完整藏文原文 · 德格版页 当前仅加载第 37 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཇི་སྙེད་པ། །དེ་སྙེད་རྒྱལ་བའི་གསུང་དབྱངས་ཡིད་དུ་འོང་བ་འགྱུར། །སྒྲ་གཅིག་དབྱངས་ལས་སེམས་ཅན་མ་ལུས་ཇི་སྙེད་པའི། །སྒྲ་དབྱངས་རྣམ་པ་ཐ་དད་དུས་གཅིག་འབྱུང་བར་འགྱུར། །འཇིག་རྟེན་
D44.037.0131a01.01དབང་ཕྱུག་ཀུན་ལ་རྣམ་པར་རྟོག་མི་མངའ། །གང་རྣམས་ཇི་ལྟར་མོས་པ་དེ་བཞིན་གསུང་ཡང་ཉན། །ཡི་གེ་རྣམས་ནི་ནང་ན་ཡོད་མིན་ཕྱི་ནས་འབྱུང་བ་མིན། །དེ་དག་ཟད་པར་མི་འགྱུར་བསགས་པ་འང་གང་ཡང་མེད། །འོན་ཀྱང་འཁོར་ལོ་བསྐོར་ན་
D44.037.0131a02.01འགྲོ་བའི་དོན་དུ་འགྱུར། །སྟོབས་བཅུ་མངའ་བ་རྣམས་ཀྱི་ཆོ་འཕྲུལ་ཅི་འདྲ་ལྟོས། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱིས། བྱང་ཆུབ་སེམས་དཔའ་སེམས་དཔའ་
D44.037.0131a03.01ཆེན་པོ་ཀུན་ཏུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོས། ཇི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་མྱ་ངན་ལས་འདས་པ་ཆེན་པོ་ཁོང་དུ་ཆུད་
D44.037.0131a04.01པར་བྱ། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་
D44.037.0131a05.01འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཡོངས་སུ་མྱ་ངན་ལས་འདས་པ་ཆེན་པོ་ཁོང་དུ་ཆུད་པར་འདོད་པས་རང་བཞིན་གྱི་ངོ་བོ་ཉིད་ལ་བློ་ཡོངས་སུ་བཏང་སྟེ།
D44.037.0131a06.01དེས་དེ་བཞིན་ཉིད་ཀྱི་ཡོངས་སུ་མྱ་ངན་ལས་འདས་པ་ཇི་ལྟ་བ་དེ་བཞིན་དུ། དེ་བཞིན་གཤེགས་པའི་ཡོངས་སུ་མྱ་ངན་ལས་འདས་པ་ཁོང་དུ་ཆུད་པར་བྱའོ། །ཡང་དག་པའི་མཐའ་ཡོངས་སུ་མྱ་ངན་ལས་འདས་པ་ཇི་ལྟ་བ་དང་། ཆོས་ཀྱི་དབྱིངས་
D44.037.0131a07.01