完整藏文原文 · 德格版页 当前仅加载第 37 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུན་མི་འཆད་པར་ཆོས་ཀྱི་རྣམ་པར་རོལ་པས་རྣམ་པར་རོལ་པའི་ཚེ། ཆོས་ཀྱི་དབྱིངས་མ་ལུས་པ་ཐམས་ཅད་ཆོས་ཀྱི་སྐུའི་སྤྲིན་གྱིས་རྒྱས་པར་བཀང་ཞིང་། སེམས་ཅན་ཇི་ལྟར་མོས་པའི་ཚུལ་བཞིན་དུ་སྐུའི་སྤྲིན་ཡང་དག་པར་སྟོན་ཏེ། འདི་ལྟར་སེམས་ཅན་ལ་ལ་ལ་
D44.037.0106b01.01ནི་སྐྱེ་བ་འབྱུང་བའི་སྐུའི་སྤྲིན་ཡོངས་སུ་སྟོན་ཏོ། །སེམས་ཅན་ལ་ལ་ལ་ནི་སྤྲུལ་པའི་སྐུའི་སྤྲིན་ཡོངས་སུ་སྟོན་ཏོ། །སེམས་ཅན་ལ་ལ་ལ་ནི་བྱིན་གྱི་རླབས་ཀྱི་སྐུའི་སྤྲིན་ཡོངས་སུ་སྟོན་ཏེ། སེམས་ཅན་ལ་ལ་ལ་ནི་གཟུགས་ཀྱི་སྐུའི་སྤྲིན་ཡོངས་སུ་སྟོན་ཏོ། །
D44.037.0106b02.01སེམས་ཅན་ལ་ལ་ལ་ནི་སྐུ་སྣ་ཚོགས་མངོན་པར་བསྒྲུབས་པའི་སྤྲིན་ཡོངས་སུ་སྟོན་ཏོ། །སེམས་ཅན་ལ་ལ་ལ་ནི་བསོད་ནམས་ཀྱི་སྐུའི་སྤྲིན་ཡོངས་སུ་སྟོན་ཏོ། །སེམས་ཅན་ལ་ལ་ལ་ནི་ཡེ་ཤེས་ཀྱི་སྐུའི་སྤྲིན་ཡོངས་སུ་སྟོན་ཏོ། །སེམས་ཅན་ལ་ལ་ལ་ནི་སྟོབས་
D44.037.0106b03.01ལ་ཐུབ་པ་མེད་པའི་སྐུའི་སྤྲིན་ཡོངས་སུ་སྟོན་ཏོ། །སེམས་ཅན་ལ་ལ་ལ་ནི་མི་བསྙེངས་པ་ཟིལ་གྱིས་མི་ནོན་པའི་སྐུའི་སྤྲིན་ཡོངས་སུ་སྟོན་ཏོ། །སེམས་ཅན་ལ་ལ་ལ་ནི་ཆོས་ཀྱི་དབྱིངས་ལུས་པ་མེད་པའི་སྐུའི་སྤྲིན་ཡོངས་སུ་སྟོན་ཏེ། ཀྱེ་རྒྱལ་བའི་སྲས་དེ་ལྟར་དེ་
D44.037.0106b04.01བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་འཇིག་རྟེན་གྱི་ཁམས་མ་ལུས་པ་ཐམས་ཅད་ཆོས་ཀྱི་སྐུའི་སྤྲིན་གྱིས་བཀང་ཞིང་། སེམས་ཅན་རྣམས་ཀྱི་སེམས་དང་། བསམ་པ་དང་མོས་པ་ཇི་ལྟ་བའི་ཚུལ་བཞིན་དུ་དེ་དག་ལ་
D44.037.0106b05.01འོད་ཟེར་གྱི་གློག་གི་འཕྲེང་བ་འགྱེད་དེ། འདི་ལྟར་སེམས་ཅན་ལ་ལ་ལ་ནི་འོད་ཟེར་གྱི་གློག་གི་ཕྲེང་བ་ཀུན་ཏུ་ཁྱབ་པ་ཞེས་བྱ་བ་འགྱེད་དོ། །སེམས་ཅན་ལ་ལ་ལ་ནི་འོད་ཟེར་གྱི་གློག་གི་ཕྲེང་བ་སངས་རྒྱས་ཀྱི་གསང་བ་ལ་འཇུག་པ་ཞེས་བྱ་བ་འགྱེད་དོ། །
D44.037.0106b06.01སེམས་ཅན་ལ་ལ་ལ་ནི་འོད་ཟེར་གྱི་གློག་གི་ཕྲེང་བ་སྤོགས་པ་སྣང་བ་ཞེས་བྱ་བ་འགྱེད་དོ། །སེམས་ཅན་ལ་ལ་ལ་ནི་འོད་ཟེར་གྱི་གློག་གི་ཕྲེང་བ་སྣང་བར་བྱེད་པ་ཞེས་བྱ་བ་འགྱེད་དོ། །སེམས་ཅན་ལ་ལ་ལ་ནི་འོད་ཟེར་གྱི་གློག་གི་ཕྲེང་བ་གཟུངས་ཀྱི་སྒོ་མི་ཟད་པ་ལ་འཇུག་
D44.037.0106b07.01