完整藏文原文 · 德格版页 当前仅加载第 37 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་ཐོབ་པས་སྤྲུལ་པ་མངོན་པར་སྒྲུབ་པ། །དེ་བཞིན་གཤེགས་པ་རྣམ་པར་སྣང་མཛད་དང་། སྔོན་ལྷན་ཅིག་ཏུ་སྐྱེས་ཤིང་དགེ་བའི་རྩ་བ་བསྩགས་པ་ཤ་སྟག་ལ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་དང་།
D44.037.0076a01.01ཀུན་ཏུ་གྲགས་པའི་དབང་ཕྱུག་རྒྱལ་པོ་དང་། དེ་བཞིན་གཤེགས་པའི་རིགས་སུ་བྱུང་བའི་དཔལ་དང་། རྡོ་རྗེ་དཔལ་གྱི་རྒྱལ་མཚན་དང་། རྣམ་པར་གྲོལ་བ་བསྒྲིབས་པ་མེད་པའི་ཟླ་བ་དང་། ཉི་མའི་འོད་ཟེར་དྲི་མ་མེད་པའི་སྙིང་པོ་དང་། མངོན་པར་ཤེས་པ་ཆེན་
D44.037.0076a02.01པོས་རྣམ་པར་འཕྲུལ་བའི་བློ་དང་། འོད་དྲི་མ་མེད་པའི་དཔལ་གྱི་གཟི་བརྗིད་འོད་ཟེར་གྱི་རྒྱལ་པོ་དང་། བློ་གྲོས་རྒྱ་མཚོའི་མཆོག་འཛིན་ཅིང་བློ་ལ་རྣམ་པར་རྩེ་བ་གསལ་བས་མངོན་པར་ཤེས་པའི་དཔལ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྟོབས་
D44.037.0076a03.01བཅུ་མི་འཇིགས་པའི་སེང་གེའི་ང་རོ་ཆེན་པོས་རྣམ་པར་རྩེ་བས་མངོན་པར་ཤེས་པ་དང་། དེ་དག་ལས་{སྩོགས་,སོགས་}པ་བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པ་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་དང་ཐབས་
D44.037.0076a04.01གཅིག་ཏུ་བཞུགས་སོ། །དེ་ནས་དེའི་ཚེ་བཅོམ་ལྡན་འདས་ཀྱི་མཛོད་སྤུ་ནས་དེ་བཞིན་གཤེགས་པ་འབྱུང་བ་ཞེས་བྱ་བའི་འོད་ཟེར་འོད་ཟེར་གྱི་འཁོར་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་མང་པོའི་འོད་ཟེར་དང་ལྡན་པ་བྱུང་སྟེ། དེས་འཇིག་རྟེན་གྱི་ཁམས་འབྱམ་ཀླས་
D44.037.0076a05.01པ་ཐམས་ཅད་དུ་མ་ལུས་པར་སྣང་བར་བྱས། འཇིག་རྟེན་གཡས་ཕྱོགས་སུ་ལན་བཅུར་བསྐོར་ཏེ། དེ་བཞིན་གཤེགས་པའི་རྣམ་པར་འཕྲུལ་པ་བསྟན་ནས། །བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་མང་པོ་བསྐུལ་བ་བྱས་ཏེ། འཇིག་རྟེན་གྱི་
D44.037.0076a06.01ཁམས་འབྱམ་ཀླས་པ་ཐམས་ཅད་རབ་ཏུ་བསྐྱོད་ནས། ངན་སོང་གི་རྒྱུད་ཐམས་ཅད་ཀྱི་སྐྱེ་བ་དང་། ཤི་འཕོ་བ་རབ་ཏུ་ཞི་བར་བྱས་ཏེ། བདུད་ཀྱི་ཁྱིམ་ཐམས་ཅད་ཟིལ་གྱིས་མནན་ནས། དེ་བཞིན་གཤེགས་པ་ཐམས་ཅད་མངོན་པར་འཚང་རྒྱ་བས།
D44.037.0076a07.01