完整藏文原文 · 德格版页 当前仅加载第 37 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་གནས་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་ཐམས་ཅད་མཁྱེན་པའི་གནས་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྟན་ལ་འདུག་པ་
D44.037.0232a01.01སྟེ། བཅུ་གང་ཞེ་ན་འདི་ལྟར་དགེ་བ་བཅུའི་ལས་ཀྱི་ལམ་བསྒྲུབ་པའི་ཕྱིར་འཁོར་ལོས་སྒྱུར་བའི་སྟན་ལ་འདུག་པ་དང་། འཇིག་རྟེན་ཐམས་ཅད་སངས་རྒྱས་ཀྱི་ཆོས་ཀྱི་དབང་ཕྱུག་ལ་དགོད་པའི་ཕྱིར་འཇིག་རྟེན་གྱི་མགོན་པོའི་སྟན་ལ་འདུག་པ་དང་། འགྲོ་
D44.037.0232a02.01བ་ཐམས་ཅད་ཀྱི་དབང་པོར་འགྱུར་བའི་ཕྱིར་བརྒྱ་བྱིན་གྱི་སྟན་ལ་འདུག་པ་དང་། རང་གི་སེམས་དང་། གཞན་གྱི་སེམས་ལ་དབང་བསྒྱུར་བའི་ཕྱིར་ཚངས་པའི་སྟན་ལ་འདུག་པ་དང་། ཆོས་ཀྱི་གཏམ་མ་ནོར་བར་བྱ་བའི་ཕྱིར་སེང་གེའི་སྟན་ལ་འདུག་པ་དང་།
D44.037.0232a03.01གཟུངས་དང་སྤོབས་པའི་སྟོབས་ཀྱིས་བརྗོད་པའི་ཕྱིར་ཆོས་ཀྱི་སྟན་ལ་འདུག་པ་དང་། དམ་བཅས་པ་མཐར་ཕྱིན་པའི་ཕྱིར་ཡི་དམ་ལ་བརྟན་པའི་སྟན་ལ་འདུག་པ་དང་། གཤེ་བ་དང་། སྡང་བ་བྱམས་པར་བྱ་བའི་ཕྱིར་བྱམས་པ་ཆེན་པོའི་སྟན་ལ་འདུག་པ་དང་། མི་
D44.037.0232a04.01དགའ་བ་ཐམས་ཅད་བཟོད་པར་བྱ་བས་མི་སྐྱོ་བར་བྱ་བའི་ཕྱིར་སྙིང་རྗེ་ཆེན་པོའི་སྟན་ལ་འདུག་པ་དང་། ཕས་ཀྱི་རྒོལ་བ་དང་བདུད་ཀྱི་སྡེ་ཐམས་ཅད་བཟློག་པའི་ཕྱིར་རྡོ་རྗེའི་སྟན་ལ་འདུག་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་
D44.037.0232a05.01སྟན་ལ་འདུག་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་སངས་རྒྱས་ཀྱི་གདན་ཆེན་པོ་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་མལ་ཏེ། བཅུ་གང་
D44.037.0232a06.01ཞེ་ན་འདི་ལྟར་ལུས་དང་སེམས་དབེན་པར་བྱ་བའི་ཕྱིར་དབེན་པའི་མལ་དང་། ཚུལ་བཞིན་གྱི་སྦྱོར་བ་བསྒྲུབ་པའི་ཕྱིར་ནང་དུ་ཡང་དག་པར་གཞོག་པའི་མལ་དང་། ལུས་དང་སེམས་ལས་སུ་རུང་བར་བྱ་བའི་ཕྱིར་སྙོམས་པར་འཇུག་པའི་མལ་དང་། གཞན་དང་བདག་
D44.037.0232a07.01