44.037.0104b02.01བཞེད་ན་ཆོས་བརྒྱ་ཕྲག་སྟོང་རྣམ་པར་དགོད་པའི་རྒྱན་དང་། བཞེད་ན་སེམས་ཅན་གྱི་སྤྱོད་པ་སྟོང་ཕྲག་བརྒྱད་ཅུ་རྩ་བཞི་ལ། གསུང་རྣམ་པ་ཐ་དད་པ་སྟོང་ཕྲག་བརྒྱད་ཅུ་རྩ་བཞི་རྣམ་པར་དགོད་པའི་རྒྱན་གྱིས་ཆོས་སྟོན་པ་ནས། གསུང་གི་རྣམ་པ་བྱེ་བ་ཁྲག་ཁྲིག་བརྒྱ་སྟོང་
D44.037.0104b03.01ཚད་མེད་པའི་བར་དུ་རྣམ་པར་དགོད་པའི་རྒྱན་གྱིས་ཆོས་སྟོན་ཏེ། སེམས་ཅན་ཚད་མེད་པ་ཡང་ཡོངས་སུ་ཚིམ་པར་མཛད་ཀྱང་། དེ་བཞིན་གཤེགས་པའི་ཆོས་ཀྱི་སྤྲིན་ཆེན་པོའི་གསུང་ལ་རྣམ་པར་རྟོག་པ་གང་ཡང་མི་མངའ་འོ། །འོན་ཀྱང་སོ་སོར་ཅི་རིགས་སུ་
D44.037.0104b04.01སེམས་ཅན་རྣམས་ཀྱི་དབང་པོ་ཡོངས་སུ་ཚིམ་པར་བྱ་བའི་ཕྱིར། འདི་ལྟ་སྟེ་དེ་བཞིན་གཤེགས་པའི་ཆོས་ཀྱི་དབྱིངས་ཀྱི་དཀྱིལ་འཁོར་ཤིན་ཏུ་དག་པའི་ཕྱིར། དེ་ལྟར་གསུང་གི་རྣམ་པ་ཚད་མེད་པ་འབྱུང་བར་འགྱུར་རོ། །ཀྱེ་རྒྱལ་བའི་སྲས་ཁོང་དུ་ཆུད་པར་བྱ་བའི་
D44.037.0104b05.01སྒོ་དགུ་པ་འདིས་ཀྱང་དེ་བཞིན་གཤེགས་པའི་གསུང་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། ཀླུའི་རྒྱལ་པོ་གང་ཆེན་མཚོ་ནི། ནམ་ཀླུའི་རྒྱལ་པོ་ཆེན་པོའི་རྣམ་པར་རྩེ་བས། རྣམ་པར་རྩེ་བར་འདོད་ཅིང་སེམས་ཅན་རྣམས་
D44.037.0104b06.01ཀྱང་བདེ་བ་དང་། ཡོངས་སུ་ཚིམ་པར་བྱ་བར་འདོད་པར་གྱུར་པ་དེའི་ཚེ། གླིང་ཆེན་པོ་བཞི་པའི་འཇིག་རྟེན་གྱི་ཁམས་ཀྱི་སའི་སྟེང་ཉེ་བར་བཟུང་བ་ཡན་ཅད། ལྷའི་རྒྱལ་པོ་དབང་བསྒྱུར་གྱི་གནས་ཀྱི་བར་དུ་སྤྲིན་གྱི་དྲ་བ་ཁ་དོག་སྣ་ཚོགས་ཅན་ཁ་དོག་དུ་མ་དང་ལྡན་པས་
D44.037.0104b07.01