完整藏文原文 · 德格版页 当前仅加载第 37 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པ་དང་། དྲི་འཐུན་པ་དང་། མི་འཐུན་པ་ལ་མཉམ་པ་ཉིད་དུ་གནས་པ་དང་། དྲི་འཐུན་པ་དང་། མི་འཐུན་པ་མ་ཡིན་པ་ལ་བཏང་སྙོམས་སུ་གནས་པ་དང་། གོས་དང་། མལ་ཅ་དང་།
D44.037.0230a01.01ཡན་ལག་དང་། ཉིང་ལག་གི་དྲི་ལ་འདོད་ཆགས་དང་། ཞེ་སྡང་དང་། གཏི་མུག་དང་། ཆ་མཉམ་པ་སྤྱོད་པའི་སེམས་ཅན་གྱི་ཤེས་པར་གནས་པ་དང་། གཏེར་ཆེན་པོ་དེ་དག་དང་། རྩྭ་དང་། གེལ་བ་དང་། སྨན་དང་།
D44.037.0230a02.01ནགས་ཚལ་ཇི་སྙེད་པ་དེ་དག་གི་དྲིས་གཏེར་ཐམས་ཅད་མངོན་སུམ་དུ་ཤེས་པར་གནས་པ་དང་། འོག་གི་སེམས་ཅན་དམྱལ་བ་ཆེན་པོ་མནར་མེད་པ་ཡན་ཅད་སྲིད་པའི་རྩེ་མོ་མན་ཅད་ན་གནས་པའི་སེམས་ཅན་རྣམས་ཀྱིས་དྲི་ཚོར་བ་ཙམ་
D44.037.0230a03.01གྱིས་སྔོན་གྱི་སྤྱོད་པ་སྟོན་པར་གནས་པ་དང་། ཉན་ཐོས་ཀྱི་ཚུལ་ཁྲིམས་དང་། ཐོས་པ་དང་། གཏོང་བ་དང་། ཤེས་རབ་ཀྱི་དྲི་ཚོར་བས་ཐམས་ཅད་མཁྱེན་པ་ཉིད་ཀྱི་སེམས་མི་འཁྲུགས་པར་གནས་པ་དང་། བྱང་ཆུབ་སེམས་དཔའ་
D44.037.0230a04.01ཐམས་ཅད་ཀྱི་སྤྱོད་པའི་དྲི་ཚོར་ཞིང་དེ་བཞིན་གཤེགས་པའི་ས་ལ་ཡང་དག་པར་གཞོལ་བའི་ཡེ་ཤེས་ལ་གནས་པ་དང་། དེ་བཞིན་གཤེགས་པ་ཐམས་ཅད་ཀྱི་ཡུལ་དང་ཡེ་ཤེས་ཀྱི་དྲི་ཚོར་ཞིང་བྱང་ཆུབ་སེམས་དཔའི་སྤྱོད་པ་རྒྱུན་མི་
D44.037.0230a05.01གཅོད་པར་གནས་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སྣ་ཡོངས་སུ་དག་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཤངས་མཐའ་དང་དབུས་མེད་པ་བླ་ན་མེད་པ་འཐོབ་པར་
D44.037.0230a06.01འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ལྕེ་སྟེ། བཅུ་གང་ཞེ་ན་འདི་ལྟར་སེམས་ཀྱི་སྤྱོད་པ་མི་ཟད་པ་རབ་ཏུ་སྟོན་པའི་ལྕེ་དང་། ཆོས་ཀྱི་ཚུལ་མི་ཟད་པ་རབ་ཏུ་སྟོན་པའི་ལྕེ་དང་། སངས་རྒྱས་ཀྱི་ཡོན་ཏན་དང་བསྔག་
D44.037.0230a07.01