完整藏文原文 · 德格版页 当前仅加载第 37 函德格 340a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཐམས་ཅད་འཁོར་བའི་རྒྱ་མཚོ་ལས་ཡང་དག་པར་སྒྲོལ་བའི་ཕྱིར་ཟམ་པ་ལྟ་བུའོ། །བྱང་ཆུབ་སེམས་དཔའ་རྣམས་ནི་སེམས་ཅན་ཐམས་ཅད་ཀྱིས་མངོན་པར་བགྲོད་པར་བྱ་བའི་ཕྱིར་མུ་སྟེགས་ལྟ་བུའོ། །དེ་ལྟར་དྲ་བྱི་ལའི་སྤྲིན་
D44.037.0340a01.01གྱིས་ཚོང་དཔོན་གྱི་བུ་ནོར་{བཟངས་ཀྱི་,བཟང་གི་}མདུན་དུ་འདུག་སྟེ། ཚིག་གི་རྒྱུད་དེ་དག་གིས་བྱང་ཆུབ་སེམས་དཔའ་རྣམས་ལ་ཡོངས་སུ་བསྔགས་པ་བྱས་ནས། ཚོང་དཔོན་གྱི་བུ་ནོར་{བཟངས་,བཟང་}ལ་ལེགས་སོ་ཞེས་བསྔགས་སོ། །དེ་ལྟར་དེ་བྱང་ཆུབ་སེམས་དཔའ་
D44.037.0340a02.01ཡང་དག་པར་དགའ་བར་བྱ་བའི་ཕྱིར་ཚིག་བརྗོད་པའི་ཚེ། ཁའི་སྒོ་ནས་འོད་འཕྲོ་བའི་ཕུང་པོ་རྣམ་པ་འདི་ལྟ་བུ་བྱུང་སྟེ། འོད་འཕྲོ་བའི་ཕུང་པོ་དེས་སྟོང་གསུམ་གྱི་འཇིག་རྟེན་གྱི་ཁམས་རྒྱས་པར་གང་བར་གྱུར་ནས། ལྷ་དང་ལྷ་རྫུ་འཕྲུལ་ཆེན་པོའམ།
D44.037.0340a03.01ཀླུ་དང་ཀླུ་རྫུ་འཕྲུལ་ཆེན་པོ་འམ། གནོད་སྦྱིན་དང་གནོད་སྦྱིན་རྫུ་འཕྲུལ་ཆེན་པོའམ། དྲི་ཟ་དང་དྲི་ཟ་རྫུ་འཕྲུལ་ཆེན་པོའམ། ལྷ་མ་ཡིན་དང་ལྷ་མ་ཡིན་རྫུ་འཕྲུལ་ཆེན་པོའམ། ནམ་མཁའ་ལྡིང་དང་ནམ་མཁའ་ལྡིང་རྫུ་འཕྲུལ་ཆེན་པོའམ། མིའམ་ཅི་དང་
D44.037.0340a04.01མིའམ་ཅི་རྫུ་འཕྲུལ་ཆེན་པོའམ། ལྟོ་འཕྱེ་ཆེན་པོ་དང་ལྟོ་འཕྱེ་ཆེན་པོ་རྫུ་འཕྲུལ་ཆེན་པོའམ། མི་དང་མི་རྫུ་འཕྲུལ་ཆེན་པོའམ། མི་མ་ཡིན་པ་དང་མི་མ་ཡིན་པ་རྫུ་འཕྲུལ་ཆེན་པོའམ། ཚངས་པ་དང་ཚངས་པ་རྫུ་འཕྲུལ་ཆེན་པོའམ། སེམས་ཅན་
D44.037.0340a05.01གང་སུས་མཐོང་ཡང་རུང་སྟེ། སྣང་བ་དེས་ཡོངས་སུ་སྣང་བར་བྱས་པ་དེ་དག་དྲ་བྱི་ལ་སྤྲིན་གྱི་དྲུང་དུ་འོངས་སོ། །དེ་ནས་དེ་ལྟར་དྲ་བྱི་ལ་སྤྲིན་གྱིས་བསམ་པ་བྱིན་གྱིས་བརླབས་ཤིང་ཐལ་མོ་སྦྱར་ཏེ། གནས་པ་ལུས་དང་སེམས་སིམ་པར་གྱུར་པ། དགའ་བ་རྒྱ་
D44.037.0340a06.01ཆེན་པོ་སྐྱེས་པ། སྲི་ཞུ་ཆེན་པོ་ལ་གནས་པ། ང་རྒྱལ་གྱི་རྒྱལ་མཚན་བཅོམ་པ། གཡོ་རྒྱུ་དང་བྲལ་བ། དབང་པོ་རྣམ་པར་དང་བར་གྱུར་པ་དེ་དག་ལ་དྲ་བྱི་ལའི་སྤྲིན་གྱིས་ཆོས་ཀྱི་རྣམ་གྲངས་ཡི་གེའི་འཁོར་ལོའི་རྒྱུད་ཀྱི་རྒྱན་ཅེས་བྱ་བ་དེ་ཉིད་རྒྱ་ཆེར་ཡང་དག་པར་
D44.037.0340a07.01