完整藏文原文 · 德格版页 当前仅加载第 37 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ནན་ཏན་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་ཆོས་ཐམས་ཅད་ཀྱི་ནན་ཏན་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་
D44.037.0218a01.01སེམས་དཔའ་རྣམས་ཀྱི་འགྲུབ་པ་སྟེ། བཅུ་གང་ཞེ་ན་འདི་ལྟར་དགེ་བའི་བཤེས་གཉེན་ལ་སེམས་པ་ནི་སངས་རྒྱས་ཀྱི་ཆོས་རྣམས་འགྲུབ་པའོ། །དེ་བཞིན་གཤེགས་པའི་བཀའ་ལ་མངོན་པར་ཡིད་ཆེས་པ་ནི་སངས་རྒྱས་ཀྱི་ཆོས་རྣམས་འགྲུབ་པའོ། །
D44.037.0218a02.01དམ་པའི་ཆོས་ལ་མི་སྤོང་བ་ནི་སངས་རྒྱས་ཀྱི་ཆོས་རྣམས་འགྲུབ་པའོ། །ཚད་མེད་པའི་སེམས་ཀྱིས་སངས་རྒྱས་སུ་དགེ་བའི་རྩ་བ་ཡོངས་སུ་བསྔོ་བ་མི་ཟད་པ་ནི་སངས་རྒྱས་ཀྱི་ཆོས་རྣམས་འགྲུབ་པའོ། །དེ་བཞིན་གཤེགས་པའི་ཡུལ་ས་མཚམས་མེད་པར་ཡིད་
D44.037.0218a03.01ཆེས་པ་ནི་སངས་རྒྱས་ཀྱི་ཆོས་རྣམས་འགྲུབ་པའོ། །འཇིག་རྟེན་གྱི་ཁམས་ཀྱི་ཡུལ་ལ་འཇུག་པ་ནི་སངས་རྒྱས་ཀྱི་ཆོས་རྣམས་འགྲུབ་པའོ། །ཆོས་ཀྱི་དབྱིངས་ཀྱི་ཡུལ་ལས་མི་གཡོ་བ་ནི་སངས་རྒྱས་ཀྱི་ཆོས་རྣམས་འགྲུབ་པའོ། །བདུད་ཀྱི་ཡུལ་ལས་གྱེན་
D44.037.0218a04.01དུ་སྤགས་པ་ནི་སངས་རྒྱས་ཀྱི་ཆོས་རྣམས་འགྲུབ་པའོ། །སངས་རྒྱས་ཐམས་ཅད་ཀྱི་རྗེས་སུ་དྲན་པ་ནི་སངས་རྒྱས་ཀྱི་ཆོས་རྣམས་འགྲུབ་པའོ། །དེ་བཞིན་གཤེགས་པའི་སྟོབས་བཅུའི་ཡུལ་ལ་མངོན་པར་མོས་པ་ནི་སངས་རྒྱས་ཀྱི་ཆོས་རྣམས་འགྲུབ་པའོ། །ཀྱེ་
D44.037.0218a05.01རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་འགྲུབ་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་པོ་འགྲུབ་པ་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་
D44.037.0218a06.01ཆུབ་སེམས་དཔའ་རྣམས་ཀྱི་སངས་རྒྱས་ཀྱི་ཆོས་ལས་གོལ་བའི་ལམ་སྟེ། དེ་དག་ནི་བྱང་ཆུབ་སེམས་དཔས་ཡོངས་སུ་སྤང་བར་བྱ་བདག་གོ། །བཅུ་གང་ཞེ་ན་འདི་ལྟར་དགེ་བའི་བཤེས་གཉེན་ལ་བརྙས་པ་ནི་སངས་རྒྱས་ཀྱི་ཆོས་ལས་གོལ་བའི་ལམ་མོ། །འཁོར་
D44.037.0218a07.01