完整藏文原文 · 德格版页 当前仅加载第 37 函德格 355b 版页；藏文 NFD、目录标记与异常页序保留在来源切片中，重复版页行以稳定序号区分。
རོལ་ཏུ་ཕྱིན་པ་སྣ་ཚོགས་དང་ལྡན་པའི་སྔོན་གྱི་སྦྱོར་བ་རྒྱ་མཚོ་ཡོངས་སུ་བསྟན་པ་དང་། སྦྱིན་པའི་སྤྱོད་པ་འཇིག་རྟེན་དུ་ཡོངས་སུ་བརྗོད་པ་དང་། སེར་སྣའི་དྲི་མ་རྣམ་པར་བཟློག་པ་དང་། ཆགས་པ་ཐམས་ཅད་སྤང་བ་ལ་སེམས་ཅན་རབ་ཏུ་དགོད་པ་དང་།
D44.037.0355b01.01འཇིག་རྟེན་རིན་པོ་ཆེ་སྣ་ཚོགས་ཐམས་ཅད་ཀྱི་རྒྱན་གྱིས་བརྒྱན་པར་བྱིན་གྱིས་བརླབ་པ་དང་། སྦྱིན་པའི་ཕ་རོལ་ཏུ་ཕྱིན་པ་ལ་སེམས་ཅན་རབ་ཏུ་དགོད་པ་དང་། མཚན་ཐམས་ཅད་ཀྱི་ཡོན་ཏན་ཡང་དག་པར་བརྗོད་པ་དང་། སངས་རྒྱས་ཀྱི་མཚན་འབྱུང་བའི་རྒྱུ་སྟོན་པ་
D44.037.0355b02.01བྱེད་པ་མཐོང་ངོ་། །ཡང་བྱང་ཆུབ་སེམས་དཔའ་སངས་རྒྱས་ཀྱི་ཞིང་གྲངས་{མྱེད་,མེད་}པའི་རྡུལ་ཤིན་ཏུ་ཕྲ་བ་སྙེད་བྱུང་ནས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་བརྗོད་ཅིང་། བ་སྤུའི་བུ་ག་ཐམས་ཅད་ནས་སངས་རྒྱས་ཐམས་ཅད་ཀྱི་ཚུལ་ཁྲིམས་ཀྱི་ཕ་
D44.037.0355b03.01རོལ་ཏུ་ཕྱིན་པ་དང་ལྡན་པའི་སྔོན་གྱི་སྦྱོར་བ་རྒྱ་མཚོ་ཡོངས་སུ་བསྟན་པ་དང་། སེམས་ཅན་ཐམས་ཅད་ལམ་གྱི་རྒྱུད་དང་ཡུལ་ལས་ཕྱིར་ཕྱོགས་པར་བྱས་ཏེ། དེ་བཞིན་གཤེགས་པའི་ཡུལ་ལ་མངོན་དུ་ཕྱོགས་པར་བྱ་བ་དང་། འཇིག་རྟེན་གྱི་འདོད་པ་ལ་རྣམ་
D44.037.0355b04.01པར་སྨད་པ་དང་། འཇིག་རྟེན་གྱི་ཕྱིན་ཅི་ལོག་གི་ལིང་ཏོག་རྣམ་པར་བསལ་བ་དང་། ལོག་པའི་རྣམ་པར་རྟོག་པ་རབ་ཏུ་ཞི་བར་བྱས་ནས་བྱང་ཆུབ་སེམས་དཔའི་ཚུལ་ཁྲིམས་ལ་ཡང་དག་པར་དགོད་པ་དང་། སྙིང་རྗེ་ཆེན་པོའི་ཚུལ་ཁྲིམས་ཡོངས་
D44.037.0355b05.01སུ་བརྗོད་ཅིང་དེ་བཞིན་གཤེགས་པའི་ཚུལ་ཁྲིམས་རབ་ཏུ་ཐོབ་པར་བྱ་བའི་ཕྱིར། སངས་རྒྱས་ཀྱི་ལམ་ནན་ཏན་དུ་བྱ་བའི་ཚུལ་ཁྲིམས་ལ་སེམས་ཅན་རབ་ཏུ་དགོད་པ་དང་། སྲིད་པའི་ལམ་གྱི་རྒྱུད་རྨི་ལམ་ལྟ་བུར་སེམས་ཅན་རྣམས་ལ་རབ་ཏུ་
D44.037.0355b06.01བརྗོད་ཅིང་། རྨི་ལམ་གྱི་ཚུལ་དང་མཉམ་པར་ཡོངས་སུ་གཞོལ་བར་བྱ་བའི་ཕྱིར་ཡུལ་ཡོངས་སུ་འཛིན་པ་དང་ཉོན་མོངས་པ་ལ་དབང་བསྒྱུར་བར་སེམས་ཅན་རྣམས་རབ་ཏུ་དགོད་པ་བྱེད་པ་མཐོང་ངོ་། །ཡང་བྱང་ཆུབ་སེམས་དཔའ་སངས་རྒྱས་
D44.037.0355b07.01