完整藏文原文 · 德格版页 当前仅加载第 37 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
རྡུལ་ཤིན་ཏུ་ཕྲ་བ་གཅིག་ལ་འདས་པ་དང་མ་བྱོན་པ་དང་ད་ལྟར་བྱུང་བའི་དེ་བཞིན་གཤེགས་པ་ཐམས་ཅད་ཀྱི་རྫུ་འཕྲུལ་དང་། རྣམ་པར་འཕྲུལ་ཡོངས་སུ་བསྟན་པའི་རྣམ་པར་ཐར་པ་དང་། རྡུལ་ཤིན་ཏུ་ཕྲ་བ་གཅིག་ལ་འདས་པ་དང་། མ་བྱོན་པ་དང་ད་ལྟར་བྱུང་བའི་སེམས་
D44.037.0041b01.01ཅན་གྱི་ཁམས་ཐམས་ཅད་ཡོངས་སུ་བསྟན་པའི་རྣམ་པར་ཐར་པ་དང་། རྡུལ་ཤིན་ཏུ་ཕྲ་བ་གཅིག་ལ་འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་ཀྱི་ཕྲིན་ལས་ཐམས་ཅད་ཡོངས་སུ་བསྟན་པའི་རྣམ་པར་ཐར་པ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་
D44.037.0041b02.01ལྡན་འདས་རྣམས་ཀྱི་རྣམ་པར་ཐར་པའོ། །ཤིན་ཏུ་རྒྱས་པ་ཆེན་པོ་མདོ་སངས་རྒྱས་ཕལ་པོ་ཆེ་ཞེས་བྱ་བ་ལས་སངས་རྒྱས་ཀྱི་ཆོས་བསམ་གྱིས་མི་ཁྱབ་པ་བསྟན་པའི་ལེའུ་སྟེ་སུམ་ཅུ་དགུ་པའོ།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་
D44.037.0041b03.01མདོ། །བམ་པོ་ལྔ་བ། དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་མཚན་རྒྱ་མཚོ་བརྗོད་དུ་མེད་པའི་དོན་དུ་བྱང་ཆུབ་སེམས་དཔའ་དེ་དག་ལ་སྨྲས་པ། ཀྱེ་རྒྱལ་བའི་སྲས་དག་དེ་བཞིན་གཤེགས་པའི་དབུ་ལ་མི་ཆེན་པོའི་མཚན་ཆོས་ཀྱི་རྒྱན་རིན་པོ་ཆེ་སྣ་ཚོགས་
D44.037.0041b04.01སུམ་ཅུ་རྩ་གཉིས་མདའ་བས་དེ་བཞིན་གཤེགས་པའི་དབུ་དེ་ནི་འཁོར་ཀུན་ནས་འོད་ཟེར་གྱི་དྲ་བ་ཤིན་ཏུ་འཕྲོ་བའི་སྤྲིན་རབ་ཏུ་འབྱུང་ཞིང་རྒྱས་པར་གང་བ་སྟེ། དེ་ལ་{མྱི་,མི་}ཆེན་པོའི་མཚན་རིན་པོ་ཆེའི་དང་པོ་དབུའི་དབུ་མཚམས་ན་རིན་པོ་ཆེ་སྣ་ཚོགས་ཐམས་ཅད་
D44.037.0041b05.01ཀྱི་རྒྱལ་པོ་ལས་འཇིག་རྟེན་གྱི་ཁམས་ཐམས་ཅད་དུ་སྣང་བ་བཀྱེ་བས། དཔལ་གྱིས་ཡོངས་སུ་རྒྱས་ཤིང་ཡན་ལག་དང་ཉིང་ལག་ཐམས་ཅད་ནས་དེ་བཞིན་གཤེགས་པའི་སྤྲིན་རྣམ་པར་བཀྱེ་བ་ཡོངས་སུ་འཁྱིལ་པའི་ཀློང་གི་དབྱིབས་ཀྱིས་ཕྱོགས་ཐམས་
D44.037.0041b06.01ཅད་འོད་ཀྱིས་རྣམ་པར་སྣང་བ་ཞེས་བྱ་བ་མདའ་བ་དང་། སངས་རྒྱས་ཀྱི་དབུ་ལ་འཕྲོ་བའི་འོད་ཀྱི་དཀྱིལ་འཁོར་གློག་གི་ཕྲེང་བ་ལྟ་བུར་འབྱུང་བས། ཕྱོགས་མཚམས་ཐམས་ཅད་དུ་དེ་བཞིན་གཤེགས་པ་སྙིང་པོ་བྱང་ཆུབ་ཏུ་བཞུགས་པ་སྟོན་ཅིང་ཐམས་ཅད་
D44.037.0041b07.01