完整藏文原文 · 德格版页 当前仅加载第 37 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
རྩ་བ་ཐམས་ཅད་ཡང་དག་པར་བསྩགས་པའི་སྨོན་ལམ་ནི་ཀུན་ཏུ་བཟང་པོའི་སྤྱོད་པའི་ཆོས་སོ། །ཕ་རོལ་ཏུ་ཕྱིན་པ་ཐམས་ཅད་ལ་འཇུག་པའི་སྨོན་ལམ་ནི་ཀུན་ཏུ་བཟང་པོའི་སྤྱོད་པའི་ཆོས་སོ། །བྱང་ཆུབ་སེམས་དཔའ་ཐམས་ཅད་ཀྱི་སྤྱོད་པ་ཡོངས་སུ་རྫོགས་
D44.037.0154b01.01པར་བྱ་བའི་སྨོན་ལམ་ནི་ཀུན་ཏུ་བཟང་པོའི་སྤྱོད་པའི་ཆོས་སོ། །འཇིག་རྟེན་གྱི་ཁམས་ཐམས་ཅད་བརྒྱན་པའི་སྨོན་ལམ་ནི་ཀུན་ཏུ་བཟང་པོའི་སྤྱོད་པའི་ཆོས་སོ། །སངས་རྒྱས་ཀྱི་ཞིང་ཐམས་ཅད་དུ་སྐྱེ་བ་གཟུང་བའི་སྨོན་ལམ་ནི་ཀུན་ཏུ་བཟང་པོའི་སྤྱོད་པའི་ཆོས་སོ།
D44.037.0154b02.01ཆོས་ཐམས་ཅད་ཡོངས་སུ་བཙལ་ཞིང་རབ་ཏུ་དབྱེ་བ་ལ་མཁས་པར་བྱ་བའི་སྨོན་ལམ་ནི་ཀུན་ཏུ་བཟང་པོའི་སྤྱོད་པའི་ཆོས་སོ། །སངས་རྒྱས་ཀྱི་ཞིང་ཐམས་ཅད་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བའི་སྨོན་ལམ་ནི་ཀུན་ཏུ་
D44.037.0154b03.01བཟང་པོའི་སྤྱོད་པའི་ཆོས་སོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཀུན་ཏུ་བཟང་པོའི་སྤྱོད་པའི་ཆོས་ཏེ། དེ་དག་གིས་སྨོན་ཅིང་མངོན་པར་བརྩོན་པར་བྱས་ན། བྱང་ཆུབ་སེམས་དཔའ་རྣམས་མྱུར་ཏུ་ཀུན་ཏུ་བཟང་པོའི་སྨོན་
D44.037.0154b04.01ལམ་དང་། སྤྱོད་པ་ཡོངས་སུ་རྫོགས་པ་འཐོབ་པར་འགྱུར་བ་དག་གོ། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་བཅུ་བཞི་པ། ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྙིང་
D44.037.0154b05.01རྗེ་ཆེན་པོ་རབ་ཏུ་འཐོབ་པ་སྟེ། དེ་དག་གིས་བྱང་ཆུབ་སེམས་དཔའ་རྣམས་རྟག་ཏུ་རྒྱུན་མི་འཆད་པར་སེམས་ཅན་གྱི་ཁམས་ལ་རྣམ་པར་ལྟའོ། །བཅུ་གང་ཞེ་ན་འདི་ལྟར་སེམས་ཅན་གྱི་ཁམས་མགོན་མེད་པ་རྣམས་ལ་རྣམ་པར་ལྟ་བའི་སྙིང་རྗེ་
D44.037.0154b06.01ཆེན་པོ་རབ་ཏུ་ཐོབ་པ་དང་། སེམས་ཅན་གྱི་ཁམས་ཐེག་པ་མེད་པ་ལ་རྣམ་པར་ལྟ་བའི་སྙིང་རྗེ་ཆེན་པོ་རབ་ཏུ་ཐོབ་པ་དང་། དགེ་བའི་རྩ་བས་དབུལ་བའི་སེམས་ཅན་གྱི་ཁམས་ལ་རྣམ་པར་ལྟ་བའི་སྙིང་རྗེ་ཆེན་པོ་རབ་ཏུ་ཐོབ་པ་དང་། ཡུན་རིང་
D44.037.0154b07.01