完整藏文原文 · 德格版页 当前仅加载第 37 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་པོ་རྣམ་པར་སྦྱང་བ་དང་། ཅང་ཤེས་ཀྱི་སེམས་ཡོངས་སུ་དག་པས་ཀྱང་སེམས་ཅན་རྣམས་ལ་ཕན་འདོགས་པ་མཛད་དོ། །ཐེག་པ་སྣ་ཚོགས་རྣམ་པར་དག་པས་ཀྱང་སེམས་ཅན་རྣམས་ལ་ཕན་འདོགས་པ་མཛད་དོ། །
D44.037.0021a01.01ཐེག་པ་ཆེན་པོ་ཡོངས་སུ་རྫོགས་པར་བྱ་བས་ཀྱང་སེམས་ཅན་རྣམས་ལ་ཕན་འདོགས་པ་མཛད་དོ། །འགྲོ་བ་ཐམས་ཅད་གདོན་པས་ཀྱང་སེམས་ཅན་རྣམས་ལ་ཕན་འདོགས་པ་མཛད་དེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཕྲིན་ལས་
D44.037.0021a02.01དང་པོའོ། །དགའ་ལྡན་གྱི་ཕོ་བྲང་ནས་འཕོས་པ་མེད་ཀྱང་ཡུམ་གྱི་སྐུར་གཤེགས་ཤིང་། བྱང་ཆུབ་སེམས་དཔའི་སྐུ་ཐ་མ་སྐྱེ་བར་སྟོན་པ། སྒྱུ་མ་ལྟ་བུའི་ཡོངས་སུ་སྤྱོད་པ། སྤྲུལ་པ་ལྟ་བུའི་ཏིང་ངེ་འཛིན་གྱི་མཐར་ཐུག་པ། མིག་ཡོར་ལྟ་བུར་རྣམ་
D44.037.0021a03.01པར་དམིགས་པ། ནམ་མཁའི་ཡུལ་ཚད་མེད་པར་ཁྱབ་པ། བཞེད་པ་བཞིན་དུ་སྐྱེ་བ་ཡང་ཆགས་པ་མི་མངའ་བ་སྨིག་རྒྱུ་ལྟ་བུར་བསྟན་པ། ཉོན་མོངས་པ་མེད་པའི་ཆོས་ལ་ཡང་དག་པར་གཞོལ་བ། གནས་མེད་པའི་ཡེ་ཤེས་ལ་གནས་པ། རང་
D44.037.0021a04.01བཞིན་གྱིས་འདོད་ཆགས་དང་བྲལ་བས་རྣམ་པར་དག་པ། རྒྱན་ཤིན་ཏུ་རྒྱ་ཆེ་བའི་མཛོད་ཀྱིས་སངས་རྒྱས་ཀྱི་ཕྲིན་ལས་མཛད་དོ། །ཁང་བ་བརྩེགས་པ་རིན་པོ་ཆེ་ལས་བྱས་པའི་ཕོ་བྲང་ཆེན་པོ་རིན་པོ་ཆེའི་རྒྱན་མང་པོ་དང་ལྡན་པ་ན་བཞུགས་པས་ཀྱང་སངས་རྒྱས་
D44.037.0021a05.01ཀྱི་ཕྲིན་ལས་མཛད་དོ། །རྫུ་འཕྲུལ་གྱིས་ཀྱང་སངས་རྒྱས་ཀྱི་ཕྲིན་ལས་མཛད་དོ། །ཡིད་ལ་བྱ་བའི་བྱིན་གྱི་རླབས་ཆེན་པོས་ཀྱང་སངས་རྒྱས་ཀྱི་ཕྲིན་ལས་མཛད་དོ། །རྣམ་པར་འཕྲུལ་པའི་མཛོད་ཆེན་པོ་ཡང་དག་པར་བསྟན་པས་ཀྱང་སངས་རྒྱས་ཀྱི་ཕྲིན་
D44.037.0021a06.01ལས་མཛད་དོ། །ཡེ་ཤེས་ཀྱི་ཉི་མའི་དཀྱིལ་འཁོར་ཆེན་པོས་ཀྱང་སངས་རྒྱས་ཀྱི་ཕྲིན་ལས་མཛད་དོ། །ཡུམ་སྐུ་བསྐྱེད་པའི་སྐུ་ན་བཞུགས་པས་ཀྱང་སངས་རྒྱས་ཀྱི་ཕྲིན་ལས་མཛད་དོ། །སངས་རྒྱས་ཀྱི་ཡུལ་གྱི་སྤྱོད་ཡུལ་ཆེན་པོ་བརྙེས་པས་ཀྱང་སངས་
D44.037.0021a07.01