完整藏文原文 · 德格版页 当前仅加载第 37 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ངག་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་དེ་བཞིན་གཤེགས་པའི་གསུང་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའི་ངག་དེ་ཡང་ལས་རྣམ་
D44.037.0211b01.01པར་དག་པ་བཅུས་ཡོངས་སུ་སྦྱངས་པ་ཡིན་ཏེ། བཅུ་གང་ཞེ་ན། འདི་ལྟར་དེ་བཞིན་གཤེགས་པའི་གསུང་ལ་མོས་པ་ཡོངས་སུ་དག་པ་དང་། བྱང་ཆུབ་སེམས་དཔའི་ཚིག་སྔོན་མ་ཐོས་པ་ལ་མངོན་པར་མོས་པ་ཡོངས་སུ་དག་པ་དང་། འགྲོ་བ་ཐམས་
D44.037.0211b02.01ཅད་ཀྱི་ཡིད་དུ་མི་འོང་བའི་ཚིག་ཡོངས་སུ་སྤངས་པས་ཡོངས་སུ་དག་པ་དང་། སྔོན་གྱི་མཐར་ངག་གི་ཉེས་པ་བཞི་དང་བྲལ་བས་ཡོངས་སུ་དག་པ་དང་། དགའ་བ་དང་། མོས་པ་ཆེན་པོས་དེ་བཞིན་གཤེགས་པ་མངོན་པར་བསྟོད་པས་ཡོངས་སུ་དག་པ་
D44.037.0211b03.01དང་། སྒྲ་ཆེན་པོས་དེ་བཞིན་གཤེགས་པ་མཆོད་པར་འོས་པ་ཡང་དག་པ་ཇི་ལྟ་བ་བཞིན་དུ་སངས་རྒྱས་ཀྱི་ཡོན་ཏན་དང་། ལེགས་པ་བརྗོད་པས་ཡོངས་སུ་དག་པ་དང་། བསམ་པ་ཐག་པས་སེམས་ཅན་གཞན་ལ་ཆོས་ཀྱི་སྦྱིན་པས། སྡུད་
D44.037.0211b04.01པ་ཡོངས་སུ་དག་པ་དང་། གླུའི་དབྱངས་དང་། རོལ་མོ་བརྡུང་བ་དང་། དཀྲོལ་བའི་དབྱངས་ཀྱིས་དེ་བཞིན་གཤེགས་པ་ལ་མངོན་པར་བསྟོད་པས་ཡོངས་སུ་དག་པ་དང་། སངས་རྒྱས་བཅོམ་ལྡན་འདས་རྣམས་ལས་མངོན་སུམ་དུ་ཆོས་ཐོས་ནས།
D44.037.0211b05.01རང་གི་ལུས་འབུལ་བས་ཡོངས་སུ་དག་པ་དང་། བྱང་ཆུབ་སེམས་དཔའི་ཆོས་སྨྲ་བ་ཐམས་ཅད་ལས་ཆོས་ཐོས་ནས། རིམ་གྲོ་བྱ་བའི་ཕྱིར་བདག་འབུལ་ཞིང་སྙིང་ཐག་པ་ནས་ཡོངས་སུ་བཏང་བས་ཡོངས་སུ་དག་པ་སྟེ། ཀྱེ་རྒྱལ་བའི་སྲས་བྱང་ཆུབ་
D44.037.0211b06.01སེམས་དཔའི་ངག་ནི་ལས་རྣམ་པར་དག་པ་བཅུ་པོ་དེ་དག་གིས་ཤིན་ཏུ་སྦྱངས་པར་འབྱུང་ངོ་། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ཀྱི་ངག་དེ་ལྟར་ཡོངས་སུ་སངས་པ་དེ་ཡང་ཡོངས་སུ་འཛིན་པ་བཅུས། ཡོངས་སུ་གཟུང་བར་འབྱུང་སྟེ།
D44.037.0211b07.01