完整藏文原文 · 德格版页 当前仅加载第 37 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
བར་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། མི་ལ་ལ་ཞིག་གིས་རྡོ་རྗེའི་ཁམས་ཤིག་ཟོས་པར་གྱུར་ན། དེ་ནི་ཇི་ཙམ་དུ་ཆུང་དུ་ཟིན་ཀྱང་རྡོ་རྗེའི་ཁམས་དེ་ཞུ་བར་མི་ནུས་ཏེ། དེ་ནི་གདོན་མི་ཟ་བར་གནས་ཐམས་ཅད་ལས་འདས་ནས། འོག་
D44.037.0135b01.01གི་ཕྱོགས་སུ་འབྱུང་བར་འགྱུར་རོ། །ཀྱེ་རྒྱལ་བའི་སྲས་དེ་ཅིའི་ཕྱིར་ཞེ་ན། དེ་ནི་རྡོ་རྗེའི་ཆོས་མ་འདྲེས་པ་ཡིན་པའི་ཕྱིར་རོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པ་ལ་བསྐྱེད་པའི་དགེ་བའི་རྩ་བ་ནི་ཇི་ཙམ་དུ་ཆུང་ངུ་ཟིན་ཀྱང་། འདུས་བྱས་ལ་སྤྱོད་པའི་ཉོན་མོངས་པའི་
D44.037.0135b02.01གནས་ཐམས་ཅད་ལས་མངོན་པར་འདས་ཏེ། དེ་བཞིན་གཤེགས་པའི་ཡེ་ཤེས་འདུས་མ་བྱས་པའི་མཐར་ཐུག་པར་འགྱུར་རོ། །ཀྱེ་རྒྱལ་བའི་སྲས་དེ་ཅིའི་ཕྱིར་ཞེ་ན། དེ་བཞིན་གཤེགས་པ་ལ་བསྐྱེད་པའི་དགེ་བའི་རྩ་བའི་ཆོས་མ་འདྲེས་པ་ཡིན་པའི་ཕྱིར་རོ། །
D44.037.0135b03.01ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། རྩྭ་དང་ལོ་མའི་ཕུང་པོ་ནི་རི་རབ་ཙམ་ཞིང་ཡོད་དུ་ཟིན་ཀྱང་དེར་མེ་མངག་ཡུངས་ཀར་ཀྱི་འབྲུ་ཙམ་ཞིག་བཅུག་ན། རྩྭ་དང་ལོ་མའི་ཕུང་པོ་དེ་ནི་གདོན་མི་ཟ་བར་འཚིག་པར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་མེའི་མཚན་
D44.037.0135b04.01ཉིད་བསྲེག་པ་ལ་སྟ་གོན་དུ་གནས་པའི་ཕྱིར་རོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པ་ལ་བསྐྱེད་པའི་དགེ་བའི་རྩ་བའི་མེ་མདག་ཀྱང་ཇི་ཙམ་དུ་ཆུང་དུ་ཟིན་ཀྱང་། ཉོན་མོངས་པ་ཐམས་ཅད་ཀྱི་རྩྭ་དང་ལོ་མའི་ཕུང་པོ་མ་ལུས་པར་བསྲེགས་ནས། སངས་རྒྱས་ཀྱི་
D44.037.0135b05.01མཐར་ཕྱིན་ཀྱི་བར་དུ་འགྲུབ་པར་བྱེད་དོ། །ཀྱེ་རྒྱལ་བའི་སྲས་དེ་ཅིའི་ཕྱིར་ཞེ་ན། དེ་བཞིན་གཤེགས་པ་ལ་བསྐྱེད་པའི་དགེ་བའི་རྩ་བ་ནི་ཤིན་ཏུ་ཐུག་པའི་མཐར་ཕྱིན་པའི་ཕྱིར་རོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། རིའི་རྒྱལ་པོ་ཁ་བ་ཅན་ལ། སྨན་
D44.037.0135b06.01གྱི་རྒྱལ་པོ་ཆེན་པོ་བལྟ་ན་ལེགས་པ་ཞེས་བྱ་བ་ཡོད་དེ། སྨན་གྱི་རྒྱལ་པོ་དེ་སེམས་ཅན་གང་གིས་མཐོང་བར་གྱུར་པ་དེ་དག་གི་མིག་རྣམ་པར་དག་པར་འགྱུར་རོ། །སྨན་གྱི་རྒྱལ་པོ་དེ་ལ་རླུང་གིས་བཏབ་པའི་སྒྲ་གང་གིས་ཐོས་པ་དེ་དག་གི་རྣ་བ་རྣམ་པར་དག་པར་འགྱུར་རོ། །
D44.037.0135b07.01