完整藏文原文 · 德格版页 当前仅加载第 37 函德格 95a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བསྟོད་པའི་སྤྲིན་དང་། རྒྱན་སྣ་ཚོགས་ཤིན་ཏུ་བསྒྲུབས་པའི་སྤྲིན་རྒྱ་ཆེན་པོས་དེ་བཞིན་གཤེགས་པ་ལ་རིམ་གྲོ་བྱེད་དོ། །བཀུར་སྟི་བྱེད་དོ། །བསྟི་སྟང་བྱེད་དོ། །མཆོད་པ་བྱེད་དོ། །དེ་ཅིའི་ཕྱིར་ཞེ་ན། དེ་ནི་དེ་དག་གིས་ལྷའི་
D44.037.0095a01.01མིག་རྣམ་པར་དག་པར་བྱས་པའི་ཕྱིར་ཏེ། སེམས་ཅན་དེ་དག་ལའང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་དེ་བཞིན་གཤེགས་པ་ལུང་སྟོན་ཏོ། །ཀྱེ་རྒྱལ་བའི་སྲས་དེ་ལྟར་དེ་བཞིན་གཤེགས་པའི་ཡེ་ཤེས་ཀྱི་སྐུ་ཉི་མའི་དཀྱིལ་འཁོར་ནི། སེམས་
D44.037.0095a02.01ཅན་དམུས་ལོང་དུ་གྱུར་པ་རྣམས་ལ་ཡང་དགེ་བའི་རྩ་བ་ཡོངས་སུ་སྨིན་པར་མཛད་པས་ཕན་འདོགས་པ་ཡིན་ནོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོས་ཁོང་དུ་ཆུད་པར་བྱ་བའི་སྒོ་ལྔ་པ་འདིས་ཀྱང་། དེ་བཞིན་གཤེགས་
D44.037.0095a03.01པའི་སྐུ་བལྟར་ཡོད་པར་ཤེས་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། ཟླ་བའི་དཀྱིལ་འཁོར་འཆར་བར་འགྱུར་བའི་ཚེ། རྨད་དུ་བྱུང་བའི་ཆོས་བཞི་སྔ་ཕྱི་མེད་པར་བྱེད་དེ། བཞི་གང་ཞེ་ན་འདི་ལྟ་སྟེ།
D44.037.0095a04.01སྐར་མ་ཐམས་ཅད་ཟིལ་གྱིས་གནོན་ཏོ། །འཕེལ་བ་དང་འགྲིབ་པ་ཡང་ཡོངས་སུ་སྟོན་ཏོ། །འཛམ་བུའི་གླིང་ཐམས་ཅད་ཀྱི་ཆུ་དང་བའི་སྣོད་ཀུན་ཏུ་ཡང་གཟུགས་བརྙན་རབ་ཏུ་སྣང་ངོ་། །སེམས་ཅན་ཀུན་གྱིས་བལྟས་ན་ཡང་མངོན་སུམ་དུ་གནས་པར་སྣང་
D44.037.0095a05.01སྟེ། དེ་ལ་རྣམ་པར་རྟོག་པ་མེད་དོ། །སྤྲོས་པ་མེད་དོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པའི་སྐུ་ཟླ་བའི་དཀྱིལ་འཁོར་ཀྱང་རྨད་དུ་བྱུང་བའི་ཆོས་བཞི་སྔ་ཕྱི་མེད་པར་སྟོན་ཏོ། །བཞི་གང་ཞེ་ན་འདི་ལྟ་སྟེ། སློབ་པ་དང་མི་སློབ་པ་ཐམས་ཅད་དང་།
D44.037.0095a06.01རང་སངས་རྒྱས་ཐམས་ཅད་ཀྱི་ཡོན་ཏན་རྣམ་པ་ཐམས་ཅད་དུ་ཟིལ་གྱིས་གནོན་ཏོ། །ཇི་ལྟ་བུར་མོས་པའི་སེམས་ཅན་རྣམས་ཀྱི་ལྟ་བ་རྣམ་པ་ཐ་དད་པའི་ཚུལ་དུ་སྐུ་ཚེའི་ཚད་རྣམ་པ་ཐ་དད་པ་ཡང་ཡང་དག་པར་སྟོན་ཏེ། དེ་བཞིན་གཤེགས་པའི་སྐུ་ཟླ་བའི་
D44.037.0095a07.01