完整藏文原文 · 德格版页 当前仅加载第 37 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲུབ་པའི་ཆོས་བསྟན་པ་དང་། དུས་གསུམ་དང་ལྡན་པའི་ཆོས་བསྟན་པ་དང་། ཕྱིར་མི་ལྡོག་པའི་བྱང་ཆུབ་སེམས་དཔས་བྱ་བའི་ཆོས་བསྟན་པ་དང་། སངས་རྒྱས་ཀྱི་ཡོན་ཏན་དང་། ལེགས་པ་རབ་ཏུ་བརྗོད་པའི་ཆོས་བསྟན་པ་དང་།
D44.037.0158b01.01བྱང་ཆུབ་སེམས་དཔའི་བསླབ་པ་ཐམས་ཅད་དང་། སངས་རྒྱས་ཐམས་ཅད་ཀྱི་མཉམ་པ་ཉིད་དང་། དེ་བཞིན་གཤེགས་པ་ཐམས་ཅད་ལ་དམིགས་པ་དང་ལྡན་པའི་ཆོས་བསྟན་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་
D44.037.0158b02.01རྣམས་ཀྱི་ཆོས་བསྟན་པ་སྟེ་དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པ་རྣམས་ཀྱི་ཆོས་བསྟན་པ་ཆེན་པོ་བླ་ན་མེད་པ་སྟོན་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་
D44.037.0158b03.01རྣམས་ཀྱི་ཡོངས་སུ་གཟུང་བ་སྟེ། བཅུ་གང་ཞེ་ན་འདི་ལྟར་དགེ་བའི་རྩ་བ་དང་། བསོད་ནམས་ཀྱི་ཚོགས་རྣམས་ཡོངས་སུ་གཟུང་བ་དང་། དེ་བཞིན་གཤེགས་པ་ཐམས་ཅད་ཀྱིས་གསུངས་པའི་ཆོས་བསྟན་པ་རྣམས་ཡོངས་སུ་གཟུང་བ་
D44.037.0158b04.01དང་། དཔེ་དང་མཐུན་པར་བསྟན་པ་ཐམས་ཅད་ཡོངས་སུ་གཟུང་བ་དང་། ཆོས་ཀྱི་ཚུལ་དང་། སྒོ་ཐམས་ཅད་ཡོངས་སུ་གཟུང་བ་དང་། གཟུངས་ཐམས་ཅད་མངོན་པར་བསྒྲུབ་པའི་སྒོ་རྣམས་ཡོངས་སུ་གཟུང་བ་དང་། ཐེ་ཙོམ་ཐམས་ཅད་
D44.037.0158b05.01ཡོངས་སུ་གཅོད་པ་རྣམས་ཡོངས་སུ་གཟུང་བ་དང་། བྱང་ཆུབ་སེམས་དཔའི་བསྒྲུབ་པ་ཐམས་ཅད་ཡོངས་སུ་གཟུང་བ་དང་། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཏིང་ངེ་འཛིན་ཤིན་ཏུ་བསྟན་པའི་སྒོ་རྣམས་ཡོངས་སུ་གཟུང་བ་
D44.037.0158b06.01དང་། ཆོས་སྣང་བའི་སྒོ་ཐམས་ཅད་ཡོངས་སུ་གཟུང་བ་དང་། སངས་རྒྱས་ཐམས་ཅད་ཀྱི་རྣམ་པར་སྤྲུལ་པ་དང་། རྣམ་པར་རོལ་པ་དང་། བྱིན་གྱི་རླབས་རྣམས་ཡོངས་སུ་གཟུང་བའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་
D44.037.0158b07.01