完整藏文原文 · 德格版页 当前仅加载第 37 函德格 318b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ལྔ་བརྒྱ་ལྔ་བརྒྱ་དང་བཅས་ཏེ། སྐྱིད་པའི་འབྱུང་གནས་ཀྱི་གྲོང་རྡལ་ནས་བྱུང་ནས། འཇམ་དཔལ་གཞོན་ནུར་གྱུར་པ་གང་ན་བ་དེར་དོང་ངོ་། །དེ་ལ་དགེ་བསྙེན་ཤེས་རབ་ཆེན་པོ་ནི་དགེ་བསྙེན་བཟང་པོས་བྱིན་དང་། ལྷས་བྱིན་དང་། བསོད་ནམས་འོད་དང་། གྲགས་པའི་ལྷ་དང་
D44.037.0318b01.01གྲགས་པས་བྱིན་དང་། ཟླ་བའི་དཔལ་དང་། ཟླ་བ་དགའ་བོ་དང་། བློ་གྲོས་བཟང་པོ་དང་། བློ་གྲོས་ཆེན་པོ་དང་། སྒྲ་གཅན་བཟང་པོ་དང་། དགེ་བསྙེན་བཟང་པོའི་དཔལ་དང་། དེ་དག་ལ་སོགས་པ་དགེ་བསྙེན་ལྔ་བརྒྱས་བསྐོར་ཅིང་མདུན་དུ་བྱས་ཏེ། འཇམ་
D44.037.0318b02.01དཔལ་གཞོན་ནུར་གྱུར་པ་གང་ན་བ་དེར་དོང་ནས། འཇམ་དཔལ་གཞོན་ནུར་གྱུར་པའི་རྐང་པ་གཉིས་ལ་སྤྱི་བོས་ཕྱག་འཚལ་ཏེ། འཇམ་དཔལ་གཞོན་ནུར་གྱུར་པ་ལ་ལན་གསུམ་དུ་བསྐོར་བ་བྱས་ནས། ཕྱོགས་གཅིག་ཏུ་འཁོད་དོ། །དེ་ལ་དགེ་བསྙེན་
D44.037.0318b03.01མ་ཤེས་རབ་ཆེན་མོ་ནི། དགེ་བསྙེན་མ་འོད་བཟང་མོ་དང་། ལུས་བཟང་མོ་དང་། དགེ་བ་ཡོད་པ་དང་། དགེ་བའི་དཔལ་དང་། ཟླ་བའི་འོད་དང་། དཔལ་གྱི་འོད་དང་། དཔལ་བཟང་མོ་དང་། དགེ་བསྙེན་མ་མིག་བཟང་མོ་དང་། དེ་དག་ལ་
D44.037.0318b04.01སོགས་པ་དགེ་བསྙེན་མ་ལྔ་བརྒྱས་བསྐོར་ཅིང་མདུན་དུ་བྱས་ཏེ། འཇམ་དཔལ་གཞོན་ནུར་གྱུར་པ་གང་ན་བ་དེར་དོང་ནས། འཇམ་དཔལ་གཞོན་ནུར་གྱུར་པའི་རྐང་པ་གཉིས་ལ་སྤྱི་བོས་ཕྱག་འཚལ་ཏེ། འཇམ་དཔལ་གཞོན་ནུར་གྱུར་པ་ལ་ལན་གསུམ་དུ་བསྐོར་བ་
D44.037.0318b05.01བྱས་ནས། ཕྱོགས་གཅིག་ཏུ་འཁོད་དོ། །དེ་ལ་ཚོང་དཔོན་གྱི་བུ་ནོར་{བཟངས་,བཟང་}ནི། ཚོང་དཔོན་གྱི་བུ་བརྟུལ་ཞུགས་བཟང་པོ་དང་། ཚུལ་ཁྲིམས་བཟང་པོ་དང་། ངང་ཚུལ་བཟང་པོ་དང་། རྣམ་པར་གནོན་པ་བཟང་པོ་དང་། བསམ་པ་བཟང་པོ་དང་། བློ་གྲོས་བཟང་པོ་
D44.037.0318b06.01དང་། བློ་བཟང་པོ་དང་། མིག་བཟང་པོ་དང་། ལག་པ་བཟང་པོ་དང་། ཚོང་དཔོན་གྱི་བུ་འོད་བཟང་པོ་དང་། དེ་དག་ལ་སོགས་པ་ཚོང་དཔོན་གྱི་བུ་ལྔ་བརྒྱས་བསྐོར་ཅིང་མདུན་དུ་བྱས་ཏེ། འཇམ་དཔལ་གཞོན་ནུར་གྱུར་པ་གང་ན་བ་དེར་དོང་ནས། འཇམ་དཔལ་གཞོན་ནུར་
D44.037.0318b07.01