完整藏文原文 · 德格版页 当前仅加载第 37 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
རྟོག་པར་བྱ་བ་མཛད་ཅིང་སྤྱོད་པ་དང་། དགེ་བའི་རྩ་བས་རྣམ་པར་སྨིན་པ་ཡང་དག་པར་བསྟན་པ་དང་། ཇི་ལྟར་བཀོད་པའི་ཚུལ་དུ་སེམས་ཅན་གདུལ་བ་དང་། ཡོངས་སུ་མ་སྨིན་པའི་སེམས་ཅན་ཡོངས་སུ་སྨིན་པར་བྱ་བ་དང་། ཡོངས་སུ་སྨིན་པ་རྣམས་
D44.037.0022b01.01ཚུལ་བཞིན་དུ་གདུལ་བ་དང་། གྲངས་མེད་པའི་ཐབས་མཁས་པ་མངོན་པར་བསྒྲུབ་པ་དང་། སངས་རྒྱས་ཀྱི་ཕྲིན་ལས་ཕྱིར་མི་ལྡོག་པ་ཡོངས་སུ་བསྟན་པ་དང་། སྒོ་སྣ་ཚོགས་ནས་ཆོས་ཀྱི་སྤྱོད་པ་རབ་ཏུ་བརྗོད་པ་དང་། སེམས་ཅན་རྣམས་ཀྱི་བསམ་
D44.037.0022b02.01པ་སྣ་ཚོགས་པར་རྣམ་པར་སྦྱང་བ་དང་། ཐུགས་རྗེ་ཆེན་པོ་ལས་བྱུང་བའི་ཆོས་ཀྱི་སྤྲིན་གྱིས་མངོན་པར་སྤང་བ་དང་། ཐམས་ཅད་ལ་སྐྱོབ་པའི་བྱམས་པ་ཆེན་པོ་བསྐྱེད་པའི་ཆོ་འཕྲུལ་གསུམ་གྱིས་ཡོངས་སུ་བརླན་པ་དང་། སངས་རྒྱས་ཐམས་ཅད་མངོན་པ་དང་།
D44.037.0022b03.01རྣམ་པར་དམིགས་པར་བཙུན་མོའི་འཁོར་གྱི་ནང་དུ་བསྟན་པ་ཡན་ཆད་དུ་འཇིག་རྟེན་མཐའ་དང་དབུས་མེད་པར་སངས་རྒྱས་ཀྱི་ཕྲིན་ལས་ཡོངས་སུ་བསྟན་པ་མཛད་ཅིང་། ཡེ་ཤེས་ཀྱི་མཐུ་ཆེན་པོ་ཐོགས་པ་མེད་པ་དང་། སངས་རྒྱས་ཀྱི་མངོན་པར་མཁྱེན་པ་བསྒྲིབས་པ་མེད་
D44.037.0022b04.01པར་བསྒྲུབ་པ་དང་། ཆོས་རྣམ་པ་གསུམ་གྱི་ཐབས་མཁས་པ་དང་ལྡན་པའི་ཕྲིན་ལས་ཀྱི་མཐའ་དང་། སྐུའི་ཕྲིན་ལས་ཀྱི་མཐའ་ཤིན་ཏུ་རྣམ་པར་དག་པ་དང་། གསུང་གི་ཕྲིན་ལས་ཡེ་ཤེས་ཉམས་པ་མེད་པས་རྣམ་པར་དག་པ་དང་། ཐུགས་ཀྱི་ཕྲིན་ལས་
D44.037.0022b05.01ཀྱི་མཐའ་ཟབ་ཅིང་ཆགས་པ་མེད་པའི་མཐར་ཐུག་པའི་ཐབས་ལ་མཁས་པས་སེམས་ཅན་རྣམས་ཀྱི་དོན་མཛད་དེ་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཕྲིན་ལས་གསུམ་པའོ། །རྣམ་པར་རྒྱལ་བ་ཆེན་པོ་མངའ་བ་རྣམས་ནི་བཙུན་མོའི་
D44.037.0022b06.01འཁོར་རྒྱན་རྣམ་པར་ཕྱེ་བ་ཚད་མེད་པ་དང་ལྡན་པ་ཡིད་དུ་འོང་བ་སྤངས་ཏེ། མངོན་པར་འབྱུང་བའི་སྤྱོད་པ་ཡོངས་སུ་བསྟན་པས་སེམས་ཅན་རྣམས་འཇིག་རྟེན་གྱི་གནས་ལས་བསྐྱོད་པ་དང་། འཇིག་རྟེན་གྱི་མངོན་པར་ཞེན་པ་རྣམ་པར་བཟློག་པ་དང་། འཇིག་རྟེན་དུ་གཏོགས་པ་
D44.037.0022b07.01