完整藏文原文 · 德格版页 当前仅加载第 37 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ཚེ་གཅིག་གིས་ཐོགས་པ་རྣམས་ལ་ཀུན་ནས་སྣང་བ་ཡོངས་སུ་སྦྱོང་བ་ཞེས་བྱ་བའི་ཆོས་ཀྱི་སྤྲིན་ཆེན་པོའི་ཆར་རབ་ཏུ་འབེབས་སོ། །བྱང་ཆུབ་སེམས་དཔའ་བཟོད་པ་ཐོབ་པ་རྣམས་ལ་ཡོན་ཏན་རིན་པོ་ཆེ་ཡེ་ཤེས་ཀྱི་མེ་
D44.037.0108a01.01ཏོག་ཤིན་ཏུ་རྒྱས་པས་བྱང་ཆུབ་སེམས་དཔའི་སྤྱོད་པ་རྒྱུན་མི་འཆད་པ་ཞེས་བྱ་བའི་ཆོས་ཀྱི་སྤྲིན་ཆེན་པོའི་ཆར་རབ་ཏུ་འབེབས་སོ། །བྱང་ཆུབ་སེམས་དཔའི་སྤྱོད་པ་ལ་ཞུགས་པ་རྣམས་ལ་སྤྲུལ་པས་མངོན་པར་འཇུག་པའི་སྤྱོད་པ་རྒྱུན་མི་འཆད་ཅིང་ཡོངས་
D44.037.0108a02.01སུ་སྐྱོ་བ་མེད་པ་ཞེས་བྱ་བའི་ཆོས་ཀྱི་སྤྲིན་ཆེན་པོའི་ཆར་རབ་ཏུ་འབེབས་སོ། །བྱང་ཆུབ་སེམས་དཔའ་སེམས་དང་པོ་བསྐྱེད་པ་རྣམས་ལ་དེ་བཞིན་གཤེགས་པའི་སྤྱོད་པའི་རྗེས་སུ་སྙེག་ཅིང་། བྱམས་པ་ཆེན་པོ་དང་། སྙིང་རྗེ་ཆེན་པོས་འགྲོ་བ་ཐམས་ཅད་
D44.037.0108a03.01ཡོངས་སུ་སྐྱོབ་པ་ཞེས་བྱ་བའི་སྤྲིན་ཆེན་པོའི་ཆར་རབ་ཏུ་འབེབས་སོ། །སེམས་ཅན་རང་སངས་རྒྱས་ཀྱི་ཐེག་པ་ལ་མོས་པ་རྣམས་ལ་རྟེན་ཅིང་འབྲེལ་པར་འབྱུང་བའི་ཚུལ་ཁོང་དུ་ཆུད་པས་མཐའ་གཉིས་ཀྱི་ལྟ་བ་དང་བྲལ་ཞིང་རྣམ་པར་གྲོལ་བའི་འབྲས་བུ་
D44.037.0108a04.01ཆུད་མི་ཟ་བ་ཞེས་བྱ་བའི་ཆོས་ཀྱི་སྤྲིན་ཆེན་པོའི་ཆར་རབ་ཏུ་འབེབས་སོ། །སེམས་ཅན་ཉན་ཐོས་ཀྱི་ཐེག་པ་ལ་མོས་པ་རྣམས་ལ་ཉོན་མོངས་པའི་དགྲ་ཐམས་ཅད་འཇོམས་པ་ཞེས་བྱ་བའི་ཤེས་རབ་ཀྱི་རལ་གྲིའི་ཆོས་ཀྱི་སྤྲིན་ཆེན་པོའི་ཆར་རབ་ཏུ་འབེབས་
D44.037.0108a05.01སོ། །སེམས་ཅན་དགེ་བའི་རྩ་བ་ཤིན་ཏུ་བསྩགས་ཤིང་ཐེག་པ་ལ་ངེས་པར་གྱུར་པ་རྣམས་ལ་དགའ་བ་དང་། སྤྲོ་བ་རབ་ཏུ་བསྐྱེད་པ་ཞེས་བྱ་བ་ཆོས་ཀྱི་སྒོ་སྣ་ཚོགས་མངོན་པར་བསྒྲུབ་པའི་ཆར་རབ་ཏུ་འབེབས་ཏེ། ཀྱེ་རྒྱལ་བའི་སྲས་དེ་ལྟར་དེ་བཞིན་
D44.037.0108a06.01གཤེགས་པ་ནི་ཆོས་ཀྱི་སྒོ་བཅུ་པོ་འདི་དག་ལ་{སྩོགས་,སོགས་}པ་ཚད་མེད་པའི་ཆོས་ཀྱི་སྤྲིན་ཆེན་པོའི་ཆར་སེམས་ཅན་མ་ལུས་པ་ཐམས་ཅད་ཀྱི་མོས་པ་ཇི་ལྟ་བཞིན་དུ། ཆོས་ཀྱི་དབྱིངས་ཐམས་ཅད་རྒྱས་པར་བཀང་སྟེ། རབ་ཏུ་འབེབས་པ་མཛད་དོ། །
D44.037.0108a07.01