完整藏文原文 · 德格版页 当前仅加载第 37 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་བསྲུང་བས་དག་པའི་ཚུལ་ཁྲིམས་སོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཡོངས་སུ་དག་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཚུལ་ཁྲིམས་ཁ་ན་མ་ཐོ་བ་མེད་ཅིང་ཡོངས་
D44.037.0236b01.01སུ་དག་པ་བླ་ན་མེད་པ་ཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བཟོད་པ་ཡོངས་སུ་དག་པ་སྟེ། བཅུ་གང་ཞེ་ན་འདི་ལྟར་སེམས་ཅན་གཞན་གྱི་ཡིད་དང་མི་འགལ་བར་བྱ་བའི་ཕྱིར་གཞན་གྱིས་མི་སྙན་པར་བརྗོད་པ་དང་།
D44.037.0236b02.01ངན་པར་འོངས་པའི་ཚིག་གི་ལམ་རྣ་ལ་གཟོན་པའི་བཟོད་པ་ཡོངས་སུ་དག་པ་དང་། བདག་དང་གཞན་བསྲུང་བའི་ཕྱིར་རྡོ་དང་དབྱུག་པ་དང་། མཚོན་ཆ་དང་ལག་ཆ་ཐམས་ཅད་བག་ལ་ཞ་བར་བྱ་བའི་བཟོད་པ་ཡོངས་སུ་དག་པ་དང་། རང་བཞིན་གྱིས་མི་འཁྲུག་པའི་
D44.037.0236b03.01ཕྱིར་ཐ་བ་དང་། ཁྲོ་བ་དང་། གནོད་སེམས་ཐམས་ཅད་ཀྱིས་མི་གོས་པའི་བཟོད་པ་ཡོངས་སུ་དག་པ་དང་། དཔོན་དུ་གྱུར་པས་བག་ལ་ཞ་བར་བྱ་བའི་ཕྱིར་སེམས་ཅན་དམའ་བ་ལ་མི་འཁྲུག་པའི་བཟོད་པ་ཡོངས་སུ་དག་པ་དང་། བདག་གི་ལུས་དང་སྲོག་ཡོངས་
D44.037.0236b04.01སུ་གཏོང་བའི་ཕྱིར་སྐྱབས་ཚོལ་བ་བསྐྱབ་པའི་བཟོད་པ་ཡོངས་སུ་དག་པ་དང་། མ་བསླབས་པ་ཐམས་ཅད་ལ་མི་བརྙས་པའི་ཕྱིར་བདག་གི་ང་རྒྱལ་ཡོངས་སུ་སྤང་བའི་བཟོད་པ་དང་། སྒྱུ་མའི་རྣམ་པ་ལྟ་བུར་རབ་ཏུ་རྟོགས་པའི་ཕྱིར་ལུས་ཡན་ལག་སོ་སོར་ཕྲལ་ཏེ།
D44.037.0236b05.01གཏུབས་ཀྱང་མི་འཁྲུག་པའི་བཟོད་པ་ཡོངས་སུ་དག་པ་དང་། བདག་དང་གཞན་གྱི་འདུ་ཤེས་དང་བྲལ་བའི་ཕྱིར་གནོད་པར་བྱས་པ་ཐམས་ཅད་ལ་ཞེ་མི་སྡང་བའི་སེམས་ཀྱི་བཟོད་པ་ཡོངས་སུ་དག་པ་དང་། ཡུལ་ཐམས་ཅད་རྣམ་པར་བཟློག་པའི་ཕྱིར་ཉོན་མོངས་པ་དང་།
D44.037.0236b06.01མི་མཐུན་པའི་བཟོད་པ་ཡོངས་སུ་དག་པ་དང་། ཆོས་ཐམས་ཅད་ཟད་ཅིང་མི་སྐྱེ་བ་ཐམས་ཅད་མཁྱེན་པའི་ཡེ་ཤེས་ཀྱི་ཡུལ་ལ་གཞན་གྱི་དྲིང་མི་འཇོག་པར་འཇུག་པའི་ཕྱིར། བྱང་ཆུབ་སེམས་དཔའ་ཐམས་ཅད་ཀྱི་ཡེ་ཤེས་ཀྱི་ཚུལ་དང་། མཐུན་པའི་བཟོད་
D44.037.0236b07.01