完整藏文原文 · 德格版页 当前仅加载第 37 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
རིན་པོ་ཆེའི་མེ་ཏོག་དང་། རིན་པོ་ཆེ་བཻ་ཌཱུརྱའི་འོད་དུ་འཕྲོ་བའི་སངས་རྒྱས་ཀྱི་འོད་སེང་གེ་རྣམ་པར་སྣང་བའི་མཐུ་དང་ལྡན་པས་ཆོས་ཀྱི་དབྱིངས་ཐམས་ཅད་དུ་རྣམ་པར་གནོན་པའི་མཚན་རྒྱ་མཚོའི་སྤྲིན་གྱི་རྡུལ་གཅིག་ལས་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་སྙེད་
D44.037.0044b01.01དུ་ཡང་དག་པར་འཕྲོ་བས་སངས་རྒྱས་ཀྱི་མཚན་ཡང་དག་པར་བསྟན་ཅིང་དེའི་དཀྱིལ་འཁོར་གྱི་ཡེ་ཤེས་སྟོན་པས། དེ་བཞིན་གཤེགས་པ་ཐམས་ཅད་ཀྱི་མཚན་དང་རྣམ་པར་འཕྲུལ་པའི་སྤྲིན་སྣང་བ་ཞེས་བྱ་བ་མངའ་བ་དང་། སངས་རྒྱས་ཀྱི་དབུ་ལ་དེ་བཞིན་
D44.037.0044b02.01གཤེགས་པའི་མཚན་དེ་ཁོ་ན་ཐུགས་སུ་ཆུད་པའི་མཚན་ཉིད་རིན་པོ་ཆེའི་རྒྱན་རྣམ་པར་དག་པས། དེ་བཞིན་གཤེགས་པ་དང་། བྱང་ཆུབ་སེམས་དཔའི་ཡེ་ཤེས་ཀྱི་སྙིང་པོ་ཚང་མེད་པ་དང་། ཆོས་ཀྱི་དབྱིངས་ཐམས་ཅད་དུ་སྣང་བའི་འོང་ལ་འཇུག་པ་
D44.037.0044b03.01ཞེས་བྱ་བ་མངའ་བ་དང་། དེ་བཞིན་གཤེགས་པའི་དབུ་ལ་དེ་བཞིན་གཤེགས་པའི་མཚན་རིན་པོ་ཆེ་བཻ་ཌཱུརྱའི་མེ་ཏོག་དང་། སེང་གེའི་ཟླ་བ་འོད་གཟེར་རྣམ་པར་སྣང་བ་དང་། རིན་པོ་ཆེའི་རྒྱལ་པོ་འོད་ཟེར་བརྒྱ་པ་ཀུན་ཏུ་སྙོམས་པ་དཔལ་གྱི་སྤྲིན་
D44.037.0044b04.01གྱིས་ཆོས་ཀྱི་དབྱིངས་དང་། ནམ་མཁའ་ཁྱབ་པའི་སངས་རྒྱས་ཀྱི་འོད་ཟེར་སྣང་བས་ཞིང་དང་། འཇིག་རྟེན་མང་པོར་དེ་བཞིན་གཤེགས་པ་བཞུགས་པའི་འོད་རྣམ་པར་སྣང་བའི་སྤྲིན་ཅེས་བྱ་བ་མངའ་བ་དང་། དེ་བཞིན་གཤེགས་པའི་དབུ་ལ་དེ་བཞིན་
D44.037.0044b05.01གཤེགས་པའི་མཚན་སངས་རྒྱས་ཀྱི་སྣང་བ་རིན་པོ་ཆེ་ཐམས་ཅད་ཀྱི་འོད་འཕྲོ་བའི་སྒྲོན་མ་ཆོས་ཀྱི་དབྱིངས་ཀྱི་འཁོར་ལོའི་རྒྱུད་ཀྱིས་ཀུན་ཏུ་རྣམ་པར་དག་པས། སངས་རྒྱས་ཀྱི་འོད་ཀྱི་སྤྲིན་ཕྱོགས་བཅུར་བཀྱེ་བ་ཀུན་ཏུ་སྣང་བའི་སྤྲིན་ཅེས་བྱ་བ་མངའ་བ་དང་།
D44.037.0044b06.01དེ་བཞིན་གཤེགས་པའི་དབུ་ལ་དེ་བཞིན་གཤེགས་པའི་མཚན་རིན་པོ་ཆེའི་འོད་འཕྲོ་བའི་ན་བུན་གྱིས་བྱང་ཆུབ་སེམས་དཔའ་ཐམས་ཅད་དེ་བཞིན་གཤེགས་པའི་སྙིང་པོ་བྱང་ཆུབ་ཏུ་བཞུགས་ཏེ། ཆོས་ཀྱི་དབྱིངས་ཐམས་ཅད་དུ་དགོངས་པའི་སྐད་ཅིག་རེ་རེ་ལ་བྱང་ཆུབ་
D44.037.0044b07.01