完整藏文原文 · 德格版页 当前仅加载第 37 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པའི་མཚན་རིན་པོ་ཆེ་སྣ་ཚོགས་སེམས་ཅན་གྱི་ཁམས་སུ་ཆགས་པ་མེད་པའི་ཡེ་ཤེས་ཀྱི་སྤྱན་རྣམ་པར་དག་པས་གྲུབ་པ། འོད་འཕྲོ་བའི་སྤྲིན་རིན་པོ་ཆེ་དངུལ་གྱི་མདོག་ཏུ་ཀུན་ཏུ་སྟོན་པས། རྣམ་པར་འཕྲུལ་པའི་སྤྲིན་ཅེས་བྱ་བ་མངའོ། །
D44.037.0046b01.01དེ་བཞིན་གཤེགས་པའི་ཤངས་ལ་དེ་བཞིན་གཤེགས་པའི་མཚན་རིན་པོ་ཆེ་སྣ་ཚོགས་ཀྱིས་ཡོངས་སུ་དག་པས་རིན་པོ་ཆེ་ཐམས་ཅད་ཀྱི་འོད་དང་མདོག་དང་། །ཁ་དོག་དང་ལྡན་པར་གྱུར་པ་དེ་བཞིན་ཉིད་ཐུགས་སུ་ཆུད་པ། རིན་པོ་ཆེའི་མེ་ཏོག་གི་སྤྲིན་གྱིས་ཀུན་ཏུ་
D44.037.0046b02.01རྒྱས་ཤིང་བྱང་ཆུབ་སེམས་དཔའ་ཐམས་ཅད་ཀྱི་སངས་རྒྱས་ཀྱི་ཆོས་རྒྱ་མཚོ་བསམ་གྱིས་མི་ཁྱབ་པ་དང་། སེམས་ཅན་གྱི་འཇིག་རྟེན་ཐམས་ཅད་མངོན་པར་མཁྱེན་པའི་ཡེ་ཤེས་ཀྱི་སྤྲིན་ཅེས་བྱ་བ་མངའ་འོ། །སངས་རྒྱས་ཀྱི་ལྗགས་ཡངས་པ་ལ་འཇིག་རྟེན་
D44.037.0046b03.01གྱི་ཁམས་རྒྱ་མཚོ་ཐམས་ཅད་ལྗགས་ཡངས་པའི་སྤྲིན་གྱིས་ཀུན་ཏུ་ཁྱབ་པའི་མཚན་ཉིད་ཡོངས་སུ་རྫོགས་པའི་དགེ་བའི་རྩ་བས་ཡོངས་སུ་གྲུབ་པ། རིན་པོ་ཆེ་ཐམས་ཅད་ཀྱི་རྒྱལ་པོའི་གཞི་ལས་འོད་འཕྲོ་བས་ཆོས་ཀྱི་དབྱིངས་ཐམས་ཅད་རྣམ་པར་སྣང་
D44.037.0046b04.01བར་མཛད་པའི་ངང་ཚུལ་ཅན། འདས་པ་དང་། མ་འོངས་པ་དང་། ད་ལྟར་བྱུང་བའི་སེམས་ཀྱི་གཟུགས་བརྙན་དང་། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དབྱིངས་ཀྱི་རྒྱན་ཐམས་ཅད་ཤིན་ཏུ་སྟོན་པའི་གསུང་དང་ལྡན་པའི་སངས་རྒྱས་
D44.037.0046b05.01ཀྱི་མཚན་གྱི་ལྗགས་ཡངས་པའི་སྒོ་རིན་པོ་ཆེ་ཐམས་ཅད་ཀྱི་ཁ་དོག་དང་མདོག་གིས་རབ་ཏུ་བརྒྱན་པ་འོད་ཟེར་རྒྱ་མཚོ་བསམ་གྱིས་མི་ཁྱབ་པ་རབ་ཏུ་སྣང་བ་བཞད་མོ་འཛུམ་པས། ཕྱོགས་བཅུར་རབ་ཏུ་བཀྱེ་ཞིང་འགྲོ་བ་ཐམས་ཅད་ཤིན་ཏུ་དང་སྟེ། རིན་
D44.037.0046b06.01པོ་ཆེ་རྒྱལ་པོའི་འོད་འཕྲོ་བས་རབ་ཏུ་བརྒྱན་པར་དེ་བཞིན་གཤེགས་པའི་གསུང་སྣ་ཚོགས་རྣམ་པར་དག་པ་རབ་ཏུ་བརྗོད་ཅིང་། ཤིན་ཏུ་རྒྱ་ཆེ་བའི་འཇིག་རྟེན་གྱི་ཁམས་རྒྱ་མཚོ་ཐམས་ཅད་དུ་ཆོས་ཀྱི་ང་རོ་འབྱིན་པ་བསྐལ་པ་ཚད་མེད་པར་སངས་རྒྱས་ཀྱི་
D44.037.0046b07.01