完整藏文原文 · 德格版页 当前仅加载第 37 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་ལོ་ཐོག་ལ་བབ་པས་ཀྱང་ཉེ་བར་འཚོ་བ་ཡིན། སེམས་ཅན་གྱི་རྙོག་པ་ཡོངས་སུ་སེལ་བས་དད་པ་བསྐྱེད་པས་ཀྱང་ཉེ་བར་འཚོ་བ་ཡིན། རྒྱུ་དང་འབྲས་བུ་རྣམ་པར་ཆུད་མི་ཟ་བས་མཐོང་བ་དོན་ཡོད་པས་ཀྱང་།
D44.037.0092a01.01ཉེ་བར་འཚོ་བ་ཡིན། སྐྱེ་བ་དང་འཕོ་བ་ཡང་དག་པར་སྟོན་ཅིང་། གཟུགས་སྣང་བར་མཛད་པས་ཀྱང་ཉེ་བར་འཚོ་བ་ཡིན། དགེ་བའི་རྩ་བ་རྣམ་པར་ཆུད་མི་གཟོན་ཅིང་ཁོང་ཁྲོ་བ་མི་མངའ་བས་ཀྱང་ཉེ་བར་འཚོ་བ་ཡིན། སློབ་མའི་ཡོན་ཏན་པད་མོའི་
D44.037.0092a02.01ཁ་ཕྱེ་ཞིང་རྒྱས་པར་མཛད་དེ། སེམས་ཅན་རྣམས་ལ་ཡེ་ཤེས་ཀྱི་འོད་ཟེར་ཚད་མེད་པ་རབ་ཏུ་གཏོང་བས་ཀྱང་ཉེ་བར་འཚོ་བ་ཡིན། སྤྱད་པ་བརྩམས་པ་ཡོངས་སུ་གྲུབ་པར་མཛད་ཅིང་། བྱང་ཆུབ་སེམས་དཔའི་སྤྲོ་བ་བསྐྱེད་པས་ཀྱང་ཉེ་བར་འཚོ་
D44.037.0092a03.01བ་ཡིན། དེ་ཅིའི་ཕྱིར་ཞེ་ན། དེ་བཞིན་གཤེགས་པའི་སྐུའི་ཉི་མ་ནི་ཡེ་ཤེས་ཀྱི་འོད་ཟེར་དཀྱིལ་འཁོར་ཚད་མེད་པ་དང་ལྡན་པའི་ཕྱིར་རོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོས་ཁོང་དུ་ཆུད་པར་བྱ་བའི་སྒོ་གསུམ་
D44.037.0092a04.01པ་འདིས་ཀྱང་། དེ་བཞིན་གཤེགས་པའི་སྐུ་བལྟར་ཡོད་པར་ཤེས་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། ཉི་མའི་དཀྱིལ་འཁོར་དེ་ཉིད་འཛམ་བུའི་གླིང་དུ་འཆར་བའི་ཚེ། ཐོག་མ་ཉིད་དུ་རིའི་རྒྱལ་པོ་ཆེན་པོ་འདི་ལྟ་སྟེ། རི་རབ་
D44.037.0092a05.01རིའི་རྒྱལ་པོ་ལ་སྣང་བར་འགྱུར་རོ། །དེའི་འོག་ཏུ་དེ་མ་ཡིན་པའི་རི་ཆེན་པོ་གཞན་ལ་སྣང་བར་འགྱུར་རོ། །དེའི་འོག་ཏུ་རི་ནག་པོ་དག་ལའང་སྣང་བར་འགྱུར་རོ། །དེའི་འོག་ཏུ་ས་ཕྱོགས་མཐོན་པོ་རྣམས་སུ་སྣང་བར་འགྱུར་རོ། །དེའི་འོག་ཏུ་འཛམ་
D44.037.0092a06.01བུའི་གླིང་འདིའི་ཕྱོགས་དམའ་བ་དག་ཀྱང་སྣང་བར་བྱེད་དེ། འོན་ཀྱང་ཉི་མའི་དཀྱིལ་འཁོར་ལ་འདིར་ནི་ཐོག་མ་ཉིད་དུ་འོད་ཟེར་དགྱེའོ་ཞེ་འམ། འདིར་ནི་ཐོག་མར་སྣང་བར་བྱའོ། །ཞེས་བྱ་བའི་རྣམ་པར་རྟོག་པ་མེད་དེ། སྤྲོས་པ་མེད་ཀྱང་
D44.037.0092a07.01