完整藏文原文 · 德格版页 当前仅加载第 37 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པའི་གསུང་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། ལྷ་རྣམས་ཀྱི་ཆོས་ཀྱི་རྔ་ཆེན་པོ་ཆོས་ལ་ཡང་དག་པར་སྐུལ་བ་ཞེས་བྱ་བ་སྟེང་གི །
D44.037.0102a01.01བར་སྣང་ལས་ཡང་དག་པར་སྒྲོག་སྟེ། ནམ་ལྷ་རྣམས་བག་མེད་པར་སྤྱོད་པར་གྱུར་པ་དེའི་ཚེ། ཆོས་ཀྱི་རྔ་ཆེན་པོ་དེ་འདི་སྐད་དུ་ཀྱེ་གྲོགས་པོ་དག་འདོད་པའི་བདེ་བ་འདི་དག་ནི་ཤིན་ཏུ་མི་རྟག་ཅིང་། བསླུ་ལ་མྱུར་དུ་འཇིག་ཅིང་བྱིས་པ་འདྲིད་པ་སྟེ། བྱིས་པས་བསྙེན་
D44.037.0102a02.01པའོ། །བྱིས་པས་བསྔགས་པའོ། །དེ་བས་ན་བག་ཡོད་པར་གྱིས་ལ་བག་མེད་པར་མ་བྱེད་ཅིག །ངན་སོང་དག་ཏུ་ལྟུང་བར་གྱུར་ཏ་རེ་ཞེས་བྱ་བའི་སྒྲ་སྒྲོག་གོ །ཀྱེ་རྒྱལ་བའི་སྲས་དེ་ལྟར་སྒྲ་དེ་ཐོས་ནས། བག་མེད་པར་སྤྱོད་པའི་ལྷའི་བུ་རྣམས་ཀྱང་སོ་སོ་ནས་
D44.037.0102a03.01སྐྱོ་བར་གྱུར་ཏེ། རང་རང་གི་གནས་ཀྱི་འདོད་པའི་དགའ་བ་སྤངས་ནས། ལྷའི་རྒྱལ་བོའི་གནས་སུ་འདོང་ངོ་། །དེ་དག་དེར་ཕྱིན་ནས་ཀྱང་ཆོས་ལ་དགའ་བས་ཉི་མ་སྟུང་ཞིང་ཆོས་ལ་སྤྱོད་པར་འགྱུར་རོ། །ཀྱེ་རྒྱལ་བའི་སྲས་ལྟོས་དང་ལྷའི་རྔ་དེ་ལ་འབྱུང་བའམ །
D44.037.0102a04.01འཇིག་པ་གང་ཡང་མེད་ལ་ལྷ་རྣམས་ལའང་དོན་ཆེན་པ་དེ་ལྟ་བུས་ཤིན་ཏུ་ཕན་འདོགས་སོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པའི་གསུང་ཡང་། སེམས་ཅན་གྱི་ཁམས་མ་ལུས་པར་རྒྱས་པར་མཛད་དེ། །སེམས་ཅན་བག་མེད་པར་སྤྱོད་པ་རྣམས་
D44.037.0102a05.01ལ་ཡང་དག་པར་བསྐུལ་བའི་ཕྱིར་ཆོས་ཆེན་པོའི་སྒྲ་སྒྲོག་ཅིང་འབྱུང་ངོ་། །འདི་ལྟ་སྟེ་ཡོངས་སུ་གཟུང་བ་མེད་པའི་སྒྲ་འབྱུང་ངོ་། །བག་ཡོད་པའི་སྒྲ་འབྱུང་ངོ་། །མི་རྟག་པ་དང་སྡུག་བསྔལ་བ་དང་། བདག་མེད་པའི་སྒྲ་འབྱུང་ངོ་། །ཞི་བ་མྱ་ངན་ལས་འདས་
D44.037.0102a06.01པའི་སྒྲ་འབྱུང་ངོ་། །འཇིག་རྟེན་གྱི་ཁམས་མ་ལུས་བར་རྒྱས་པར་བཀང་སྟེ། སེམས་ཅན་བག་མེད་པར་སྤྱོད་པ་རྣམས་མོས་པར་ཇི་ལྟ་བ་བཞིན་དུ་རབ་ཏུ་དགའ་བར་བྱ་བ་དང་། ཐེག་པ་ཇི་ལྟ་བ་བཞིན་དུ་འབྱུང་བར་བྱ་བའི་ཕྱིར་ཡང་དག་པར་བསྐུལ་བ་མཛད་
D44.037.0102a07.01