完整藏文原文 · 德格版页 当前仅加载第 37 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
མཐར་ཐུག་མེད་པས་འཇིག་རྟེན་མགོ་རྨོངས་འགྱུར། །འོན་ཀྱང་འགྲོ་ལ་ཕན་དོན་སེམས་ཅན་ཤེས་བྱའི་ཕྱིར། །མི་མཁས་འགྲོ་བ་བསྟན་ཕྱིར་ཡེ་ཤེས་བསྟན་དོན་དུ། །རྒྱལ་བ་རྣམས་ཀྱི་དོན་རབ་དཔེ་མེད་དཔེས་བརྗོད་དོ།། །།སངས་
D44.037.0090b01.01རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་དགུ་པ། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱིས། །བྱང་ཆུབ་སེམས་དཔའ་སེམས་
D44.037.0090b02.01དཔའ་ཆེན་པོ་ཀུན་ཏུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སྐུ་བལྟར་ཡོད་པ་ཇི་ལྟ་བུར་ཁོང་དུ་ཆུད་པར་བྱ།
D44.037.0090b03.01དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དེ་བཞིན་
D44.037.0090b04.01གཤེགས་པའི་སྐུ་བལྟར་ཡོད་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཚད་མེད་པའི་རྗེས་སུ་འགྲོ་བས་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་དེ་ཅིའི་ཕྱིར་ཞེ་ན། ད་ནི་དེ་བཞིན་གཤེགས་པའི་སྐུ་བལྟར་ཡོད་པ་ནི་བྱང་ཆུབ་སེམས་དཔའ་ཆོས་
D44.037.0090b05.01གཅིག་གམ། རྣམ་པ་གཅིག་གམ། སྐུ་གཅིག་གམ། ཞིང་གཅིག་གམ། སེམས་ཅན་གཅིག་གིས་ཁོང་དུ་ཆུད་པར་བྱ་བ་མ་ཡིན་ཏེ། ཀྱེ་རྒྱལ་བའི་སྲས། དེ་བཞིན་གཤེགས་པའི་སྐུ་བལྟར་ཡོད་པ་ནི་ཐམས་ཅད་དུ་རྗེས་སུ་
D44.037.0090b06.01སོང་བར་བྱང་ཆུབ་སེམས་དཔས་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། ནམ་མཁའི་དབྱིངས་ནི་ཐམས་ཅད་ཀྱི་རྗེས་སུ་སོང་བ་སྟེ། འདོད་པ་དང་གཟུགས་ཡོད་པ་དང་། གཟུགས་མེད་པའི་གནས་ཐམས་ཅད་དུ་ཁྱབ་པ་ཡིན་
D44.037.0090b07.01