完整藏文原文 · 德格版页 当前仅加载第 37 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཐམས་ཅད་ཀྱང་མི་དམིགས། འདུས་བྱས་དང་འདུས་མ་བྱས་ཀྱང་མི་དམིགས་ཏེ། དེ་དེ་ལྟར་དབེན་པར་གནས་པ་ཡིན། དེ་ལྟར་ཟབ་མོ་ལ་གནས་པ་དང་དེ་ལྟར་ཞི་བ་ལ་གནས་པ་དང་། དེ་ལྟར་ཉོན་མོངས་པ་མེད་པ་ལ་གནས་པ་དང་། དེ་ལྟར་
D44.037.0190b01.01བརྗོད་དུ་མེད་པ་ལ་གནས་པ་དང་། དེ་ལྟར་གཉིས་སུ་མེད་པ་ལ་གནས་པ་དང་། དེ་ལྟར་རྟོག་པ་མེད་པ་ལ་གནས་པ་དང་། དེ་ལྟར་ཆོས་ཐམས་ཅད་ཀྱི་རང་བཞིན་ལ་གནས་པ་དང་། དེ་ལྟར་རིག་པ་ལ་གནས་པ་དང་། དེ་ལྟར་གྲོལ་བ་ལ་གནས་པ་དང་།
D44.037.0190b02.01དེ་ལྟར་མྱ་ངན་ལས་འདས་པ་ལ་གནས་པ་དང་། དེ་ལྟར་ཡང་དག་པའི་མཐའ་ལ་གནས་པ་ཡིན་ཡང་སྨོན་ལམ་གྱི་རྒྱུན་ཀྱང་མི་གཅོད། ཐམས་ཅད་མཁྱེན་པ་ཉིད་དུ་སེམས་བསྐྱེད་པ་དང་། བྱང་ཆུབ་སེམས་དཔའི་སྤྱོད་པ་དང་། སེམས་ཅན་ཡོངས་
D44.037.0190b03.01སུ་སྨྱིན་པར་བྱ་བ་དང་། ཕ་རོལ་ཏུ་ཕྱིན་པ་རྣམས་དང་། སེམས་ཅན་གདུལ་བ་དང་། སངས་རྒྱས་མཆོད་ཅིང་རིམ་གྲོར་བྱ་བ་དང་། ཆོས་བསྟན་པ་དང་། འཇིག་རྟེན་གྱི་ཁམས་བརྒྱན་པའི་རྒྱུན་ཀྱང་མི་གཅོད་དོ། །ཀྱེ་རྒྱལ་བའི་སྲས་དེ་ཅིའི་
D44.037.0190b04.01ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་རྣམས་ནི་སྨོན་ལམ་ཆེན་པོས་ཤིན་ཏུ་བྱུང་བའི་ཕྱིར་ཏེ། གང་གིས་ཆོས་ཐམས་ཅད་ཀྱི་མཚན་ཉིད་འདི་ལྟ་བུར་རབ་ཏུ་ཤེས་པ་ནི་སྙིང་རྗེ་ཆེན་པོ་དེ་བས་ཀྱང་རྣམ་པར་འཕེལ་བར་བྱེད། ཡོན་ཏན་བརྗོད་དུ་
D44.037.0190b05.01མེད་པས་ཀྱང་སེམས་ཅན་ཐམས་ཅད་ཡོངས་སུ་མི་གཏོང་བའི་སེམས་ཆེར་བསྐྱེད་དེ། དེ་ལྟར་དངོས་པོ་མེད་པའི་ཆོས་ཐམས་ཅད་ལ་ཡང་བྱིས་པ་སོ་སོའི་སྐྱེ་བོ་ཀུན་ཏུ་གཏི་མུག་པ་འདི་དག་གིས་ཆོས་ཐམས་ཅད་ཀྱི་རང་བཞིན་ཁོང་དུ་མི་ཆུད་མི་
D44.037.0190b06.01ཤེས་ཀྱིས་དེ་ཁོང་དུ་ཆུད་པར་བྱའོ། །དེ་ཅིའི་ཕྱིར་ཞེ་ན། འགྲོ་བ་ཐམས་ཅད་སངས་རྒྱས་བཅོམ་ལྡན་འདས་རྣམས་ལས་ལྷག་པར་ཞི་བའི་གནས་ཀྱང་མེད་ན། དེ་དག་གིས་ཀྱང་ཆོས་དེ་ལྟ་བུར་བསྟེན་ཏེ། སེམས་ཅན་ཡོངས་སུ་སྨིན་པར་མཛད་
D44.037.0190b07.01