完整藏文原文 · 德格版页 当前仅加载第 37 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
བར་གྱུར་ཏེ། ཀྱེ་རྒྱལ་བའི་སྲས་བདག་ཅག་ཀྱང་དབང་དུ་གྱུར་པ་ཤ་སྟག་སངས་རྒྱས་ཀྱི་བྱིན་གྱི་རླབས་ཀྱིས་འཁོར་འདིར་ཕྱིན་ཏོ། །ཇི་ལྟར་བདག་ཅག་འཁོར་འདིར་ཕྱིན་པ་དེ་བཞིན་དུ་འཇིག་རྟེན་གྱི་ཁམས་མ་ལུས་པ་ཐམས་ཅད་ཀྱི་གླིང་བཞི་པ་ཀུན་གྱི་དེ་བཞིན་
D44.037.0068b01.01གཤེགས་པ་མངོན་པར་འཚང་རྒྱ་བའི་གཞིར་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ཕྱོགས་བཅུ་བཀང་སྟེ་ཕྱིན་པར་གྱུར་ཏོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཕྱོགས་བཅུར་བལྟས་ཏེ། ཆོས་ཀྱི་དབྱིངས་ལ་རྣམ་པར་
D44.037.0068b02.01བལྟས་ནས། བྱང་ཆུབ་སེམས་དཔའི་སྤྱོད་པ་རབ་ཏུ་བརྗོད་པ་དང་། དེ་བཞིན་གཤེགས་པ་མངོན་པར་འཚང་རྒྱ་བའི་དབྱིངས་ཡོངས་སུ་བརྗོད་པ་དང་། སྨོན་ལམ་ཆེན་པོའི་དབྱིངས་ཀུན་ཏུ་གྲགས་པར་བྱ་བ་དང་། འཇིག་རྟེན་གྱི་ཁམས་དང་། བསྐལ་པ་ཐམས་
D44.037.0068b03.01ཅད་ཀྱི་གྲངས་ཡོངས་སུ་བརྗོད་པ་དང་། དུས་ཇི་ལྟ་བ་བཞིན་དུ་སངས་རྒྱས་འབྱུང་བ་བསྟན་པ་དང་། སེམས་ཅན་གྱི་ཁམས་དང་དབང་པོ་ཇི་ལྟར་ཡོངས་སུ་སྨིན་པའི་ཚུལ་བཞིན་དུ་སངས་རྒྱས་བྱུང་བ་མཉེས་པར་བྱ་བ་བརྗོད་པ་དང་། བྱིན་གྱིས་བརླབས་པའི་ཚུལ་བཞིན་
D44.037.0068b04.01དུ་སངས་རྒྱས་འབྱུང་བ་དང་། དེ་བཞིན་གཤེགས་པའི་སྤྱོད་པ་དོན་ཡོད་པ་ཡོངས་སུ་བརྗོད་པར་བྱ་བ་དང་། དགེ་བའི་རྩ་བ་ཇི་ལྟར་བསྐྱེད་པ་བཞིན་དུ་གསལ་བར་བྱ་བ་ཡང་དག་པར་བསྟན་པ་དང་། བྱང་ཆུབ་སེམས་དཔའ་མང་པོའི་མཐུ་ཆེན་པོ་བསྟན་པ་དང་། སེམས་
D44.037.0068b05.01ཅན་ཐམས་ཅད་ལ་རྫོགས་པའི་བྱང་ཆུབ་ཀྱི་སྒྲས་བསྐུལ་བ་བྱེད་ཅིང་དགེ་བའི་རྩ་བའི་སྟོབས་དང་ཤུགས་དང་། སངས་རྒྱས་ཀྱི་བྱིན་གྱི་རླབས་ཀྱིས་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཐམས་ཅད་ཤིན་ཏུ་དང་སེམས་ཀྱིས། །བསྒྲིབས་པ་
D44.037.0068b06.01མ་ལུས་ཐམས་ཅད་རྣམ་པར་བསྩལ་གྱིས་ལ། །ཡོན་ཏན་འབྱུང་གནས་འཇིག་རྟེན་གཙོ་བོ་ཡི། །སྨོན་ལམ་དམ་པ་བཤད་ཀྱིས་མཉན་པར་གྱིས། །མཁས་མཆོག་སྐྱེས་བུ་སེང་གེ་དག །སྤྱད་པ་ཅི་འདྲ་སྔོན་སྤྱད་སྤྱོད་པར་འགྱུར་བའི་རྣམས། །བྱང་ཆུབ་
D44.037.0068b07.01