完整藏文原文 · 德格版页 当前仅加载第 37 函德格 340b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་ཏེ། ཁོང་དུ་ཆུད་པ་དང་རྟོགས་པ་དང་ཤེས་པ་དང་རིག་པར་བྱས་སོ། །དེ་ཐོས་ནས་ཀྱང་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །དེ་ནས་དེའི་ཕྱིར་ཆོས་ཀྱི་སྟན་ལ་འདུག་ནས། ཚོང་དཔོན་
D44.037.0340b01.01གྱི་བུ་ནོར་{བཟངས་,བཟང་}ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁོ་བོ་ནི་དབྱངས་དང་ལྡན་པའི་གཟུངས་ཐོབ་པ་སྟེ། དེའི་མཐུས་ཁོ་བོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ལྷ་རྣམས་ཀྱི་ལྷའི་སྐད་ཀྱང་ཤེས་སོ། །དེ་བཞིན་དུ་ཀླུ་དང་གནོད་སྦྱིན་དང་།
D44.037.0340b02.01དྲི་ཟ་དང་། ལྷ་མ་ཡིན་དང་ནམ་མཁའ་ལྡིང་དང་མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དང་། ཚངས་པ་རྣམས་ཀྱི་ཚངས་པའི་སྐད་ཀྱང་ཤེས་སོ། །ལྷ་རྣམས་ཀྱི་ལྷའི་སྐད་སྣ་ཚོགས་ཀྱང་ཤེས་སོ། །དེ་བཞིན་དུ་ཀླུ་དང་གནོད་
D44.037.0340b03.01སྦྱིན་དང་དྲི་ཟ་དང་། ལྷ་མ་ཡིན་དང་ནམ་མཁའ་ལྡིང་དང་མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དང་། ཚངས་པ་རྣམས་ཀྱི་ཚངས་པའི་སྐད་སྣ་ཚོགས་ཀྱང་ཤེས་སོ། །ལྷ་རྣམས་ཀྱི་ལྷའི་སྐད་གཅིག་པ་ཡང་ཤེས་སོ། །
D44.037.0340b04.01དེ་བཞིན་དུ་ཀླུ་དང་གནོད་སྦྱིན་དང་དྲི་ཟ་དང་། ལྷ་མ་ཡིན་དང་ནམ་མཁའ་ལྡིང་དང་མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དང་། ཚངས་པ་རྣམས་ཀྱི་ཚངས་པའི་སྐད་གཅིག་པ་ཡང་ཤེས་སོ། །ལྷ་རྣམས་ཀྱི་ལྷའི་སྐད་ཐ་
D44.037.0340b05.01དད་པ་ཡང་ཤེས་སོ། །དེ་བཞིན་དུ་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་། ནམ་མཁའ་ལྡིང་དང་མིའམ་ཅི་དང་། ལྟོ་འཕྱེ་ཆེན་པོ་དང་མི་དང་མི་མ་ཡིན་པ་དང་། ཚངས་པ་རྣམས་ཀྱི་ཚངས་པའི་སྐད་ཐ་དད་པ་ཡང་ཤེས་སོ། །བྱོལ་སོང་གི་
D44.037.0340b06.01སྐྱེ་གནས་སུ་སྐྱེས་པའི་སེམས་ཅན་རྣམས་ཀྱི་བརྡ་དང་སྐད་དང་མིང་ཐ་དད་པའང་ཤེས་སོ། །སེམས་ཅན་དམྱལ་བ་པའི་སེམས་ཅན་རྣམས་ཀྱི་སྐད་དང་། མིང་རྣམས་ཀྱང་ཤེས་སོ། །གཤིན་རྗེའི་འཇིག་རྟེན་པའི་སེམས་ཅན་རྣམས་ཀྱི་སྐད་དང་མིང་
D44.037.0340b07.01