完整藏文原文 · 德格版页 当前仅加载第 37 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་རྣམས་ཀྱི་ཆོས་ལ་རྣམ་པར་འཕྲུལ་པ་སྟེ། བཅུ་གང་ཞེ་ན། འདི་ལྟར་ཆོས་ཐམས་ཅད་ཆོས་གཅིག་ཏུ་ཡང་དག་པར་གཞོལ་བར་བྱ་བ་དང་། ཆོས་གཅིག་པོ་ཆོས་ཐམས་ཅད་དུ་ཡང་དག་པར་གཞོལ་བར་བྱེད་
D44.037.0198a01.01ཀྱང་སེམས་ཅན་གྱི་བསམ་པ་དང་། མི་འགལ་བར་རྣམ་པར་དམིགས་པའི་རྣམ་པར་འཕྲུལ་བ་དང་། ཆོས་ཐམས་ཅད་ཤེས་རབ་ཀྱི་ཕ་རོལ་ཏུ་ཕྱིན་པས་བསྒྲུབ་པར་ཁོང་དུ་ཆུད་པར་བྱ་བ་ཕ་རོལ་གྱིས་གོ་བར་བྱ་བའི་རྣམ་པར་འཕྲུལ་བ་དང་། ཆོས་
D44.037.0198a02.01ཐམས་ཅད་འདུ་ཤེས་དང་བྲལ་བར་སེམས་ཅན་མང་པོས་ཁོང་དུ་ཆུད་པར་བྱ་བའི་རྣམ་པར་འཕྲུལ་བ་དང་། ཆོས་ཐམས་ཅད་ལ་ཚུལ་གཅིག་ཏུ་འཇུག་ཅིང་ཚུལ་མཐའ་ཡས་པར་སྟོན་པའི་རྣམ་པར་འཕྲུལ་བ་དང་། ཆོས་ཐམས་ཅད་ལ་བརྗོད་དུ་མེད་
D44.037.0198a03.01པར་འཇུག་ཅིང་། སྒོ་བརྒྱ་སྟོང་གིས་ཕ་རོལ་ཀྱི་རྒྱུད་དུ་བསྟན་པའི་རྣམ་པར་འཕྲུལ་བ་དང་། ཆོས་ཐམས་ཅད་སྒོ་ཀུན་ནས་རྒྱུ་བའི་ཡི་གེའི་ཚུལ་ལ་མཁས་པར་རྣམ་པར་འཕྲུལ་པ་དང་། ཆོས་ཐམས་ཅད་ཆོས་ཀྱི་སྒོ་གཅིག་དང་མི་འགལ་བ་ལ་
D44.037.0198a04.01འཇུག་པའི་ཚུལ་ཁོང་དུ་ཆུད་པར་སྟོན་པས་བསྐལ་པ་བརྗོད་དུ་མེད་ཅིང་མི་ཟད་པར་རྣམ་པར་འཕྲུལ་པ་དང་། ཆོས་ཐམས་ཅད་སངས་རྒྱས་ཀྱི་ཆོས་སུ་འཇུག་པ་ལ་སེམས་ཅན་མང་པོ་གཟུད་པའི་རྣམ་པར་འཕྲུལ་བ་དང་། ཆོས་ཐམས་ཅད་མཐའ་
D44.037.0198a05.01དང་དབུས་མེད་པར་ཡོངས་སུ་སྟོན་པའི་རྣམ་པར་འཕྲུལ་བ་དང་། ཆོས་ཐམས་ཅད་ལ་ཆགས་པ་མེད་པའི་མཐར་ཕྱིན་ཅིང་མཐའ་དང་དབུས་མེད་པའི་སྒྱུ་མའི་དྲ་བ་རྣམ་པ་ཐ་དད་པ་ལ་འཇུག་པས་བསྐལ་པ་མུ་མེད་པར་མི་ཟད་པར་སེམས་ཅན་ལ་སྟོན་
D44.037.0198a06.01པའི་རྣམ་པར་འཕྲུལ་པ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཆོས་ལ་རྣམ་པར་འཕྲུལ་པའོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ལུས་ལ་རྣམ་པར་འཕྲུལ་བ་སྟེ། བཅུ་
D44.037.0198a07.01