完整藏文原文 · 德格版页 当前仅加载第 37 函德格 381a 版页；藏文 NFD、目录标记与异常页序保留在来源切片中，重复版页行以稳定序号区分。
མཐའ་ཡས་པའི་{མྱིང་,མིང་}གི་རྣམ་པ་སྣ་ཚོགས་ལ་ཡང་དག་པར་བལྟ་བ་དང་། དགེ་བའི་བཤེས་གཉེན་མངོན་དུ་བྱ་བ་བྱེད་ཅིང་མཐར་གྱིས་ཡུལ་ཚོལ་བ་དང་ལྡན་པ་གང་ན་བ་དང་། བྲམ་ཟེ་རྒྱལ་བའི་དྲོད་ཀྱི་སྐྱེ་མཆེད་ག་ལ་བ་དེར་
D44.037.0381a01.01ཕྱིན་ཏོ། །དེའི་ཚེ་བྲམ་ཟེ་རྒྱལ་བའི་དྲོད་ཀྱི་སྐྱེ་མཆེད་ཐམས་ཅད་མཁྱེན་པ་ཉིད་བསྒྲུབ་པའི་གཞིར་བྱས་ཤིང་དཀའ་ཐུབ་དྲག་པོ་ལ་སྤྱོད་དེ། དེའི་ཕྱོགས་བཞི་ནས་མེའི་ཕུང་པོ་རི་རབ་ཙམ་དུ་ཆེ་བ་བུས་པ་དང་། རི་ཤིན་ཏུ་མཐོ་བའི་གཡང་སའི་ལམ་གྱི་རྒྱུད་སྤུ་གྲིའི་
D44.037.0381a02.01སོས་གཤིབས་པས་འཁོད་པར་སྣང་ངོ་། དེ་ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}བྲམ་ཟེ་རྒྱལ་བའི་དྲོད་ཀྱི་སྐྱེ་མཆེད་ཀྱི་རྐང་པ་གཉིས་ལ་སྤྱི་བོས་ཕྱག་འཚལ་ཏེ། མདུན་དུ་འདུག་ནས་ཐལ་མོ་སྦྱར་ཏེ། འདི་སྐད་ཅེས་སྨྲས་སོ། །འཕགས་
D44.037.0381a03.01པ་བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ན། ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་པ་ལ་སྤྱད་པ་དང་། ཇི་ལྟར་ནན་ཏན་དུ་བགྱི་བ་མ་འཚལ་ཏེ། འཕགས་པ་ནི་བྱང་ཆུབ་སེམས་དཔའ་
D44.037.0381a04.01རྣམས་ལ་གདམས་ངག་དང་། རྗེས་སུ་བསྟན་པ་མཛད་དོ་ཞེས་བདག་གིས་ཐོས་ན། འཕགས་པ་ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་པ་ལ་བསླབ་པར་བགྱི་བ་དང་། ཇི་ལྟར་ནན་ཏན་དུ་བགྱི་བ་བདག་ལ་བཤད་དུ་གསོལ་
D44.037.0381a05.01དེས་སྨྲས་པ་རིགས་ཀྱི་བུ་སོང་ལ་སྤུ་གྲིའི་སོ་དངར་བའི་རི་འདི་ལ་འཛེགས་ཏེ། མེའི་འོབས་འདིར་མཆོངས་ཤིག་དང་། དེས་ཁྱོད་ཀྱི་བྱང་ཆུབ་སེམས་དཔའི་སྤྱོད་པ་ཡོངས་སུ་དག་པར་འགྱུར་རོ་ཞེས་ནས། ཚོང་དཔོན་གྱི་བུ་ནོར་{བཟངས་,བཟང་}འདི་
D44.037.0381a06.01སྙམ་དུ་སེམས་པར་གྱུར་ཏེ། མི་ཁོམ་པ་བརྒྱད་ལས་རྣམ་པར་ལྡོག་པ་ཡང་ཤིན་ཏུ་དཀོན། མྱིར་གྱུར་ཏེ་ཁོམ་པ་ཕུན་སུམ་ཚོགས་ཤིང་། རྣམ་པར་དག་པ་ཡང་ཤིན་ཏུ་དཀོན། སངས་རྒྱས་འབྱུང་བ་ཡང་ཤིན་ཏུ་དཀོན། དབང་པོ་
D44.037.0381a07.01