完整藏文原文 · 德格版页 当前仅加载第 37 函德格 378b 版页；藏文 NFD、目录标记与异常页序保留在来源切片中，重复版页行以稳定序号区分。
བསྡུ་བ་སྨོན་ལམ་སྣ་ཚོགས་རྒྱ་མཚོས་རྣམ་པར་དག་པ་རྒྱ་མཚོ་དེ་དག་ལ་ཡང་ཞུགས་སོ། །སངས་རྒྱས་ཀྱི་སྐུ་མདོག་སེམས་ཅན་གྱི་བསམས་པ་ཇི་ལྟ་བ་བཞིན་དུ་ཚིམ་པར་འགྱུར་བར་རྣམ་པར་{དམྱིགས་,དམིགས་}པ་དེ་དག་ཀྱང་མཐོང་ངོ་། །སངས་རྒྱས་ཀྱི་འོད་གཟེར་གྱི་དྲ་བ་འདོད་
D44.037.0378b01.01ཆགས་དང་བྲལ་བ་སྣ་ཚོགས་ཀྱིས་རྣམ་པར་དག་པའི་རྒྱན་གྱི་དཀྱིལ་འཁོར་དེ་དག་ཀྱང་མཐོང་ངོ་། །སངས་རྒྱས་ཀྱི་སྟོབས་དེ་དག་ལའང་ཡེ་ཤེས་རྣམ་པར་སྣང་བ་བསྒྲིབས་པ་མེད་པ་དང་ལྡན་པས་ཞུགས་སོ། །དེ་ལྟར་བྱང་ཆུབ་སེམས་དཔའི་རྣམ་པར་ཐར་པ་གཞན་གྱིས་མི་
D44.037.0378b02.01ཐུབ་པའི་རྒྱལ་མཚན་གྱི་ཡེ་ཤེས་ཀྱི་འོད་ཀྱིས་སྣང་བར་གྱུར་པ། ཏིང་ངེ་འཛིན་རྣམ་པར་སྣང་མཛད་ཀྱི་སྙིང་པོ་སྣང་བ་རབ་ཏུ་ཐོབ་པ། ཏིང་ངེ་འཛིན་ཡེ་ཤེས་{མྱི་,མི་}ཟད་པའི་རྣམ་པར་ཐར་པ་དང་ལྡན་པ། གཟུངས་ཀྱི་སྒོ་སྣང་བ་ཕྱོགས་ཀུན་གྱི་དྲ་བ་རབ་ཏུ་ཐོབ་པ།
D44.037.0378b03.01གཟུངས་ཀྱི་སྒོ་རྡོ་རྗེའི་སྙིང་པོས་སེམས་རབ་ཏུ་གསལ་བར་བྱས་པ། ཏིང་ངེ་འཛིན་ཡེ་ཤེས་བརྩེགས་པ་རྣམ་པར་ཕྱེ་བའི་ཡུལ་ལ་རྣམ་པར་ཕྱེ་བ་རབ་ཏུ་ཐོབ་པ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣམ་པར་སྤྱོད་པ་གཞི་ཀུན་ནས་རྣམ་པར་བརྒྱན་པའི་སྙིང་པོ་ཡུལ་དུ་
D44.037.0378b04.01གྱུར་པ། ཏིང་ངེ་འཛིན་གྱི་སྣང་བ་སངས་རྒྱས་ནམ་མཁའི་སྙིང་པོའི་དཀྱིལ་འཁོར་ལ་རབ་ཏུ་ཞུགས་པ། ཏིང་ངེ་འཛིན་སངས་རྒྱས་ཐམས་ཅད་ཀྱི་ཆོས་ཀྱི་འཁོར་ལོའི་མུ་ཁྱུད་ཀྱིས་སེམས་རབ་ཏུ་སྣང་བར་བྱས་པ། ཏིང་ངེ་འཛིན་གྱི་སྣང་བ་དུས་གསུམ་གྱི་ཡེ་ཤེས་རིན་པོ་
D44.037.0378b05.01ཆེ་མི་ཟད་པའི་དཀྱིལ་འཁོར་ལ་རབ་ཏུ་བརྩོན་པ་དེས་དེ་བཞིན་གཤེགས་པ་ལ་ལའི་ཞབས་ཀྱི་དྲུང་དུ་ནི་ཉིན་ཞག་གཅིག་ལོན་པར་ཤེས་སོ། །ལ་ལར་ནི་ཉིན་ཞག་བདུན་ལོན་པ་སྙམ། ལ་ལར་ནི་ཟླ་བ་ཕྱེད་ལོན་པ་སྙམ། ལ་ལར་ནི་ཟླ་བ་གཅིག་ལོན་པ་སྙམ། ལ་ལར་ནི་ལོ་གཅིག་
D44.037.0378b06.01ལོན་པ་སྙམ། ལ་ལར་ནི་ལོ་བརྒྱར་ལོན་པ་སྙམ། ལ་ལར་ནི་ལོ་སྟོང་ལོན་པ་སྙམ། ལ་ལར་ནི་ལོ་བརྒྱ་ཕྲག་སྟོང་ལོན་པ་སྙམ། ལ་ལར་ནི་ལོ་བྱེ་བ་ལོན་པ་སྙམ། ལ་ལར་ནི་ལོ་བྱེ་བ་བརྒྱ་ལོན་པ་སྙམ། ལ་ལར་ནི་ལོ་བྱེ་བ་སྟོང་ལོན་པ་སྙམ། ལ་ལར་ནི་ལོ་
D44.037.0378b07.01