完整藏文原文 · 德格版页 当前仅加载第 37 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སངས་རྒྱས་མཆོད་ཅིང་རིམ་གྲོ་བྱ་བ་དང་། སེམས་ཅན་ཡོངས་སུ་སྨིན་པར་བྱ་བའི་རྒྱུན་ཚད་མེད་པ་ཡང་དག་པར་བསྒྲུབས་པ་དང་། ཐབས་དང་ཤེས་རབ་ཀྱི་ལམ་རྣམ་པར་དག་ཅིང་། ཚད་མེད་པ་ཡང་དག་པར་བསྒྲུབས་པ་དང་། ཡོན་ཏན་རྣམ་
D44.037.0080b01.01པར་དག་པའི་རྣམ་པ་ཚད་མེད་པ་ཡང་དག་པར་བསྒྲུབས་པ་དང་། ལམ་གྱི་ཡན་ལག་རྣམ་པར་དགོད་པ་ཚད་མེད་པའི་ཡེ་ཤེས་ཡང་དག་པར་བསྒྲུབས་པ་དང་། དོན་དང་ལྡན་པའི་ཆོས་ཚད་མེད་པ་ཁོང་དུ་ཆུད་པས། མཐར་ཕྱིན་པར་བྱ་བ་ཡང་དག་པར་བསྒྲུབས་
D44.037.0080b02.01པ་སྟེ། ཀྱེ་རྒྱལ་བའི་སྲས་དག །ཆོས་བཅུ་པོ་འདི་དག་ལ་{སྩོགས་,སོགས་}པ། ཆོས་རྣམ་པ་ཐ་དད་པ་བརྒྱ་སྟོང་ཚད་མེད་གྲངས་མེད་པ་ཡོངས་སུ་རྫོགས་པར་བྱ་བའི་ཚུལ་ཡང་དག་པར་བསྒྲུབས་པའི་རྒྱུས་དེ་བཞིན་གཤེགས་པ་རྣམས་འབྱུང་བར་འགྱུར་རོ། །ཀྱེ་རྒྱལ་
D44.037.0080b03.01བའི་སྲས་དག་འདི་ལྟ་སྟེ་དཔེར་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འབྱུང་བ་ནི་རྒྱུ་གཅིག་གིས་འབྱུང་བ་མ་ཡིན། རྐྱེན་གཅིག་གིས་འབྱུང་བ་མ་ཡིན་ཏེ། ཀྱེ་རྒྱལ་བའི་སྲས་དག་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་
D44.037.0080b04.01ནི་རྒྱུ་ཚད་མེད་པ་དང་། རྐྱེན་ཚད་མེད་པ་དང་། བསྒྲུབས་པ་ཚད་མེད་པས་ཡོངས་སུ་འགྲུབ་པར་འགྱུར་ཏེ། །འདི་ལྟར་སྤྲིན་ཆེན་པོའི་ཆར་དུས་ལས་{མྱི་,མི་}འདའ་བར་རབ་ཏུ་འབབ་པས་ཀྱང་རྒྱུ་བྱས་ལ། རླུང་གི་དཀྱིལ་འཁོར་བཞི་རྒྱུན་མི་ཆད་པར་ལྡང་བས་
D44.037.0080b05.01ཀྱང་རྒྱུ་བྱས་ན་ཡོངས་སུ་འགྲུབ་པར་འགྱུར་རོ། །བཞི་པོ་དེ་དག་ཀྱང་གང་ཞེ་ན། འདི་ལྟ་སྟེ། རླུང་གི་དཀྱིལ་འཁོར་ཡོངས་སུ་འཛིན་པ་ཞེས་བྱ་བ་ནི་ཡོངས་སུ་གཟུང་བའི་ཕྱིར་ལྡང་ངོ་། །རླུང་གི་དཀྱིལ་འཁོར་ཡོངས་སུ་སྐེམ་པ་ཞེས་བྱ་བ་ནི། ཆུའི་ཕུང་
D44.037.0080b06.01པོ་ཡོངས་སུ་བསྐམ་པའི་ཕྱིར་ལྡང་ངོ་། །རླུང་གི་དཀྱིལ་འཁོར་ཡོངས་སུ་གཞོག་པ་ཞེས་བྱ་བ་ནི་གཞལ་མེད་ཁང་ཐམས་ཅད་ཡོངས་སུ་དགོད་པའི་ཕྱིར་ལྡང་ངོ་། །རླུང་གི་དཀྱིལ་འཁོར་རྣམ་པར་དགོད་པ་ཞེས་བྱ་བ་ནི། སེམས་ཅན་སྟོང་གསུམ་གྱི་སྟོང་
D44.037.0080b07.01