完整藏文原文 · 德格版页 当前仅加载第 37 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ལུང་བསྟན་པ་སྟེ། བཅུ་གང་ཞེ་ན། འདི་ལྟར་མོས་པ་དྲག་པོས་རང་གི་རྒྱུད་ལས་ལུང་བསྟན་པ་དང་། བྱང་ཆུབ་སེམས་དཔའི་དགེ་བའི་རྩ་བ་ལ་གཞོལ་བའི་སྐབས་
D44.037.0193b01.01ཀྱིས་ལུང་བསྟན་པ་དང་། སྤྱོད་པ་རྒྱ་ཆེན་པོས་ལུང་བསྟན་པ་དང་། མངོན་ཏུ་ལུང་བསྟན་པ་དང་། གསང་སྟེ་ལུང་བསྟན་པ་དང་། རང་གི་སེམས་ལ་རག་ལས་པར་ཁོང་དུ་ཆུད་པར་ལུང་བསྟན་པ་དང་། བཟོད་པ་ཐོབ་པས་ལུང་བསྟན་པ་དང་། སེམས་ཅན་
D44.037.0193b02.01ཡོངས་སུ་སྨིན་པར་བྱ་བའི་དོན་ཀྱིས་ལུང་བསྟན་པ་དང་། བསྐལ་པ་འགྲངས་པ་ཐམས་ཅད་མི་ཟད་པས་ལུང་བསྟན་པ་དང་། བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱིས་རྣམ་པར་འཕྲུལ་བས་ལུང་བསྟན་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་
D44.037.0193b03.01བྱང་ཆུབ་སེམས་དཔའ་རྣམས་ཀྱི་ལུང་བསྟན་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་སངས་རྒྱས་ཐམས་ཅད་ཀྱི་ལུང་བསྟན་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་
D44.037.0193b04.01དགེ་བའི་རྩ་བ་ཡོངས་སུ་བསྔོ་བ་སྟེ། བཅུ་གང་ཞེ་ན། འདི་ལྟར་བདག་གི་དགེ་བའི་རྩ་བ་འདིས་དགེ་བའི་བཤེས་གཉེན་རྣམས་དང་། སྨོན་ལམ་གཅིག་པ་ཕུན་སུམ་ཚོགས་པར་གྱུར་ཅིག །ཕུན་སུམ་ཚོགས་པར་འགྱུར་རམ་འགྱུར་ཞེ་ན། རྣམ་པ་
D44.037.0193b05.01གཞན་དུ་མ་འགྱུར་བར་དེ་ལྟར་ཕུན་སུམ་ཚོགས་པར་གྱུར་ཅིག །བདག་གི་དགེ་བའི་རྩ་བ་འདིས་དགེ་བའི་བཤེས་གཉེན་རྣམས་དང་བསམ་པ་གཅིག་པ་ཕུན་སུམ་ཚོགས་པར་གྱུར་ཅིག །ཕུན་སུམ་ཚོགས་པར་འགྱུར་རམ། འགྱུར་ཞེ་ན་རྣམ་པ་
D44.037.0193b06.01གཞན་དུ་མ་འགྱུར་བར་དེ་ལྟར་ཕུན་སུམ་ཚོགས་པར་གྱུར་ཅིག །བདག་གི་དགེ་བའི་རྩ་བ་འདིས་དགེ་བའི་བཤེས་གཉེན་རྣམས་དང་། སྤྱོད་པ་གཅིག་ཏུ་ཡོངས་སུ་རྫོགས་པ་ཕུན་སུམ་ཚོགས་པར་གྱུར་ཅིག །ཕུན་སུམ་ཚོགས་པར་འགྱུར་རམ་འགྱུར་ཞེ་ན་
D44.037.0193b07.01