完整藏文原文 · 德格版页 当前仅加载第 37 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བུ། འགྲོ་བ་ཐམས་ཅད་ལ་མོས་པ་ལྟ་བུ། བྱང་ཆུབ་སེམས་དཔའ་ཐམས་ཅད་ལ་འབྱུང་བ་ལྟ་བུ། བྱང་ཆུབ་ཏུ་ཞུགས་པ་རྣམས་ལ་བསྐུལ་བ་ལྟ་བུ། གཞན་གྱི་དྲིང་མི་འཇོག་པ་རྣམས་ལ་ཡེ་ཤེས་ཀྱི་སྣང་བ་ལྟ་བུ་དག་སྟེ་
D44.037.0027a01.01སངས་རྒྱས་བཅོམ་ལྡན་འདས་རྣམས་ནི་འཇིག་རྟེན་མི་རྟག་པར་སྟོན་པ་དང་། སངས་རྒྱས་ཀྱི་ཕྲིན་ལས་རྒྱུན་མི་འཆད་པར་བརྗོད་པ་དང་། ཕྲིན་ལས་མཛད་པའི་མཐར་ཐུག་པར་བསྟན་པ་དང་། ཆོས་ཀྱི་རྒྱུད་ཉམས་པ་མེད་པའི་དངོས་པོར་བརྗོད་པ་དང་།
D44.037.0027a02.01སྲིད་པའི་ཚུལ་རྩ་བ་ནས་ཆད་པར་བརྗོད་པ་དང་། སེམས་ཅན་ཐམས་ཅད་སྐྱོ་བར་བྱ་བར་བསྟན་པ་དང་། སངས་རྒྱས་ཀྱི་རྗེས་སུ་འགྲོ་བའི་སེམས་སུ་མཐུན་པར་བྱ་བ་དང་། སྐུ་ཚེའི་མཐའ་ལྟ་བུར་སེམས་ཅན་རྣམས་ཀྱིས་ཤེས་པར་བྱ་བ་དང་། སེམས་ཅན་
D44.037.0027a03.01རྣམས་ཀྱིས་འཇིག་རྟེན་ཐམས་ཅད་དུ་དགའ་བར་བྱ་བ་མེད་པར་བསྟན་པ་དང་། སེམས་ཅན་རྣམས་ལ་མ་བྱོན་པའི་སངས་རྒྱས་གཅིག་ནས། གཅིག་ཏུ་བརྒྱུད་པ་མཉེས་པར་གྱིས་ཤིག་པར་བསྟན་པ་དང་། སངས་རྒྱས་བཅོམ་ལྡན་འདས་རྣམས་ཆོས་ཀྱི་འཁོར་
D44.037.0027a04.01ལོ་བསྐོར་བ་བསྟན་དུ་མི་རུང་བར་ཁོང་དུ་ཆུད་པར་བྱ་བ་དང་། འཇིག་རྟེན་རྣམས་ཀྱི་རྩོལ་བ་བསྐྱེད་པ་དང་སངས་རྒྱས་ལ་དམིགས་པར་བརྩོན་པའི་སེམས་ལ་དགོད་པ་དང་། ཡུན་དུ་དྲན་པ་རྣམ་པར་དག་པས་དེ་བཞིན་གཤེགས་པ་མཐོང་བའི་རྣམ་པར་རྟོག་པ་བསྐྱེད་
D44.037.0027a05.01པ་དང་། སྐྱེ་བའི་དབང་པོ་ཕྱིར་བཟློག་ཅིང་ཡོངས་སུ་དག་པར་མཛད་པ་དང་། སངས་རྒྱས་ལ་མོས་པ་བསྐྱེད་པ་དང་། སྐྱོ་བར་གྱུར་པའི་སེམས་ཅན་རྣམས་ལ་བྱིན་གྱིས་བརླབ་པར་བྱ་བ་དང་། སངས་རྒྱས་ལ་དམིགས་པའི་རྐྱེན་འཇིག་རྟེན་གྱི་ཁམས་མ་
D44.037.0027a06.01ལུས་པ་ཐམས་ཅད་དུ་ཕྱིན་པར་དགོངས་པ་མཛད་པ་དང་། སྐུ་ཐམས་ཅད་བཤིག་སྟེ། དེ་བཞིན་གཤེགས་པའི་སྐུ་གདུང་གིས་སེམས་ཅན་རྣམས་ཡོངས་སུ་གཟུང་བ་མཛད་པ་དང་། འཇིག་རྟེན་རྣམ་པར་འཁྲུགས་པ་དང་། དྲེགས་ཤིང་མྱོས་པའི་
D44.037.0027a07.01