完整藏文原文 · 德格版页 当前仅加载第 37 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་བྱུང་བའི་སངས་རྒྱས་ཐམས་ཅད་ཀྱི་ཡེ་ཤེས་རྒྱ་མཚོའི་གློང་ཡོངས་སུ་དག་པ་ཐམས་ཅད་ཀྱིས་ཞིང་རྒྱ་མཚོ་རབ་ཏུ་བརྒྱན་ཅིང་ཀླུབས་ཏེ། རྣམ་པར་འགོད་པའི་སྤྲིན་ཅེས་བྱ་བ་མངའོ། །དེ་བཞིན་གཤེགས་པའི་ཕྱག་གི་མཐིལ་
D44.037.0051a01.01ལ་དེ་བཞིན་གཤེགས་པའི་མཚན་རིན་པོ་ཆེའི་འཁོར་ལོ་རྩིབས་སྟོང་དང་ལྡན་པ། དབུས་རིན་པོ་ཆེས་བརྒྱན་པ། རིན་པོ་ཆེའི་འོད་ཟེར་རྣམ་པར་གསལ་བའི་འོད་རྣམ་པར་སྣང་བ། ཆོས་ཀྱི་དབྱིངས་སུ་འབར་ཞིང་འཁོར་ལོ་གཡས་ཕྱོགས་སུ་འཁྱིལ་པ།
D44.037.0051a02.01སངས་རྒྱས་རྒྱ་མཚོའི་གཟུགས་རྣམ་པར་སྣང་བས། སངས་རྒྱས་ཐམས་ཅད་ཀྱི་འོད་དང་། དཔལ་གྱིས་རྒྱས་པར་གང་བའི་འོད་ཟེར་རིན་པོ་ཆེའི་རྒྱལ་པོ་རྣམ་པར་སྣང་བ་སྣ་ཚོགས་ཐམས་ཅད་ལྟ་བུར་འཇིག་རྟེན་གྱི་ཁམས་སུ་ཆོས་ཀྱི་རྒྱན་གྱི་སྤྲིན་དུ་སྣང་བ་
D44.037.0051a03.01ཞེས་བྱ་བ་མངའོ། །དེ་བཞིན་གཤེགས་པའི་ཕྱག་རིན་པོ་ཆེ་ལ་དེ་བཞིན་གཤེགས་པའི་མཚན་རིན་པོ་ཆེའི་རྒྱན་གྱི་སྤྲིན་ཟླ་བའི་འོད་ཟེར་ཀུན་ཏུ་འབྱུང་བས་ནམ་མཁའི་དབྱིངས་ཡོངས་སུ་བརྒྱན་ཅིང་སངས་རྒྱས་དང་བྱང་ཆུབ་སེམས་དཔའི་གསུང་འཇིག་
D44.037.0051a04.01རྟེན་ཐམས་ཅད་དུ་སྒྲོག་པ་རྒྱ་མཚོས་བྱང་ཆུབ་སེམས་དཔའི་སྤྱོད་པ་རྒྱ་མཚོ་ཡང་དག་པར་བརྗོད་པ་རྒྱ་མཚོའི་འོད་ཀྱི་སྤྲིན་ཅེས་བྱ་བ་མངའོ། །སངས་རྒྱས་ཀྱི་ཕྱག་ལ་དེ་བཞིན་གཤེགས་པའི་མཚན་རིན་པོ་ཆེའི་མེ་ཏོག་བཻཌཱུརྱ་དང་། ཨིནྡྲ་ནཱི་ལས་
D44.037.0051a05.01བརྒྱན་པ་གཡས་ཕྱོགས་སུ་འཁྱིལ་པ། པད་མོའི་སྙིང་པོ་ཅན་བྱང་ཆུབ་སེམས་དཔའ་དང་། འཇིག་རྟེན་གྱི་ཁམས་ཐམས་ཅད་དུ་རིན་པོ་ཆེའི་ཕུང་པོ་མཆོག་ལ་གནས་པའི་འོད་ཕྱོགས་ཐམས་ཅད་ཀྱི་དབྱིངས་བྱང་ཆུབ་ཀྱི་ཤིང་རྣམ་པར་བཀོད་པས་བརྒྱན་པ་
D44.037.0051a06.01སངས་རྒྱས་རྒྱ་མཚོའི་སྤྲིན་ལ། སངས་རྒྱས་ཀྱི་ཆོས་ཀྱི་སྐུའི་འོད་སྣང་བ་མི་གཡོ་བའི་སྤྲིན་ཅེས་བྱ་བ་{མངའའོ,མངའོ}། །དེ་བཞིན་གཤེགས་པའི་ཕྱག་ལ་དེ་བཞིན་གཤེགས་པའི་མཚན་འོད་འཕྲོ་བ་རྣམ་པར་སྣང་བ་དང་། རིན་པོ་ཆེའི་རླབས་ཀྱི་འོད་རྣམ་པར་
D44.037.0051a07.01