完整藏文原文 · 德格版页 当前仅加载第 37 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་ཐམས་ཅད་ཀྱི་རིགས་དང་། རྒྱུད་ཡང་དག་པར་འབྱུང་བའི་ཡེ་ཤེས་དང་ལྡན་པ། སངས་རྒྱས་ཀྱི་ཆོས་ཐམས་ཅད་བསྟན་པ་ལ་ཕ་རོལ་ཏུ་ཕྱིན་པའི་མཆོག་ཐོབ་པ་དེ་དག་ལ་{སྩོགས་,སོགས་}པ་ཡོན་ཏན་མང་པོ་ཚད་མེད་པའི་ཁྱད་པར་
D44.037.0079a01.01ཀྱི་མཐར་ཐུག་པ་ཡིན་གྱིས། ཀྱེ་རྒྱལ་བའི་སྲས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སྐྱེ་བ་འབྱུང་བ་བསྟན་པ་དང་། སྐུ་ཡང་དག་པར་བསྟན་པ་དང་། དབྱངས་རབ་ཏུ་བརྗོད་པ་དང་ཐུགས་ཀྱི་མཐུ་དང་།
D44.037.0079a02.01ཡུལ་གྱི་གནས་དང་། སྤྱོད་ཡུལ་བསྟན་པ་དང་། མངོན་པར་བྱང་ཆུབ་པའི་གནས་དང་། ཆོས་ཀྱི་འཁོར་ལོ་བསྐོར་བ་མངོན་པར་བསྒྲུབ་པ་དང་། ཡོངས་སུ་མྱ་ངན་ལས་འདས་པ་ཆེན་པོ་བསྟན་པ་དང་། དེ་བཞིན་གཤེགས་པ་རྣམས་མཐོང་ཞིང་ཐོས་
D44.037.0079a03.01པ་དང་། དེ་བཞིན་གཤེགས་པ་དང་འགྲོགས་པས། དགེ་བའི་རྩ་བ་འབྱུང་བ་བསྟན་པ་ལ་ལེགས་པར་སྤོབས་པར་མཛོད་ཅིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱིས། དོན་
D44.037.0079a04.01འདི་ཉིད་ཡང་བཟླས་བརྗོད་པའི་ཕྱིར། དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་ཚིགས་སུ་བཅད་དེ་སྨྲས་པ། །ཆགས་མེད་བློ་གྲོས་ཤིན་ཏུ་རྣམ་པར་སངས་རྒྱས་བློ་ལྡན། །ཡེ་ཤེས་མཐའ་ཡས་ཡུལ་ལ་མཉམ་པ་ཉིད་དུ་
D44.037.0079a05.01གྱུར་པ། །རྒྱལ་བའི་སྤྱོད་ཡུལ་ཚད་མེད་ལེགས་པར་ཡང་དག་ཤོད་ཅིག །དེ་ཐོས་སངས་རྒྱས་སྲས་རྣམས་ཐམས་ཅད་རབ་ཏུ་དགའ་འགྱུར། །རྒྱལ་བ་མཆོག་རྣམས་འབྱུང་བ་ཇི་ལྟར་བྱང་ཆུབ་སེམས་དཔས། །ཁོང་དུ་ཆུད་བྱ་ཇི་ལྟར་དེ་དག་ཡང་དག་
D44.037.0079a06.01བལྟ་བྱ། །དེ་བཞིན་གཤེགས་ཐུགས་ཇི་འདྲ་སྐུ་དང་དབྱངས་ཀྱང་ཅི་འདྲ། །སྐྱེས་བུ་ཁྱུ་མཆོག་རྣམས་ཀྱི་ཡུལ་དང་སྤྱོད་ཡུལ་ཅི་འདྲ། །དེ་བཞིན་གཤེགས་པ་བྱང་ཆུབ་ཇི་ལྟར་རྣམ་པར་འཚང་རྒྱ། །ཆོས་ཀྱི་འཁོར་ལོ་དམ་པ་རྒྱལ་བ་ཇི་ལྟར་སྐོར་
D44.037.0079a07.01