完整藏文原文 · 德格版页 当前仅加载第 37 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་རྣམས་སངས་རྒྱས་ཐམས་ཅད་ཀྱི་ཆོས་ཀྱི་ཡེ་ཤེས་ཀྱི་གཏེར་བླ་ན་མེད་པ་ཐོབ་པས་སེམས་ཅན་ཐམས་ཅད་འདུལ་བ་ལ་བརྩོན་པར་བྱེད་པ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་
D44.037.0196a01.01སེམས་དཔའ་རྣམས་ཀྱི་སྡོམ་པ་སྟེ། བཅུ་གང་ཞེ་ན། འདི་ལྟར་སངས་རྒྱས་ཀྱི་ཆོས་ཐམས་ཅད་ལ་མི་འཁྲུག་མི་འཁྲུལ་བའི་སྡོམ་པ་དང་། སངས་རྒྱས་ཐམས་ཅད་ལ་བསམ་པ་མི་ཕྱེད་པའི་སྡོམ་པ་དང་། བྱང་ཆུབ་སེམས་དཔའ་ཐམས་
D44.037.0196a02.01ཅད་ལ་བསམ་པ་རླབས་པོ་ཆེའི་སྡོམ་པ་དང་། དགེ་བའི་བཤེས་གཉེན་ཐམས་ཅད་ལ་བསམ་པ་མི་འདོར་བའི་སྡོམ་པ་དང་། ཉན་ཐོས་དང་རང་སངས་རྒྱས་ཡིད་ལ་བྱ་བ་ཐམས་ཅད་ལ་ཡོངས་སུ་མི་རྒྱུ་བའི་སྡོམ་པ་དང་། བྱང་ཆུབ་སེམས་དཔའ་
D44.037.0196a03.01ཆུད་ཟ་བའི་ལས་ཐམས་ཅད་རྣམ་པར་བཟློག་པའི་སྡོམ་པ་དང་། སེམས་ཅན་ཐམས་ཅད་ལ་ཁོང་ཁྲོ་བ་མེད་པའི་སྡོམ་པ་དང་། དགེ་བའི་རྩ་བ་བརྩམས་པ་ཐམས་ཅད་མཐར་ཕྱིན་པར་བྱ་བའི་སྡོམ་པ་དང་། བདུད་ཐམས་ཅད་རབ་ཏུ་ཕམ་པར་
D44.037.0196a04.01བྱ་བའི་སྡོམ་པ་དང་། ཕ་རོལ་ཏུ་ཕྱིན་པ་ཐམས་ཅད་ཡོངས་སུ་རྫོགས་པར་བྱ་བའི་སྡོམ་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སྡོམ་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་
D44.037.0196a05.01རྣམས་ཡེ་ཤེས་ཆེན་པོའི་སྡོམ་པ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་དབང་སྟེ། བཅུ་གང་ཞེ་ན། འདི་ལྟར་བསྐལ་བ་བརྗོད་དུ་མེད་པ་ཚེའི་ཚད་བྱིན་ཀྱིས་
D44.037.0196a06.01རློབ་པས་ཚེ་ལ་དབང་བ་དང་། ཏིང་ངེ་འཛིན་གྲངས་མེད་པར་ངེས་པར་རྟོགས་པར་གཞོག་ཅིང་། ཡེ་ཤེས་ཀྱིས་འཇུག་པའི་ཚུལ་གྱིས་སེམས་ལ་དབང་བ་དང་། འཇིག་རྟེན་གྱི་ཁམས་ཐམས་ཅད་རྒྱན་རྣམ་པར་དབྱེ་བ་དུ་མས་རབ་
D44.037.0196a07.01