完整藏文原文 · 德格版页 当前仅加载第 37 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་བརྙན་ཐམས་ཅད་ཁོངས་སུ་ཆུད་པར་སྟོན་པས། ཆོས་ཀྱི་དབྱིངས་ཀུན་ཏུ་འོད་རབ་ཏུ་སྣང་བ་ཡོངས་སུ་སྟོན་པའི་སྤྲིན་ཅེས་བྱ་བ་མངའོ། །དེ་བཞིན་གཤེགས་པའི་ཞབས་ལ་དེ་བཞིན་གཤེགས་པའི་མཚན་འཛམ་བུ་ཆུ་ཀླུང་གི་གསེར་
D44.037.0054a01.01དང་། རྡོ་རྗེ་དང་པད་མོ་གསེར་གྱི་མདོག་ཏུ་སྣང་བ་རིན་པོ་ཆེའི་འོད་ཟེར་འབར་བ་རབ་ཏུ་འགྱེད་པ་འོད་ཟེར་གྱི་དྲ་བས། ཕྱོགས་བཅུའི་ཞིང་རྒྱ་མཚོ་ཐམས་ཅད་རྒྱས་པར་འགེངས་པའི་སྤྲིན་གྱིས་མེ་ཏོག་ཀུན་ཏུ་རྒྱས་པའི་རིན་པོ་ཆེའི་སྤོས་ཀྱི་འོད་འཕྲོ་བའི་རི་ལས་འཁོར་
D44.037.0054a02.01གྱི་གཞི་ཐམས་ཅད་དུ་བྱང་ཆུབ་སེམས་དཔའི་སྤྲུལ་པ་དང་། སྤོས་ཐམས་ཅད་དང་། རིན་པོ་ཆེའི་ཁ་དོག་ཐམས་ཅད་རྟག་ཏུ་བཀྱེ་བས་ཞབས་ཀྱི་མཐིལ་གཤེགས་སྟབས་གཅིག་ཏུ་བོར་བས་ཀྱང་ཆོས་ཀྱི་དབྱིངས་ཀྱི་གློང་གི་རྒྱུད་ཐམས་ཅད་དུ་བྱང་ཆུབ་སེམས་
D44.037.0054a03.01དཔའ་རྒྱ་མཚོ་རབ་ཏུ་གནས་པའི་སྤྲིན་ཅེས་བྱ་བ་མངའོ། །དེ་བཞིན་གཤེགས་པའི་ཞབས་ཀྱི་བོལ་ལ་དེ་བཞིན་གཤེགས་པའི་མཚན་རིན་པོ་ཆེ་ཐམས་ཅད་ཀྱི་རྒྱན་གྱིས་བརྒྱན་པའི་འོད་ཟེར་གྱི་མཛོད་རབ་ཏུ་འབར་བས། བྱང་ཆུབ་སེམས་དཔའ་ཐམས་ཅད་ལ་
D44.037.0054a04.01དེ་བཞིན་གཤེགས་པའི་འོད་ཟེར་གྱི་མཛོད་རབ་ཏུ་འགྱེད་པའི་སངས་རྒྱས་ཀྱི་གོ་འཕང་ཆེན་པོ་ཡང་དག་པར་སྟོན་ཅིང་། སངས་རྒྱས་ཀྱི་སྤྲིན་གྱི་འོད་ཀུན་ཏུ་རྣམ་པར་སྣང་བའི་སྤྲིན་ཅེས་བྱ་བ་མངའོ། །དེ་བཞིན་གཤེགས་པའི་ཞབས་ཀྱི་སོར་མོའི་མཚམས་
D44.037.0054a05.01ཐམས་ཅད་ན། དེ་བཞིན་གཤེགས་པའི་མཚན་རིན་པོ་ཆེའི་མཚན་ཉིད་ཀྱིས་བསྒྲུབས་པ། རིན་པོ་ཆེའི་རྒྱལ་པོ་སྣ་ཚོགས་དང་། རིན་པོ་ཆེ་ཐམས་ཅད་ཀྱི་འོད་ཟེར་གྱི་སྤྲིན་རབ་ཏུ་འབར་བས། སངས་རྒྱས་ཀྱི་ཚུལ་གཞན་དང་གཞན་ངག་དང་།
D44.037.0054a06.01སངས་རྒྱས་ཀྱི་རྣམ་པར་འཕྲུལ་པ་ཡོངས་སུ་བསྟན་པའི་འོད་སངས་རྒྱས་ཀྱི་ཆོས་རྒྱ་མཚོ་ཐམས་ཅད་དུ་སྣང་བ་ལས། རིན་པོ་ཆེ་སྣ་ཚོགས་ཀྱི་སྤྲིན་རབ་ཏུ་འགྱེད་ཅིང་། སྙིང་པོ་བྱང་ཆུབ་ཐམས་ཅད་ཀྱི་སྒོ་སྟོན་པ་ཀུན་ཏུ་སྣང་བས་ཕྱི་མའི་མཐའི་མུར་ཐུག་པའི་
D44.037.0054a07.01