完整藏文原文 · 德格版页 当前仅加载第 37 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་ཅིག་མ་གཅིག་གིས་ཐམས་ཅད་ཡོངས་སུ་བསྟན་ཀྱང་། སངས་རྒྱས་བཅོམ་ལྡན་འདས་རྣམས་ཆེད་དུ་བསྒྲུབ་པ་མི་མཛད་པ་ལ་མངའ་ཆེ་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་མངའ་ཆེན་
D44.037.0017a01.01པོས་མངའ་བསྒྱུར་བའི་ཆོས་བཅུ་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་མངའ་ཆེན་པོས་མངའ་བསྒྱུར་བའི་ཆོས་སོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་
D44.037.0017a02.01ཆོས་ཡོངས་སུ་རྫོགས་པ་ཚད་མེད་པ་བསམ་གྱིས་མི་ཁྱབ་པ་རྣམས་ཏེ། བཅུ་གང་ཞེ་ན། མཚན་རེ་རེ་ཞིང་བསོད་ནམས་བརྒྱ་པའི་མཚན་ཡོངས་སུ་དག་པར་འགྱུར་བ་འདི་ནི་ཡོངས་སུ་རྫོགས་པ་དང་པོ་སྟེ། དེས་སངས་རྒྱས་བཅོམ་ལྡན་
D44.037.0017a03.01འདས་རྣམས་བྱང་ཆུབ་ཏུ་མངོན་པར་འཚང་རྒྱའོ། །སངས་རྒྱས་ཀྱི་ཆོས་རྣམས་ཡོངས་སུ་རྫོགས་པས། སངས་རྒྱས་བཅོམ་ལྡན་འདས་རྣམས་བྱང་ཆུབ་ཏུ་མངོན་པར་འཚང་རྒྱའོ། །དགེ་བའི་རྩ་བ་ཐམས་ཅད་ཡོངས་སུ་རྫོགས་པས་སངས་རྒྱས་བཅོམ་ལྡན་
D44.037.0017a04.01འདས་རྣམས་བྱང་ཆུབ་ཏུ་མངོན་པར་འཚང་རྒྱའོ། །ཡོན་ཏན་ཐམས་ཅད་ཀྱི་འབྱུང་གནས་ཕུན་སུམ་ཚོགས་པའི་སྤྱོད་པ་ཡོངས་སུ་དག་པ་ཡོངས་སུ་རྫོགས་པས། སངས་རྒྱས་བཅོམ་ལྡན་འདས་རྣམས་བྱང་ཆུབ་ཏུ་མངོན་པར་འཚང་རྒྱའོ། །སེམས་
D44.037.0017a05.01ཅན་ཡོངས་སུ་སྨིན་པར་བྱ་བ་དང་། གདུལ་བ་ཡོངས་སུ་རྫོགས་པས་སངས་རྒྱས་བཅོམ་ལྡན་འདས་རྣམས་བྱང་ཆུབ་ཏུ་མངོན་པར་འཚང་རྒྱའོ། །སངས་རྒྱས་ཀྱི་མངའ་འགྲོ་བ་ཐམས་ཅད་ཀྱིས་ཟིལ་གྱིས་མི་ནོན་པ། ཡོངས་སུ་རྫོགས་པས་སངས་
D44.037.0017a06.01རྒྱས་བཅོམ་ལྡན་འདས་རྣམས་བྱང་ཆུབ་ཏུ་མངོན་པར་འཚང་རྒྱའོ། །ཞིང་ཡོངས་སུ་དག་པར་བྱ་བ་ཡོངས་སུ་རྫོགས་པས་སངས་རྒྱས་བཅོམ་ལྡན་འདས་རྣམས་བྱང་ཆུབ་ཏུ་མངོན་པར་འཚང་རྒྱའོ། །ཐམས་ཅད་མཁྱེན་པའི་ཡེ་ཤེས་ཡོངས་སུ་རྫོགས་
D44.037.0017a07.01