完整藏文原文 · 德格版页 当前仅加载第 37 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་རྣམས་ཀྱི་རྒྱུ་འཐུན་པ་སྟེ། བཅུ་གང་ཞེ་ན་འདི་ལྟར་ཆུད་མི་ཟ་བའི་ཕྱིར། བྱང་ཆུབ་ཀྱི་སེམས་ཀྱི་རྒྱུ་འཐུན་པ་དང་། རྒྱུད་ཀྱི་ཚུལ་གཅིག་ཏུ་བྱ་བའི་ཕྱིར་དགེ་བའི་བཤེས་གཉེན་གྱི་རྒྱུ་འཐུན་པ་དང་། ཤིན་ཏུ་བསྩགས་པའི་ཕྱིར་དགེ་བའི་རྩ་བའི་
D44.037.0147b01.01རྒྱུ་འཐུན་པ་དང་། ནན་ཏན་དུ་བྱ་བའི་ཕྱིར་ཕ་རོལ་ཏུ་ཕྱིན་པའི་རྒྱུ་འཐུན་པ་དང་། འབྱུང་བའི་ཕྱིར་ཆོས་ཐམས་ཅད་ཀྱི་རྒྱུ་འཐུན་པ་དང་། བྱང་ཆུབ་བརྟན་པའི་ཕྱིར་སྨོན་ལམ་གྱི་རྒྱུ་འཐུན་པ་དང་། རྒྱ་ཆེན་པོ་ཡང་དག་པར་བསྩགས་པའི་ཕྱིར་སྤྱོད་པའི་
D44.037.0147b02.01རྒྱུ་འཐུན་པ་དང་། ཚུལ་གཅིག་ཏུ་བྱ་བའི་ཕྱིར་བྱང་ཆུབ་སེམས་དཔའ་ཐམས་ཅད་དང་རྒྱུ་འཐུན་པ་དང་། སེམས་རབ་ཏུ་དང་བའི་ཕྱིར་སངས་རྒྱས་མཆོད་པ་རྒྱུ་འཐུན་པ་དང་། ཕ་ལྟ་བུར་བརྗོད་པའི་ཕྱིར་དེ་བཞིན་གཤེགས་པ་ཐམས་ཅད་དང་རྒྱུ་འཐུན་པའོ། །
D44.037.0147b03.01ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་རྒྱུ་འཐུན་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་པོ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་
D44.037.0147b04.01བྱང་ཆུབ་སེམས་དཔའ་རྣམས་ཀྱི་ངོ་མཚར་ཀྱི་འདུ་ཤེས་ཏེ། བཅུ་གང་ཞེ་ན། འདི་ལྟར་དགེ་བའི་རྩ་བ་ཐམས་ཅད་ལ་མི་དགེ་བར་འདུ་ཤེས་པ་དང་། དགེ་བ་ཐམས་ཅད་ལ་བྱང་ཆུབ་ཀྱི་ས་བོན་དུ་འདུ་ཤེས་པ་དང་། སེམས་ཅན་ཐམས་ཅད་ལ་བྱང་
D44.037.0147b05.01ཆུབ་ཀྱི་སྣོད་དུ་འདུ་ཤེས་པ་དང་། སྨོན་ལམ་ཐམས་ཅད་ལ་སྨོན་ལམ་མེད་པར་འདུ་ཤེས་པ་དང་། ཆོས་ཐམས་ཅད་ལ་འབྱུང་བར་འདུ་ཤེས་པ་དང་། སྤྱོད་པ་ཐམས་ཅད་ལ་སྤྱོད་པ་མེད་པར་འདུ་ཤེས་པ་དང་། ཆོས་ཐམས་ཅད་ལ་སངས་རྒྱས་ཀྱི་ཆོས་
D44.037.0147b06.01སུ་འདུ་ཤེས་པ་དང་། ཚིག་ཏུ་སྤྱོད་པ་ཐམས་ཅད་ལ་དག་གི་ལམ་{མྱེད་,མེད་}པར་འདུ་ཤེས་པ་དང་། སངས་རྒྱས་ཐམས་ཅད་ལ་ཕར་འདུ་ཤེས་པ་དང་། དེ་བཞིན་གཤེགས་པ་ཐམས་ཅད་ལ་གཉིས་སུ་མེད་པར་འདུ་ཤེས་པའོ། །ཀྱེ་རྒྱལ་བའི་སྲས་
D44.037.0147b07.01