完整藏文原文 · 德格版页 当前仅加载第 37 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་ཟད་པར་མི་འགྱུར་བས་རྟོགས་པའི་དགའ་བ་དང་། ཕྱོགས་བཅུའི་ཚད་མེད་པར་ཁྱབ་པས་བློའི་དགའ་བ་དང་། སེམས་ཅན་གྱི་ལུས་སྒོ་མཐའ་ཡས་པ་ཡོངས་སུ་སྟོན་པས་བྱང་ཆུབ་སེམས་དཔའི་རྣམ་པར་འཕྲུལ་པའི་དགའ་བ་དང་། ཏིང་ངེ་
D44.037.0173b01.01འཛིན་གྱི་སྒོ་གཅིག་གིས་ཏིང་ངེ་འཛིན་གྱི་སྒོ་ཐམས་ཅད་ལ་འཇུག་པས་ཏིང་ངེ་འཛིན་གྱི་དགའ་བ་དང་། ཐོས་པ་ཐམས་ཅད་འཛིན་པ་ཉམས་པ་མེད་པར་ཀུན་ཏུ་འཛིན་ཅིང་སེམས་ཅན་གཞན་གྱི་རྒྱུད་ཀྱིས་འཐོབ་པར་བྱེད་པས་གཟུངས་ཀྱི་དགའ་བ་དང་། ཚིག་གཅིག་
D44.037.0173b02.01དང་ཡི་གེ་གཅིག་གིས་བསྐལ་པ་བརྗོད་དུ་མེད་པར་གཞན་དང་གཞན་དུ་སྨྲ་ཞིང་ངེས་པའི་ཚིག་རྒྱུད་མི་འཆད་པར་རབ་ཏུ་སྟོན་པས་སྤོབས་པའི་དགའ་བ་དང་། སེམས་ཅན་ཐམས་ཅད་ཀྱི་ལུས་ལ་མཐའ་ཡས་པའི་སྒོའི་རྒྱུད་དུ་མངོན་པར་བྱང་ཆུབ་པ་སྟོན་པས་མངོན་པར་
D44.037.0173b03.01རྫོགས་པར་བྱང་ཆུབ་པའི་དགའ་བ་དང་། བདུད་དང་ཕྱིར་རྒོལ་བ་ཐམས་ཅད་ཆོས་དང་འཐུན་པར་ཚར་གཅོད་པས་ཆོས་ཀྱི་འཁོར་ལོ་བསྐོར་བའི་དགའ་བའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་དགའ་བ་སྟེ། དེ་
D44.037.0173b04.01དག་ལ་གནས་ཤིང་བྱང་ཆུབ་སེམས་དཔའ་རྣམས་སངས་རྒྱས་ཐམས་ཅད་ཀྱི་ཆོས་ཀྱི་དགྱེས་པ་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་རྒྱན་ཏེ། བཅུ་གང་ཞེ་ན། འདི་ལྟར་ཐུབ་པ་མེད་
D44.037.0173b05.01པས་སྟོབས་ཀྱི་རྒྱན་དང་། ཟིལ་གྱིས་མི་ནོན་པས་མི་འཇིགས་པའི་རྒྱན་དང་། དོན་བརྗོད་དུ་མེད་ཅིང་ཡངས་པ་བརྗོད་པའི་སྒོ་རྒྱུན་མི་འཆད་པས་དོན་གྱི་རྒྱན་དང་། ཆོས་ཀྱི་ཕུང་པོ་སྟོང་ཕྲག་བརྒྱད་ཅུ་རྩ་བཞི་ཤིན་ཏུ་བརྟགས་པའི་ཆོས་རབ་ཏུ་སྟོན་པ་ལ་མགོ་
D44.037.0173b06.01རྨོངས་པ་མེད་པས་ཆོས་ཀྱི་རྒྱན་དང་། བྱང་ཆུབ་སེམས་དཔའ་ཐམས་ཅད་ཀྱིས་བྱ་བའི་སྨོན་ལམ་ལས་ཕྱིར་མི་ལྡོག་པས་སྨོན་ལམ་གྱི་རྒྱན་དང་། ཀུན་ཏུ་བཟང་པོའི་ཐེག་པས་འབྱུང་བས་སྤྱོད་པའི་རྒྱན་དང་། ཞིང་ཐམས་ཅད་
D44.037.0173b07.01