完整藏文原文 · 德格版页 当前仅加载第 37 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
ཡུལ་རྣམ་པར་དག་ཅིང་{མྱི་,མི་}གནས་པ། སེམས་ཅན་གྱི་ཁམས་སེམས་ཅན་{མྱེད་,མེད་}པ་དང་། སྲོག་{མྱེད་,མེད་}པ་ཡོངས་སུ་ཤེས་པས་རབ་རིབ་{མྱེད་,མེད་}པ། ཆོས་ཀྱི་དབྱིངས་ཐམས་ཅད་དུ་འོད་ཟེར་གྱི་དྲ་བས་རྒྱས་པར་འགེངས་པས་ནམ་མཁའ་
D44.037.0277a01.01དང་མཉམ་པ་ཤ་སྟག་དང་ཐབས་གཅིག་ཏུ་བཞུགས་སོ། །ཉན་ཐོས་རྫུ་འཕྲུལ་ཆེན་པོ་དང་ལྡན་པ་ལྔ་བརྒྱ་སྟེ། ཐམས་ཅད་ཀྱང་བདེན་པའི་ཚུལ་གྱི་རང་བཞིན་མངོན་པར་ཁོང་དུ་ཆུད་པ། ཡང་དག་པའི་མཐའ་མངོན་སུམ་དུ་གྱུར་པ། ཆོས་ཀྱི་རང་བཞིན་ལ་ཞུགས་པ། སྲིད་
D44.037.0277a02.01པའི་རྒྱ་མཚོ་ལས་གྱེན་དུ་འཕགས་པ། དེ་བཞིན་གཤེགས་པའི་ཚོགས་སུ་འགྱུར་བའི་སྤྱོད་ཡུལ་ཅན་ཀུན་ནས་སྦྱོར་བ་དང་། བག་ལ་ཉལ་བ་དང་བཅིངས་པ་རྣམ་པར་བཟློག་པ། ཆགས་པ་{མྱེད་,མེད་}པའི་གནས་ལ་བརྟེན་པ། ནམ་མཁའ་ལྟར་ཞི་བ་ལ་རྣམ་པར་སྤྱོད་པ།
D44.037.0277a03.01སངས་རྒྱས་ལ་ཐེ་ཙོམ་དང་ནེམ་ནུར་དང་། ཡིད་གཉིས་ཡོངས་སུ་ཆད་པ། སངས་རྒྱས་ཀྱི་ཡེ་ཤེས་རྒྱ་མཚོ་ལ་མོས་པའི་ལམ་དུ་ཞུགས་པ་ཤ་སྟག་དང་། འཇིག་རྟེན་གྱི་དབང་པོ་སྔོན་གྱི་རྒྱལ་བ་ལ་བྱ་བ་བྱས་པ། འགྲོ་བ་ཐམས་ཅད་ལ་ཕན་པ་དང་། བདེ་བའི་དོན་དུ་
D44.037.0277a04.01ཞུགས་པ། གསོལ་བ་མ་བཏབ་པར་དགེ་བའི་བཤེས་གཉེན་དུ་གྱུར་པ། སེམས་ཅན་གཞན་བསྲུང་བ་ལ་ཞུགས་པ། འཇིག་རྟེན་ཐམས་ཅད་ལས་འཕགས་པའི་ཁྱད་པར་དང་ལྡན་པའི་ཡེ་ཤེས་ཀྱི་སྒོ་ལ་ཞུགས་པ། སེམས་ཅན་ཐམས་ཅད་ཡོངས་སུ་{མྱི་,མི་}གཏོང་
D44.037.0277a05.01པའི་སེམས་དང་ལྡན་པ། སངས་རྒྱས་ཐམས་ཅད་ཀྱི་བསྟན་པའི་སྤྱོད་ཡུལ་ལ་བྱུང་བ་དེ་བཞིན་གཤེགས་པའི་བསྟན་པ་ཡོངས་སུ་བསྲུང་བ་ལ་ཞུགས་པ། སངས་རྒྱས་ཀྱི་རིགས་ཡང་དག་པར་གཟུང་བའི་སྨོན་ལམ་གྱིས་ཡང་དག་པར་སྐྱེས་པ། དེ་བཞིན་
D44.037.0277a06.01གཤེགས་པའི་གདུང་གི་རྒྱུད་དུ་འབྱུང་བ་མངོན་དུ་གྱུར་པ། ཐམས་ཅད་མཁྱེན་པ་ཉིད་ལ་མངོན་པར་མོས་པ་ཤ་སྟག་དང་ཡང་ཐབས་གཅིག་གོ །དེ་ནས་བྱང་ཆུབ་སེམས་དཔའ་འཁོར་དང་བཅས་པ་དེ་དག་དང་། ཉན་ཐོས་རྫུ་འཕྲུལ་ཆེན་པོ་དང་ལྡན་པ།
D44.037.0277a07.01