完整藏文原文 · 德格版页 当前仅加载第 37 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་མི་གནས་པར་རབ་ཏུ་རྟོག་ཅིང་འཇུག་པ་དང་། མོས་པ་དང་ཡིད་ཆེས་པ་འདི་ནི་སྐྱེ་བ་དང་། འཇིག་པ་ལ་མི་གནས་པ་ཞེས་བྱ་བ་ཡེ་ཤེས་ཀྱི་ཚོགས་བདུན་པ་སྟེ། ཆོས་ཐམས་ཅད་ཁོང་དུ་ཆུད་པ་དག་པའི་རྒྱུར་འགྱུར་བའོ། །ཆོས་ཐམས་ཅད་བདག་མེད་
D44.037.0243b01.01པ་དང་། སེམས་ཅན་མེད་པ་དང་། སྲོག་མེད་པ་དང་། གང་ཟག་མེད་པ་དང་། སེམས་མེད་པ་དང་། དོན་མེད་པ་དང་། འདོད་ཆགས་མེད་པ་དང་། ཞེ་སྡང་མེད་པ་དང་། གཏི་མུག་མེད་པ་དང་། ཉོན་མོངས་པ་མེད་པ་དང་། ལུས་མེད་པ་
D44.037.0243b02.01དང་། རྫས་མེད་པ་དང་། ལྟ་བ་མེད་པ་དང་། དྲི་མ་མེད་པ་དང་། རྗེ་བ་མེད་པ་དང་། གོས་པ་མེད་པ་དང་། རྒྱུ་བ་མེད་པ་དང་། ཟང་ཟིང་མེད་པ་དང་། མྱ་ངན་ལས་འདས་པའི་རྒྱུད་དུ་ཡང་དག་པར་གཞོལ་བ་ཐོས་ན་མོས་ཤིང་ཡིད་ཆེས་ལ་
D44.037.0243b03.01ཡིད་གཉིས་མེད་ཅིང་ཐེ་ཙོམ་མི་ཟ་བ་འདི་ནི་ཡེ་ཤེས་ཀྱི་ཚོགས་བརྒྱད་པ་སྟེ། མོས་པ་ཡོངས་སུ་རྫོགས་པར་འགྱུར་བའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ཚུལ་གཞན་གྱི་སྦྱོར་བས་ཡང་དག་པར་བྲལ་བར་བྱས་པས་དབང་པོ་བསྡམས་པ་ལྷག་
D44.037.0243b04.01མཐོང་དང་ཞི་གནས་ཀྱིས་ཞི་བ་དང་། ཉེ་བར་ཞི་བ་དང་། རབ་ཏུ་ཞི་བར་གྱུར་པ། ཡིད་ལ་བྱ་བ་ཐམས་ཅད་ཀྱིས་མ་བྱས་མ་བསྐྱེད། མངོན་པར་མ་བྱས་པའི་ངང་ཚུལ་ཅན་བདག་མེད་པ་དང་། སེམས་ཅན་མེད་པ་དང་། བདག་གི་འདུ་ཤེས་རྣམ་པར་
D44.037.0243b05.01རྒྱུ་བས་ནན་ཏན་དུ་བྱེད་པ་མེད་པའི་བློ་དང་ལྡན་པ། ཟད་པ་མེད་ཅིང་ཚད་མེད་ལ་མི་དམིགས་པའི་བཟོད་པ་ཅན། ལུས་དང་ངག་དང་སེམས་བླང་བ་མེད་པ་དང་དོར་བ་མེད་པས། སྔོན་དུ་འདོར་བའི་བརྩོན་འགྲུས་དང་ལྡན་པ། སེམས་ཅན་ཐམས་ཅད་དང་
D44.037.0243b06.01ཆོས་ཐམས་ཅད་ལ་མི་གནས་པར་བསམ་གཏན་འཆའ་བ། ཚུ་རོལ་མེད་པ་ཕ་རོལ་མེད་པ། ཚུ་རོལ་དང་ཕ་རོལ་དང་བྲལ་བ་རྒྱུ་བ་མེད་པ་རྒྱུ་བ་དང་བྲལ་བའི་ཤེས་རབ་ཀྱིས་དེ་ལྟར་ངེས་པར་རྟོག་པ་འདི་ནི་ཡེ་ཤེས་ཀྱི་ཚོགས་དགུ་པ་སྟེ། མཚན་མ་དང་ཡོངས་སུ་རྟོག་པ་
D44.037.0243b07.01