完整藏文原文 · 德格版页 当前仅加载第 37 函德格 170a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བ་བཞིན་དུ་མངོན་པར་བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ་དང་། འཇིག་རྟེན་གྱི་ཁམས་བསམ་གྱིས་མི་ཁྱབ་པར་ལུས་ཡོངས་སུ་བསྟན་པ་མངོན་པར་བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ་
D44.037.0170a01.01དང་། འཇིག་རྟེན་གྱི་ཁམས་བརྗོད་དུ་མེད་པར་སེམས་སྐད་ཅིག་གིས་འགྲོ་བ་མངོན་པར་བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ་དང་། འཇིག་རྟེན་གྱི་ཁམས་བསམ་གྱིས་མི་ཁྱབ་པ་བརྒྱན་པར་བྱིན་གྱིས་བརླབ་པ་ལ་མཁས་ཤིང་ཤེས་
D44.037.0170a02.01པའི་མངོན་པར་ཤེས་པ་དང་། ལུས་ཀྱི་རྒྱུད་བརྗོད་དུ་མེད་པར་སྤྲུལ་པ་ཡོངས་སུ་བསྟན་པ་མངོན་པར་བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ་དང་། འཇིག་རྟེན་གྱི་ཁམས་བརྗོད་དུ་མེད་པར་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་
D44.037.0170a03.01མངོན་པར་སངས་རྒྱས་སོ། །ཞེས་བྱ་བར་སེམས་ཅན་གྱི་བསམ་པ་བསམ་གྱིས་མི་ཁྱབ་པ་ཇི་ལྟ་བ་བཞིན་དུ་ཡོངས་སུ་བསྟན་པ་ལ་མཁས་ཤིང་ཤེས་པའི་མངོན་པར་ཤེས་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་མངོན་
D44.037.0170a04.01པར་ཤེས་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་མངོན་པར་ཤེས་པ་ཆེན་པོ་བསྒྲུབ་པ་ལ་མཁས་པ་བླ་ན་མེད་པ་འཐོབ་པར་འགྱུར་བ་དག་གོ། །སངས་རྒྱས་ཐམས་ཅད་ཀྱི་རྣམ་པར་འཕྲུལ་པ་འཐོབ་པར་འགྱུར་བ་དག་གོ །
D44.037.0170a05.01སེམས་ཅན་ཐམས་ཅད་ལ་ཡོངས་སུ་སྟོན་པའི་ནན་ཏན་བྱེད་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་རིག་པ་སྟེ། བཅུ་གང་ཞེ་ན། འདི་ལྟར་སེམས་ཅན་གྱི་ལས་དང་རྣམ་པར་སྨིན་པ་མངོན་པར་བསྒྲུབ་པ་
D44.037.0170a06.01ལ་མཁས་ཤིང་ཤེས་པའི་རིག་པ་དང་། འགྲོ་བ་ཐམས་ཅད་ཀྱི་དམིགས་པས་དབེན་ཞིང་བྱེད་པ་མེད་པ་ལ་སྤྲོས་པ་མེད་པའི་སེམས་རབ་ཏུ་ཞི་བ་མངོན་པར་བསྒྲུབ་པ་ལ་མཁས་ཤིང་ཤེས་པའི་རིག་པ་དང་དམིགས་པ་ཐམས་ཅད་ལ་ཞུགས་པས་སེམས་གཅིག་ལ་
D44.037.0170a07.01