完整藏文原文 · 德格版页 当前仅加载第 37 函德格 355a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། རིན་པོ་ཆེ་སྣ་ཚོགས་ཀྱི་རང་བཞིན་གྱི་ཞིང་རྣམས་སུ་འོད་རིན་པོ་ཆེ་གཅིག་གི་ཁ་དོག་ཅན་རབ་ཏུ་འགྱེད་པ་དང་། དེ་བཞིན་དུ་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་དུ་སེམས་
D44.037.0355a01.01ཅན་གྱི་དོན་ཚད་མེད་པ་ལ་བརྩོན་ཞིང་ཆོས་ཀྱི་དབྱིངས་རྒྱས་པར་འགེངས་པ་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}མཐོང་ངོ་། །སྨིན་མཚམས་ཀྱི་མཛོད་སྤུ་ནས་ཟླ་བ་མང་པོ་སངས་རྒྱས་ཀྱི་ཞིང་གྲངས་མེད་པའི་རྡུལ་ཤིན་ཏུ་ཕྲ་བ་སྙེད་བྱུང་ནས། ལྷའི་དབང་པོ་
D44.037.0355a02.01ཐམས་ཅད་ཟིལ་གྱིས་གནོན་ཅིང་། འཇིག་རྟེན་ཐམས་ཅད་ཀྱི་འདོད་པའི་དགའ་བ་རྣམ་པར་བཟློག་པ་དང་། སངས་རྒྱས་བལྟ་བར་དགའ་བ་ལ་རྗེས་སུ་བསྔགས་པ་བྱེད་ཅིང་། སེམས་ཅན་ཚད་{མྱེད་,མེད་}པ་གདུལ་བ་ལ་བརྩོན་པར་ཕྱོགས་བཅུའི་ཆོས་ཀྱི་དབྱིངས་
D44.037.0355a03.01རྒྱས་པར་འགེངས་པར་མཐོང་ངོ་། །འཕྲལ་བ་ནས་ཚངས་པ་ཆེན་པོ་སྤྱོད་ལམ་རབ་ཏུ་ཞི་བ་སངས་རྒྱས་ཀྱི་ཞིང་གྲངས་མེད་པའི་རྡུལ་ཤིན་ཏུ་ཕྲ་བ་སྙེད་བྱུང་བ་ནས། ཚངས་པའི་དབྱངས་སུ་བརྗོད་དེ། སངས་རྒྱས་ཐམས་ཅད་ལ་གསོལ་བ་གདབ་པ་དང་
D44.037.0355a04.01བྱང་ཆུབ་སེམས་དཔའ་ཐམས་ཅད་རབ་ཏུ་དགའ་བར་བྱ་བ་བྱེད་ཅིང་སེམས་ཅན་གྱི་དོན་ཚད་མེད་པ་ལ་བརྩོན་པར་ཕྱོགས་བཅུའི་ཆོས་ཀྱི་དབྱིངས་རྒྱས་པར་འགེངས་པ་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}མཐོང་ངོ་། །མགོ་ནས་བྱང་ཆུབ་སེམས་དཔའ་སངས་རྒྱས་
D44.037.0355a05.01ཀྱི་ཞིང་གྲངས་མེད་པའི་རྡུལ་ཤིན་ཏུ་ཕྲ་བ་སྙེད་བྱུང་ནས། ཁ་དོག་དང་དབྱིབས་སྣ་ཚོགས་ཀྱིས་བརྒྱན་པའི་ལུས་ཡོངས་སུ་སྟོན་ཅིང་། དཔེ་བྱད་བཟང་པོས་རྣམ་པར་བྲིས་པའི་ལུས་རབ་ཏུ་སྟོན་པ་དང་། འོད་ཀྱི་དཀྱིལ་འཁོར་གྱི་སྤྲིན་མཐའ་དང་
D44.037.0355a06.01དབུས་མེད་པ་རབ་ཏུ་དགྱེ་བ་དང་། བ་སྤུའི་བུ་ག་ཐམས་ཅད་ནས་སངས་རྒྱས་ཐམས་ཅད་ཀྱི་སྔོན་གྱི་བྱང་ཆུབ་སེམས་དཔའི་སྤྱོད་པ་ནས་བཟུང་སྟེ། གཏོང་བ་དང་ལེན་པ་དང་། དངོས་པོ་ཡོངས་སུ་གཏོང་བའི་སྤྲིན་མང་པོ་རབ་ཏུ་དགྱེ་བ་དང་། ཕ་
D44.037.0355a07.01