完整藏文原文 · 德格版页 当前仅加载第 37 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
དགང་བའི་ཕྱིར་བྱིན་གྱི་རླབས་ཟད་མི་ཤེས་པའི་མཐར་ཐུག་པས་མཐའ་རྣམ་པར་སྤངས་པ་སྤྱོད་པ་ཚད་མེད་པ་རབ་ཏུ་བརྙེས་པ་ཐམས་ཅད་མཁྱེན་པའི་ཡུལ་གྱིས་རྣམ་པར་རོལ་པའི་ཡེ་ཤེས་ཀྱི་དོན་དང་ལྡན་པ། ཐམས་ཅད་མཁྱེན་པའི་ཡོན་ཏན་ཡང་དག་པར་
D44.037.0023b01.01བསྒྲུབ་པ་ཡོངས་སུ་རྫོགས་པ་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་གདན་རྣམ་པར་བཀྲམ་པས་ཡོངས་སུ་རྒྱས་པ། སངས་རྒྱས་ཀྱི་ཞིང་མ་ལུས་པ་ཐམས་ཅད་དུ་བྱང་ཆུབ་སེམས་དཔས་རྣམ་པར་དམིགས་པ། བྱང་ཆུབ་སེམས་དཔའི་སྤྱོད་
D44.037.0023b02.01པ་དམ་པ་ཐོབ་པ་རྣམས་ཀྱི་ཞལ་དུ་བལྟ་བ། བྱང་ཆུབ་སེམས་དཔའ་ཐམས་ཅད་ཀྱི་རྣམ་པ་དང་། སྨོན་ལམ་ཁྱད་པར་ཅན་དང་ལྡན་པའི་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་ཀྱིས་ཡང་དག་པར་བསམ་པའི་ཆོས་ཀྱི་འཁོར་ལོ་ཟབ་མོ་
D44.037.0023b03.01རབ་ཏུ་བསྐོར་བ། སངས་རྒྱས་ཀྱི་ཡུལ་ཚད་མེད་པ་བརྩམས་པས། བྱང་ཆུབ་སེམས་དཔའ་བརྗོད་དུ་མེད་པའི་འབྱུང་གནས་སུ་གྱུར་པ། བྱང་ཆུབ་སེམས་དཔའི་སྤྱོད་པ་སྣ་ཚོགས་སྤྱོད་པ་ལ་ཡང་དག་པར་གཞོལ་བ། བྱང་ཆུབ་སེམས་དཔའི་འཁོར་
D44.037.0023b04.01གྱི་དཀྱིལ་འཁོར་རྣམ་པར་དག་པ་མངའ་བ། འཇིག་རྟེན་གྱི་ཁམས་ཐམས་ཅད་སངས་རྒྱས་ཀྱི་བྱིན་གྱིས་བྱིན་དུ་རློབ་པའི་ཡུལ་མངའ་བ། དགེ་བའི་རྩ་བ་བསྐྱེད་པའི་སེམས་ཅན་གྱིས་རྣམ་པར་དམིགས་པ། དགེ་བའི་རྩ་བ་ཐམས་ཅད་ཐ་མི་དད་པ་
D44.037.0023b05.01དང་ལྡན་པ་འབྱུང་བའི་ས། །བྱང་ཆུབ་སེམས་དཔའི་སྤྱོད་པ་མཐའ་ཡས་པའི་མཐུའི་གནས་ལ་ཡོན་ཏན་གྱི་ཁྱད་པར་ཐམས་ཅད་རབ་ཏུ་བརྙེས་ནས་བཞུགས་པ། འཇིག་རྟེན་གྱི་རྣམ་པ་ཐམས་ཅད་མ་ལུས་པའི་མཐར་ཐུག་པ། སེམས་ཅན་གྱི་རྣམ་
D44.037.0023b06.01པ་ཐམས་ཅད་དང་། ཞིང་གི་རྣམ་པ་ཐམས་ཅད་དང་། ཆོས་ཀྱི་རྣམ་པ་ཐམས་ཅད་དང་། བྱང་ཆུབ་སེམས་དཔའི་རྣམ་པ་ཐམས་ཅད་དང་། ཡོངས་སུ་སྨིན་པར་བྱ་བའི་རྣམ་པ་ཐམས་ཅད་དང་། དུས་ཀྱི་རྣམ་པ་ཐམས་ཅད་དང་། གདུལ་བའི་རྣམ་
D44.037.0023b07.01