完整藏文原文 · 德格版页 当前仅加载第 37 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་པ་ཇི་ལྟ་བ་བཞིན་དུ་སྟོན་པ་དང་། དུས་ལ་བབ་པར་ཐོབ་པར་བྱེད་པ་དང་། རིགས་པའི་ཚུལ་བཞིན་དུ་{མྱི་,མི་}འཁྲུལ་པ་དང་། དུས་གསུམ་ཤེས་པར་བྱ་བ་རབ་ཏུ་རྟོགས་པ་དང་། ལུས་ཀྱི་དབང་ཟིལ་གྱིས་མི་ནོན་པ་དང་། ཚིག་གི་དབང་{དམྱིགས་,དམིགས་}པར་དཀའ་བ་དང་། ཡེ་ཤེས་
D44.037.0263b01.01ཀྱི་དབང་ཚིགས་བཞིན་དུ་ཁོང་དུ་ཚུད་པར་བྱེད་པ་སྟེ། ཀྱེ་རྒྱལ་བའི་སྲས་ཆོས་དཀར་པོའི་རྣམ་པ་བཅུ་པོ་དེ་དག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཆོས་ཀྱི་འཁོར་ལོ་སེམས་ཅན་གཞན་གྱི་སེམས་ཀྱི་རྒྱུད་ལ་ཐོགས་པ་{མྱེད་,མེད་}པ་དང་།
D44.037.0263b02.01མངོན་པར་{མྱེད་,མེད་}པར་འབྱུང་བར་འགྱུར་རོ། །ཀྱེ་རྒྱལ་བའི་སྲས་སངས་རྒྱས་ཀྱི་ཕྲིན་ལས་རྫོགས་པར་མཛད་ཟིན་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་དོན་བཅུའི་དབང་གཟིགས་ནས་ཡོངས་སུ་མྱ་ངན་ལས་འདའ་བ་ཆེན་པོ་སྟོན་ཏེ། བཅུ་གང་ཞེ་ན་
D44.037.0263b03.01འདི་ལྟར་ཡང་དག་པ་ཇི་ལྟ་བ་བཞིན་དུ་འདུ་བྱེད་{མྱི་,མི་}རྟག་པ་ཡོངས་སུ་བསྟན་པ་དང་། འདུས་བྱས་ཐམས་ཅད་ཡིད་བརྟན་དུ་མི་རུང་བར་བསྟན་པ་དང་། མྱ་ངན་ལས་འདའ་བའི་ཕྱོགས་བདེ་བར་འགྲོ་བས་འཇིགས་པ་དང་བག་ཚ་བ་ཐམས་ཅད་དང་བྲལ་བ་ཡང་དག་པར་བསྟན་པ་དང་། གཟུགས་
D44.037.0263b04.01ཀྱི་ལུས་ལ་ཞེན་པའི་ལྷ་དང་{མྱི་,མི་}རྣམས་ལ་གཟུགས་ཀྱི་ལུས་{མྱི་,མི་}རྟག་པ་ཉིད་དུ་ཡང་དག་པར་བསྟན་པ་དང་། ཆོས་ཀྱི་སྐུ་ལ་ཡང་དག་པར་སྦྱར་བ་དང་། རྣམ་པར་འགྱུར་བའི་མཐུས་ཕྱིར་{མྱི་,མི་}ཟློག་པར་ཡོངས་སུ་བསྟན་པ་དང་། འདུ་བྱེད་ཐམས་ཅད་འདོད་དགུར་{མྱི་,མི་}རུང་ཞིང་དབང་བསྒྱུར་དུ་{མྱེད་,མེད་}པ་ཡོངས་སུ་
D44.037.0263b05.01བསྟན་པ་དང་། ས་གསུམ་གྱི་འཁོར་བ་ཐམས་ཅད་སྒྱུ་མའི་རྣམ་པ་ལྟ་བུར་ཡོངས་སུ་བསྟན་པ་དང་། མྱ་ངན་ལས་འདས་པ་ནི་སྙིང་པོ་དམ་པ་སྟེ། {མྱི་,མི་}འཇིགས་པའི་ཆོས་ཉིད་དུ་ཡང་དག་པར་བསྟན་པ་དང་། ཀུན་འབྱུང་ཞིང་འཇིག་པས་འབྲལ་བར་འགྱུར་བ་ཡོངས་སུ་བསྟན་པ་དང་། ཀྱེ་རྒྱལ་
D44.037.0263b06.01བའི་སྲས་སངས་རྒྱས་བཅོམ་ལྡན་འདས་ཀྱི་ཆོས་ཉིད་ཀྱིས་ཀྱང་དེ་བཞིན་ཏེ། སངས་རྒྱས་ཀྱི་ཕྲིན་ལས་ཐམས་ཅད་རྫོགས་པར་མཛད་དེ། དགོངས་པ་ཐམས་ཅད་ཡོངས་སུ་རྫོགས་ཤིང་ཆོས་ཀྱི་འཁོར་ལོ་ཤིན་ཏུ་བསྐོར་ཏེ། འདུལ་བ་ཐམས་ཅད་ཤིན་ཏུ་དུལ་ནས་བྱང་ཆུབ་སེམས་དཔའ་
D44.037.0263b07.01