完整藏文原文 · 德格版页 当前仅加载第 37 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
འོད་ཟེར་རིན་པོ་ཆེའི་གཞི་སངས་རྒྱས་ཀྱི་དགོངས་པ་ལས་བྱུང་བ་དང་། རྣམ་པར་སྣང་མཛད་ཀྱི་སྤྲུལ་པ་རྒྱ་མཚོ་མི་ཟད་པའི་འོད་ཀུན་ཏུ་སྣང་བའི་སྤྲིན་ཅེས་བྱ་བ་མངའ་བ་དང་། དེ་བཞིན་གཤེགས་པའི་དབུ་ལ་དེ་བཞིན་
D44.037.0044a01.01གཤེགས་པའི་མཚན་དཔལ་རིན་པོ་ཆེ་དྲི་མ་མེད་པ། སངས་རྒྱས་ཀྱི་འོད་སྣ་ཚོགས་དེ་བཞིན་གཤེགས་པ་ཐམས་ཅད་ཀྱི་སེང་གེའི་ཁྲི་དང་རྒྱན་དང་། སངས་རྒྱས་ཀྱི་སྐུའི་གཟུགས་བརྙན་ཁོང་ན་སྲེལ་ཅིང་། རིན་པོ་ཆེའི་འོད་འཕྲོ་བའི་གཞི་རྒྱ་
D44.037.0044a02.01མཚོ་དང་། སངས་རྒྱས་ཀྱི་ཆོས་ཁྱུ་མཆོག་གི་མཐུ་ཕྱུང་བ་དང་། སངས་རྒྱས་ཀྱི་ཚུལ་གྱིས་ཞིང་རྒྱ་མཚོ་ཐམས་ཅད་དུ་སྣང་བའི་དེ་བཞིན་གཤེགས་པ་ཐམས་ཅད་ཀྱི་རྣམ་པར་གྲོལ་བའི་སྤྲིན་ཅེས་བྱ་བ་མངའ་བ་དང་། དེ་བཞིན་གཤེགས་པའི་དབུ་ལ་
D44.037.0044a03.01དེ་བཞིན་གཤེགས་པའི་མཚན་བཻཌཱུརྱ་རིན་པོ་ཆེའི་མེ་ཏོག་དང་། གསེར་གྱི་པད་མོ་ལས་ཆོས་ཀྱི་འོད་ཟེར་གྱི་སྤྲིན་དང་། རིན་པོ་ཆེའི་རྒྱལ་པོ་སྒྲོན་མ་ལྟ་བུར་དེ་བཞིན་གཤེགས་པ་ཐམས་ཅད་ཀྱི་འོད་རྣམ་པར་དག་པས་སྣང་བའི་རྒྱན་བསྟན་པས། ཆོས་
D44.037.0044a04.01ཀྱི་དབྱིངས་ཐམས་ཅད་དུ་དམིགས་ཤིང་རྣམ་པར་བཀྱེ་བས་ཐ་མི་དད་ཅིང་། སངས་རྒྱས་ཀྱི་དབུའི་རིན་པོ་ཆེའི་སྤྲིན་དང་། རྡོ་རྗེ་འོད་འཕྲོ་བའི་འོད་ཟེར་སྟུག་པོའི་སྤྲིན་གྱིས་ཆོས་ཀྱི་དབྱིངས་ལ་འཇུག་ཅིང་ཆོས་རྒྱ་མཚོའི་ཚུལ་གྱིས་རྣམ་པར་འཕྲུལ་བས་སྣང་བའི་སྤྲིན་ཅེས་བྱ་
D44.037.0044a05.01བ་མངའ་བ་དང་། དེ་བཞིན་གཤེགས་པའི་དབུ་ལ་དེ་བཞིན་གཤེགས་པའི་མཚན་འཁོར་ལོ་རྩིབས་སྟོང་པ་རིན་པོ་ཆེའི་འོད་ཟེར་སྣ་ཚོགས་ཚད་མེད་པ་དང་ལྡན་ཞིང་རྣམ་པ་ཐམས་ཅད་དུ་རྣམ་པར་དག་ལ་དགེ་བའི་རྩ་བ་ཐམས་ཅད་ཀྱིས་ཕྱོགས་བཅུ་ཐམས་ཅད་
D44.037.0044a06.01དུ་ཤེས་རབ་ཀྱི་ཉི་མ་ཤིན་ཏུ་གསལ་བ་དང་། ཡེ་ཤེས་ཀྱི་འོད་ཆོས་རྒྱ་མཚོའི་དབྱངས་དང་ལྡན་པ་སངས་རྒྱས་ཀྱི་གདུང་རྣམ་པར་དག་པའི་སྤྲིན་ཅེས་བྱ་བ་མངའ་བ་དང་། དེ་བཞིན་གཤེགས་པའི་དབུ་ལ་དེ་བཞིན་གཤེགས་པའི་མཚན་རིན་པོ་ཆེའི་ཕྲེང་བ་རྣམ་པར་བཀྱེ་བ་དང་།
D44.037.0044a07.01